البنا الفنان
*********************
أنا قلت للبنا علىِّ واعمل حساب
الأبواب
ضحك المعلم وقالى عينيا للأحباب
ياعينى على الدوران دا خلى قلبى داب
شغلك جميل يامعلم تعيش يازينة الشباب
*******************************
القرد
*****
القرد فى عين
أمه غزال
مَثَلْ وكان
دايماً يتقال
شايف نفسه كمان
ساحر
وبلدنا مليانة أمثال
********************************************
صباح الخير
********
صباح الخير يا أمنا
يا نبض بيجرى ف دمنا
يا فرحة عايشة جوانا
وحضن دافى يضمنا
************************************
ملايكة حارسة
**********
للقبور ملايكة حارسة كل شهيد
تفضل تسبح وتعيد وتزيد
يارب أسكن فى القبور وياهم
أفرح وأسعد لو شهادتى أكيد
***************************************
برجك عالى
********
مقامك غالى وبرجك عالى
والنور فيكى حبيبتى يلالى
شــط النيل ونســمة طرية
وهواكى على طول يحلالى
*****************************************
كتاب الله
*******
كتاب الله ظاهر
وكمان لعدوه
قاهر
ورسولنا نادى
وقال
حافظه عالى
وزاهر
******************************
حامده وشاكره
*********
رب البرايا دا
ســـــــندى
هو المعين كمان
صمدى
حامده وشاكره
فى كل أوان
يارب باركــلى
فى ولــدى
*************************************
سندى وعمادى
***********
يــــــــارب
بـــارك أولادى
وأبــوية وأمى
وأحفـــادى
وزوجتى كمان سر
حياتى
دول يبقوا سندى
وعمادى
*************************************
شفاء ورحمة
*********
دا كـــــلام
ربى الحنــــان
وإلهى
عظــــــيم منــــان
أرســــل
قــــرآنه لحبيبه
شــــــفاء
ورحمــة كمان
************************************
هضرب فـ
المليان
************
ما بقاش إلا أهل القرآن
يخرج عليهم حقير جبان
إثبت مكانك وهات فلوسك
وإلا هضــرب فــــ المليان
*************************************
غافر الذنوب
**********
العفو ما
أحــــــلاه
من رب ما
أعـــلاه
غافر لكل
الذنـــوب
لعبد
يــــــــوم ناداه
****************************************
القمة العربية
***********
القمــــة
العربيـــة تنادى
يلا نلم
شـــــــــمل بلادى
وإيدينا فى
إيدين بعضينا
هنرجـــع
أمجــاد أجدادى
*********************************************
عائلتى
*******
عيلة عريقة وملــــــو العين
راجع تاريخها لسيدنا الزين
تســـأل حبيبى تقصد مين ؟
دى تبقى طبعاً شرف الدين
************************************
رايحين فين
***********
تسألنى يا ابنى رايحين فين ؟
للمصطفى دا حبيبنا الـــــزين
أزوره وده كــــــــل أمــــــالى
هـو شفيعنا قـــــولـــــوا أمين
**********************************************
كتاب الله
********
ماسكة كتاب الله وبصا بعنيه
أتلوا كلام الله وشايلاه بإيديه
وبقلبى أنا بهواه والطبع دا فيا
يارب إهدينى واغفر بقى ليه
***********************
عمى الشيخ
***********
والله ما كان ع البال
ولا فى يوم يتقال
إن عمى الشيخ
يكتب كما
الزجال
********************
الخشب والمسمار
************
مسمار وقال للخشب إياك تبقى حطام
إوعى فى يوم تشتكى الشكوى برضه حرام
أمال أنا أعمل إيه والدق على راسى
مكتوب لى أعيش على كده واستحمل الآلام
******************************
الأرض
*******
روحت لصديقى أقوله عاوز قرض
قالى حبيبى ما تروح تبيع الأرض
قلت لصديقى بيع الأرض يتعبنى
واللى يبيع الأرض سهل يبيع العرض
******************************
العسكر
***********
العسكر دول حمايه
فى كل لحظة معايه
ودول حُماة الوطن
وعنهم هكتب روايه
******************************
بيت العنكبوت
****************
بنيت بالرمل بيتى وضحكوا عليا العيال
البيت لازم يكون متين وع الأساس يتشال
أسس لبيتك وإوعى فى يوم تبنى
على الرمال لحسَّن فى يوم ينزال
************************************
حكاية جندى
*********
حكاية جندى من الثوار
بيحلم بشمس ليها نهار
بيخرج كل يوم يشقى
لجل اللقمة لأهل الدار
*********************************
عيد الفلاح
