العفة عنوانى
*************
أبويه الغالى
ودعـــــــــــته
وأنا
صــــــــــغير ووحدانى
وأمى تبكى
وتولــــــــــــول
وأختى فـ
حجـــــرها تعانى
ناديت
الصـــــــــــبر ياأمى
وقلبى
حــــــــزين وبيعانى
ومين هيشــــيل
بقى همى
أكيد ربى
إلــــــــــــه حانى
صرخت يا أمى
راح نصبر
فراقـــه صعيب
لوجــدانى
وراح أجيب
كـمان لأختى
هــــــدوم
العيـــد وفستانى
بكـــــت أمى
وقالـــــت لى
ياعينى عليك
ياوحـــــدانى
وهلبس أسود طول
عمرى
وصورة أبوك فى
وجدانى
وهدعى ربى
يكــــــــرمنى
وأشـــــوفك
أحن انســانى
وأنا هوهــــب
حياتى ليك
وعمرك يوم ما
تنســـانى
وأختك راح
نراعيـــــــها
وأحميكم فى
أحضــــــانى
وهقفل ودنى ومش
هسمع
كــــلام
فــــلان وعـــــلانى
وهــــــــدفى
هو تربيتكــــم
والعفة هيه
عنـــــــــــوانى
***********************************
بعد مرور أربعين
عاماً على وفاة أمى أهديها هذه الكلمات
التى كتبتها
وكان حبرها دموع العين وأنات القلب
رحمها الله
رحمة واسعة وأسكنها فسيح جناته
*************************
أمى
**************
لما أراد
ربنــــــــــا
إنى يكون لى
وجود
من بعد عصبة
بنات
أراد إلــــه موجـــود
إنى أكــون أخ
ليهم
والفرحة راح
هتعود
وقال
أبويــــــه لأمى
سعادتى ما لها
حدود
وبكـــرة محمد
يكبـر
ويصير عوده
مفرود
لكن أمى جالها
مرض
نـــادر كمان
الوجــود
راحـــت
لكــــل الأطبا
والمرض ما له
حدود
وأمى راحـت
خلاص
راحــت
للحــــد ودود
والبسمة راحت
كمان
والدمع سال ع
الخدود
مات الحنان
اللى كان
بيخلى عودى
مشدود
وأنا كمان راح
أدعى
وأناجـــــى رب
ودود
بإنـــه
ينعـــــم عليها
بجنة فيها
خلــــــــود
***********************************
أمى الغالية
**************
البســـمة صفة
من صفاتك
والتواضـــــــــع
طبع فيكى
دايماً
بتــــــــــــدارى أهاتك
والحنان
اللـــــى فى عنيكى
دايماً صاحية
طول ساعاتك
وقلبى دايب
برضــــه فيكى
ياحبيبتى دى
بصـــــــــماتك
راح أقول
تســــــلم إيديكى
وبتفدينى
برضــــه بحياتك
راح أبيع عمرى
وشاريكى
وأنا
أجمــــــــــــــل لحظاتك
ناسى نفسى ومش
ناسيكى
قولى
شـــــــاورى وأمنياتك
كل غالى ما
هيســـــــاويكى
راضية حتى فى
أزمــــــاتك
رضـــــا ربى
للى يراضيكى
والصـــبر لمحة
من لمحاتك
وجنة ربى
تحـــــت رجليكى
إدعيلى ياغالية
فى صلاوتك
وأنا راح
أقـــــدم تحية ليكى
***********************************
بمناسبة يوم
اليتيم والذى يحتفل به كل عام فى الجمعة
الأولى من شهر
أبريل أهديكم أحبابى هذه الكلمات
*********************
أمسح دموعى ليه
وأنا ببكى على
أمى
دا الدمع مش
شاريه
أصل الحنان أمى
هبكى عليكى
العمر
يا أم الحنان
ضمى
كان نفسى أسعد
بيكى
وتشيلى وتسمى
راح الحنان راح
ولا خال ولا
عمى
وكان نفسى
أشوفها
وأبوسها أنا
بفمى
لكن نصيبى كده
ياحبيبتى يا
أمى
ووالدى كمان
راح
وصرت أنا فى
غمى
واليتم طالنى
كمان
وحزين وزاد همى
أسية يادنيا
ليه
وتخونى وتخمى
كان نفسى تكملى
يوم
يا ناقصة وتمى
قاتلة ولادك
كمان
بتسبى وتذمى
وأنا بنادى
وأقول
يا أبويه .. يا
أمى
كان نفسى أنا
أفديكم
بروحى وبدمى
وفى الختام راح
أقول
عذراً حسب علمى
دا الموت علينا
حق
والقبر هيضمى
************************************
رحمة ونور
*******
دا القلب حَــــــبْ وداب