**********
إزرع الأرض يا ابنى لجــل تجيب تفاح
والأرض راح تطـرح وهتســـعد الفلاح
فلاح فى يوم عيده فرحـان كده بزرعه
شرقية يا مُّ الكرم طارحه رجال ونجاح
*********************************************
مصر باقية
**********
اسـمع كلامى ومعاه الدليل
النصـر باقى من جيل لجيل
ومصر باقية وراسها عالية
ونهار ينـــــور من بعد ليل
***************************************
القناة الجديدة
***********
المصــــــرى رجــــولـة فى كــــل عصر
وهيحفر القنـــــاة لجــــل عيــــون مصر
واللى هيكــــون معانا يبقى من الأحباب
واللى يحاول يعطل يبقى مصيره العصر
*******************************************
تعالوا يلا
**********
تعالوا يلا نِســــــكتْ بنادق
نسمع كلام هادى وصادق
نقراه تملى ع الجــند اللى
ماتــوا هناك وفــ الخنادق
*************************************
شم النسيم
********
دنيـــــا غريبـــــة وربى عليم
وزهور زاهية وشــــــم نسيم
وعيال تجرى وتاكـــــل بيض
والمجانين عايشين فى نعيم
*****************************************
راح أسامح
************
علشان أبوك الغالى دق على بابى
أنا راح أسامح فى حقى وحق أحبابى
والدك دا راجل زين حافظ كلام الله
ودخوله بيتى ينسينى جرحى وعتابى
********************************
للصبر حدود
**********
شايل على ضهرى وعكازى فى إيديه
راضى بحكم الإله والشكر ليه شويه
يا موزعين الفرح عاوز كمان حبه
أنا قلبى داب م الألم والدمع فـ عينيه
*******************************************
شيخنا
****
دا شيخنا اســمه محمد نصر
قــارئ قــــدير بإذاعة مصر
شرقاوى وبلده تبقى طاروط
وشيخنا طالع من نصر لنصر
******************************
رضا أبو الغيط
***************
أستاذنا أبـــــــو الغيط
ماسك بطـــرف الخيط
وإحنا نقـــــوله وراك
يضحك وشعره حويط
-----------------
محمد الراوى
***********
شاعرنا اسمه الراوى
تسمع منه حكاوى
حكاوى بطلها شاعر
وع الحب برضه ناوى
********************************
كيلو اللحمة
**********
كيلو اللحمة مفيد ومغذى وفيه فيتامين
بس عيـــونى بتبكى عليه ومش لاقيين
والأطفال تصـــــرخ وتنادى ع التموين
كيلو اللحمة ياخلق ياهوو بقى بتمانين
************************************
شفيع وضمين
***********
حبيبنا الــزين وضى العين
وصحابه معاه كمان شايلين
هموم وأحمال لنسـا ورجال
طبعاَ دا شفيع كمان وضمين
*************************************
يوم الشهيد
*********
هذا كــــــــــلام فيه إفادة
أقوله فى يوم الشــــهادة
هنيئاً للشـــهيد عند الإله
حىٌ يرزق تغمره السعادة
****************************
الحمار
******
بيقولــــوا بردعته دهــــب
هيشيل عليها برضه حطب
والجهل دا صفة الســــفيه
زى الحمار لو شـــال كتب
**********************************
أنا راضى
**********
كـــوخى صغير وكمان أنــــــا راضى
وعزتى فـ دينى وإلهى هـــو القاضى
حافظ كتاب الله وشــــــــايله فـ عينيا
من يوم ميلادى وحتى يوم انقباضى
***************************************
الفلاح
******
صباحنا نادى دا أحلى صباح
وقلبى ينـــــــادى ع الفــلاح
قلبى عليك يانـــــــور عينى
يــــرد يقـــولى أنــــا مرتاح
******************************
بائعة المناديل
**********
يا اللى قاعدة من غير مُعيل
بايعة ميِّة كمان منــــــــاديل
عفة نفســـــــــــــــك بتخلينا
نسهر نبكى طـــــــــول الليل
*******************************
هموم الغلابة
*********
هشكى همــوم الغـــلابة
وهقول كمان ع الربابة
فى ناس مش لاقية تاكل
ونـــــاس ولا الديــــــابة
**************************************
لسة فاكرك
*********
كنتى أغلى من نور عينيا
لما إيديكى تلمس إيديـــــا
لسة فاكــرك وإنتى تنادى
ابنى حبيبى كــــل اللى ليا
***********************************
عاوز أمارة
**********
يا اللى راكب ع الحمارة
لو مبسوط عاوز أمارة
دا الفقير واكل وشارب
وعيشه مغمس بالمرارة
************************************
أشكى لمين ؟!
************
ضهرى انحنى وعيشـــــتى صبحت مُرة
وجار عليا الزمن ومراتى طاهرة وحُرة
يا زمن اعطف وقوللى بس لمين أشكى
هَلِمْ أنا شكوتى وأربــط عليها فى صُرة
*****************************************
أبوس إيديكى
**********
قاعـــدة تبيعى البصل والفجل والجرجير
والله كفاحك يا حاجة دا خلى عقلى يطير
ومعاكى لمون أخضر وفول حِراتى كمان
أنا راح أبوس إيديكى وألفها فى حـــرير
**************************************
لحن الحزن
*********
ســـنابل قمحك الصفرة
ولحن الحزن والحسرة
وطير واقـــف بيسمعلى
وحزن فـ قلبى وبوفـرة
************************************
بيوتنا بطين
**********
بيـــــــوتنا بطين ومش لاقيين
وفقر وجــــوع وناس قاعدين
وماســـك شـــــــومة فى إيديا
ألاعب صاحبى وأنسى يومين
*****************************************
الحمار
*****
بكتب عن الكل إشمعنى يعنى الحمار
والكل كمان غنوله وبجد مش بهزار
وقلبه شايل أسية وكمان على ضهره
يشيل هموم وحمول بالطن والقنطار
*************************************
لجل عيونَك
*********
شايلاك على ضهرى وإيديا شغالة
وأبوك فى الـــدار يعاملنى بسفالة
والله لجــــل عيونَك حبيب روحى
ما كنت أستحمل شتيمة ونـــدالة
***************************************
إسعد فقير
*********
يا اللى بتلبس حرير افتكر انســـــان
هدومه متقطعة وكمــان بقى عريان
ادخل عليه السعادة يســـــــعدك ربك
وفـ الأخرة تبقى رفيق النبى العدنان
*****************************************
هب النسيم
********
هب النسيم والــــــــورد فاح
وقلوبنا صــــار فيها ارتياح
والكـــــــل جه للورد يقطف
يهدى الحبايب مسا وصباح
******************************************
فكوا قيودى
**********
نفسى أطيـــــــــــــر وجنحتى متكتفة
وولادى بعيد عنى وبرضه متشحتفة
يا ناس فكوا قيودى وارحمــوا حالى
حالى صعيب وكمان حزينة ومقريفة
******************************************
إنتى
اللى ليا
**********
عمرى اللى فــــات بهديه إليكى
ولحظة حلــــــوة ولمسة إيديكى
وعيالنا كبروا ومشيوا وسابونا
وإنتى اللى ليا وأنـــا اللى ليكى
*************************************
النصف من شعبان
************
أدعــــــوا إلهى الغافر الرحمان
اغفر لنا فى النصف من شعبان
واجعــــــل ذنوبنا يذروها الهوا
بجاه أحمد صاحـــــب الإحسان
*************************************
قربت أنسى
**********
أشق الأرض بمحـــــراتى
وأدارى دمعى وأهـــــاتى
وأبويا عليا كمـــان آسى
قربت أنسى ياناس ذاتى
*********************************
أنا نفسى
*********
نفسى أروح للنبى وأشـــــــــاهد
الأنوار
وأشوف مقام الحبيب والمسك والأزهار
وأقف على عرفات وأنـادى على
مولاى
أنا جيت إله الكون إمحى ذنـوب وأوزار
*******************************
يا عم سيبها
*********
يا عم سيبها تاكـــــــــل عيش
يعنى خلاص غيـــــرها مفيش
دا فى حيتان وكــــــلاب كمان
دول مصمصونا ونتفوا الريش
************************************
رمضان
******
شهرٌ يجودُ بالخيرِ والإحسانِ
فيه الهدى والصومِ والغفرانِ
أقبلْ عليه واغتنم خيــــــراته
إن الحــــــــــياةَ دقائقٌ وثوانِ
*************************************
ليلة القدر
*******
ليلة
القــــدر فى شهر عظيم
يارب ننولها
دا خيرها عميم
إرفـــــــع
إيدك وإدعى لربك
ربى سامحنى
أنا قلبى سليم
***************************
يوم الكرم
********
بيقولوا الكــــــــرم له يوم
دا الكرم بيكــــون كل يوم
أرملة وفقير اعطف عليهم
واللهِ رزقـــــك هيبقى عوم
*****************************
وداعاً رمضان
************
رمضان بيقول يلا ســـلام
راح أزوركم م العام
للعام
ومســاجد ربى راح
تبكى
وشهر الخير مَــــــرْ
أوام
*********************************
يا اللى كنت
كنت فاكر
إنــــــــــه صديق
وراح وفاتنى وسط
الطريق
ذنبى إيه أنـــــــا
بس قولى
يا اللى كنت
أجمـــــل رفيق
***************************
من أكون ؟!