من صغره لحد ما شاب
نفسى أشـــــوفك يا امَّه
بعد ما نـــــــورك غاب
**
عيدك ما لوش مواعيد
ورضـــــاكى عنى عيد
قلبى حزين على طول
بعد مــا كــان دا سعيد
**
طلبــــاتى كانت أوامـر
بالحب قلبــــــك عـامر
روحتى ومش رجعالى
والحزن لقلبى غـــامر
**
رحــمة ونــور عليـــكى
مش ناسى ضمة إيديكى
وحضـــــــن دافى يا امَّه
والدمعة ساكنة فـ عينيكى
**
تدعى تقــــــولى ياربى
دا ابنى ســــــاكن قلبى
أفـديه بروحى وعمرى
هو اللى نــــــوَّر دربى
*********************************
حكاية السنين
*******
آآآه من غدر السنين
والشقا ويا الأنين
والجمال راح وولى
والخطوط المحفورين
**
يا اللى كنتِ فى يوم جميلة
والخدود وردة أصيلة
يا حبيبتى فين جمالك ؟!
والسنين غادرة وعويلة
**
الزمن ظاهر وباين
يا اللى أعمى بص عاين
شوف حكاية السنين
كون صريح ومش تماين
**
راح أنادى بعلو صوتى
والصراخ يكسر سكوتى
إيه يا دنيــــا مش كفاية
عــــــدى يلا ويلا فوتى
*************************
أمى
*******
كان نفسى أقدم هدية ليكى
وأعيش خدام تحت رجليكى
لكن سبتينى وروحتى يا اما
وكل عمرى ما هيساويكى
***********************
أمى
*****
أمى دى فرحة ف القلب بتعيش
حضن وطن وسكن زيه مفيش
أمان بيملا قلوب الكون
كل حنان العالم جنبها مايسويش
************************************
بعد أمى
********
بعد أمى حزين وشــــــارد
دا الحنان شـــــراعه فارد
قـولى مين مكتوبله يفضل
دا الفناء مكتـــوب ووارد
******************************************
الفراق
**********
الفـــــــراق والله صعـــــيب
لما بيكــــــــون للحــــــبيب
والحبيب ســـــــافر خلاص
والعيـــــــــون نازلة نحيب
**************************************
أمى الغالية
********
البســـمة صفة من صفاتك
ودايماً بتــــــــــدارى أهاتك
والتواضـــــــــع طبع فيكى
والحنان أجمل ســــــــماتك
****************************************************
وحشانى يا امَّه
***********
راح أناديكى وحشانى يا امَّه
بحس بوحده فى وسط اللمه
ليه تسيبينى فـ حزنى لوحدى
فى عز النـــور بحس بضلمه
*************************************
جايلك يا امًّه
*********
جايلك يا امًّــــه بعد غيبة طــــــويله
وهمى زاد وبرضه مش قادر أشيله
ويا حسرتى على أيامى اللى راحت
عينى بتبكى وحسناتى برضه قليلة
***************************************
ليلة فراقك
*************
ليلة فراقـــــك انطــفت كـــــل الشموع
وفضلت سهران وعينى مليانة دموع
ببكى عليكى ما إنتِ أمــــــــى الغالية
وكل ما أفتـــكرك أقـــوم أنا مصروع
****************************************
لسة
فاكرك
*********
كنتى أغلى من نــــور عينيا
لمـــا إيديكى تلمس إيديـــــا
لســـة فاكــرك وإنتى تنادى
ابنى حبيبى كــــل اللـــى ليا
**
حضنك دايماً كان بيساعينى
وبفوطة ناعمة كنتى تلفينى
وإيدك تمســــح دموع عنيا
لما الصابون ييجى فـ عينى
**
طشطى صغير على قد سنى
قاعد مقرفص وعينيكى منى
إيدك تملس على شعر راسى
داعية إلهـــــــك يارب عينى
**
ومشيتى يا امَّه سيبانى وحدى
سنى صغير وفى عــــز مهدى
ومين يا غـــــالية يعطف عليا
من يـــوم ميلادى ولحد لحدى
*********************************************
ليست هناك تعليقات:
إرسال تعليق