**********
أنـــــــا سرابٌ
تمــــــلأه الشجون
ودمـــــوع عينى
تكحـــل الجفون
فلســـــــت أدرى من
أنــــــــــا ؟!
أبشرٌ أم سرابٌ أم من
ذا أكون !!
********************************
يا بلسم جروحى
**********
بحبك ياروحى يا بلسم جروحى
وفــ بعادى عنك بكـــايا ونوحى
يا زهـــــرة حياتى ولحن الحياة
يا أملى وعمرى وكـــل طموحى
************************************
الأدب
******
الأدب راح فين يا ناس
راح يدوسه بالمداس
والمؤدب رحمة عليه
واللى سافل فوق الراس
**********************************
راضى
********
دى كســرة خبز تكفينى
وشـــــــربة ميه تروينى
وراضى باللى مقسوملى
وقــــــــادر ربى
يعطينى
*************************************
اللى حصل
*********
يا فاردة الشعر ع
الميه
ورايحة معاه كمان
جايه
وشمس غروب وتنهيده
بتحكى ع اللى حصل ليا
*************************************
أخر رجاء
********
حبيبى شاغل بالى
والعقل منى طــــار
خلاص أنا اتجننت
بجــــد مش بهزار
حبيبى ارحم حالى
ولين بقى شـــوية
دا كان أخر رجاء
بعدين يكـون انذار
****************************
الهجر
******
الشــمس بتغيب فى كفى
والهجر واقف فى صفى
وقلبى يهــــــواه
لأنـــــه
شـــهد مكــــرر
مصـفى
*****************************
الصلاة
******
رأيت همومى صارت
كالجبال
والهجر صـــار عدواً
للوصال
حينها تذكرت
قــــــول حبيبى
قـــــم وأرحنــــا
بها يا بــلال
*****************************
الصحوبية
*********
الصاحب اللى يهينك إرميـــــه ورا ضهرك
حتى لو كان أخــــــوك وكان كمان صِهرك
دايماً يهين فــــــ الناس ما يقَّدر الصحوبية
وكمان يبيع بالرخيص عمره ما قدَّر مهرك
**************************************
عمرى ضاع
**********
عمرى ضاع ويـــاك بلاش
اللى زيى عمره مـــا عاش
والأمـــــــل منتظره دايمـــاً
بس خسارة برضه مجاش
****************************
النصر
******
كانت حــــرب وليها لـزوم
ويومها كـان يـــوم
محتوم
والنصر والله كـان
مكتوب
علشان كرامة وعزة
تدوم
********************************
علم بلدى
*********
العمة حمـــرا وشمسك
تنوَّر
وشالها أبيض ويلا نصــــوَّر
وكله لــــون علمك
يابلــــدى
واللحية سمرا وإوعى
تحوَّر
***********************************
ضلام حالك
*********
ياليل مالِك ضــلام
حالِك
ونور البــــدر فيك
سالك
إلهى رحيم بكــــل
حبيب
بدون عطفك يكون هالك
*****************************
ثورة غلابة
*********
بيقولوا عنها ثورة
غلابة
وإحنــــــا أطيب م
الطيابة
مصر بلـــــدى رمز
العمار
ومش هتكون أبــداً
خرابة
********************************
ليست هناك تعليقات:
إرسال تعليق