شعر العامية
***********
غاية المَرَام
*********
طـــــول عمرى أحب الدين
وعاشـــــق الإســــــــــــلام
وأســــــــــمع كــــلام النبى
ولقيته أحـــــــلى كــــــــلام
أخــرجــنا م الظــلـمـــــــات
وهــــــــادى لكـــل الأنــــام
ومعـــــــاه كـــــــلام ربنـــا
وعــــــنــــــــــه ما بنـــــام
ولــمــا أجـــــيـب ســــيرته
جســـــــمى ينســـــى الآلام
هو الحــــبيب والشـــــــفيع
ورضــــاه غــــاية المَــَرَام
يــــارب احشــــــــرنا معاه
وفى زُمـــــــــرة الأيتــــــام
ونحـــب لبعض الخــــــــير
وراح نعيش فى ســــــــلام
*********************************
باب الأمل
*********
أنا كنت ماشى فى يوم
مع صُــحــبة م الخلان
نضحك ونلعب ونجرى
ناســــــــــيين إله ديان
وفى لحظة جالى الفرج
وبكــــت عـــيونى كمان
نادانى رب الكــــــــــون
أذكرنى يا إنســـــــــــان
وروحـــــت زرت البيت
وصــــليت على العدنان
وتوبت توبة نصــــوحة
وندمت ع العصــــــــيان
باب الأمـــــل مفتــــــوح
مفتــــــــوح فى كل أوان
******************************
جيشنا الباسل
*********
مصـــــر الأصيــــلة حبيبتى .. وبالحــب أنا موعــــــــود
دى عايشـــة جـو ه فى قلبى .. وقلبى زهـــــــور وورود
قلـبى دا عايـــش فيـهــــــــا .. ومليان بمسـك وعــــــود
وأنـا نظـــــــــــــرت لإلهــى .. ونــادانـــــــــى رب ودود
جيشــــــك دا جيـش باســـل .. قلت ... وكله صمــــــــود
وأشـــــهد له فى ينـــــــــاير .. خــطــــى لا همه ســـدود
وكانت ثـــــــــــــورة مجيدة .. وكان دا يوم مشـهـــــــود
وجيشــــــنا جاب النصـــــر .. فى أكتــــــوبر المعهــــود
ووقف بجانب الشـــــــــعب .. لجل بلــــــــــــدنا تعـــــود
وعادت بلدنـــــــا بأمــــــان .. وعزيمـــــة زى البـــارود
يحميـــــــــنا جــــــوه وبره .. يحميـــــــنا على الحـــدود
وريســـــــنا نادى وقــــــال .. حافظــــوا علـــــى العهود
ولو حافـــــــظتم تلاقــــــوا .. الكــل صـــــــار مسعــــود
وجيشنا هيفضــــــل صامد .. موَّفــــى بكــل الوعـــــــود
عمـــــــــال يدافـــــع بدمـه .. لجـــل الكــــــــــرامة تعود
ولما صـــــــار بيــــــــعمر .. أنا صلبـــــى صــار مفرود
ومشاريعـــــه كلها ظاهره .. حتى القــــــــــــناة بتعـــود
لازم نحب البـــــــــــلد دى .. وساعتــــها راح هنســـود
وجيشـنـــــا الله ينــــــــور .. ولـــه تاريــخ محمــــــــود
إدعى إلهـــــــك يعينـــــهم .. أبطال كمـــــان وأســـــــود
وأنا راح أهـــــدى ورودى .. للقــــــــــادة وللجنــــــــود
**************************
لغة العصافير
*********
عصفور نادى
وقال
اسمع يامولانا
ربى إله الكون
وبخيره غطانا
رزقه وفير وكمان
هو اللى أعطانا
عمرى ما جعت
فى يوم
ولا كنت عطشانا
ولا حوجنى لعبد
ولا كنت حيرانا
الحمد لك ياإلهى
والخير كمان جانا
*********************************
كمين للمؤذنين
***********
لما جه الإسلام
وخيره غطى الأنام
وقف أجمل إمام
ونادى إله علام
ناداه بأحلى كلام
أمتى ما بتنام
وبلال أخر تمام
دا مؤذن الإسلام
**
دا رافع للأذان
وصوته حلو كمان
وحبيب نبى عدنان
واشهدوا ياإخوان
راح نمنع الأذان
فى الفجر وكل أوان
وهنجازى رافع الأذان
بالخصم شهر كمان
**
اسلامنا راح فين
هبكى بدمع العين
ويارب يامعين
احمينا م السلاطين
نسيوا الإله والدين
وللحبيب عاصيين
وراح يعملوا كمين
لكل المؤذنين
************************
حج البيت
*********
نفسى أزور النبى
وأشاهد الحرمين
وأملى عينى كمان
ويكون لى برضه ضمين
وأشوف كمان الروضة
وأبكى بدمع العين
وأشوف حمام الحما
وأمدح نبينا الزين
**
ومن الفروض الخمسة
برضه دا حج البيت
ونادى إبراهيم ربه
وفيت كمان وسعيت
يااللى إنت ناوى
تزوره
إدعى إله البيت
يكون نصيبك زيارته
وع التوبة برضه نويت
**
هتروح تشوف النبى
وتشاهد الأنوار
وتشوف مقام الحبيب
والمسك والأزهار
وتقف على عرفات
وتنادى ع القهار
أنا جيت إله الكون
إمحى ذنوب وأوزار
**
وراح ترجع حبيبى
تايب كمان مجبور
تسعد بيك الحبايب
والأهل كمان فـ
الدور
وكمان هتشكر إلهك
إنك بقيت مستور
نفسك فى كل عام
تروح كمان وتزور
************************
إرجع لربك
**********
من تحت قدم النبى
طلع النبات م البور
وكمان دا كان أخضر
وفروعه طارحه زهور
دا حبيبنا سيدنا
النبى
ملانا حب ونور
واللى بِعِدْ عنه
هات الكتاب وإقرا
كلام إله مسطور
خالد طول الزمان
كمان عصور ودهور
يااللى نويت ع الندم
بسرعة لف ودور
دا الزمن راح يفوت
وذنوبنا تعبت ظهور
هنعيش على رحمتك
نتمنى خير مبدور
إنت إلهى تملى
رحيم كمان وغفور
**********************************
حبيبى
ومنايا
***********
تسألنى ياابنى
رايحين فين ؟!
للمصطفى دا حبيبنا
الزين
أجمل ما شافت برضه
العين
هو شفعينا قولوا
أمين
**
ساعة ما أشوفك قدامى
تِسْعَدْ بقى كل
أيامى
وأنظر أنا برضه
أمامى
وسعيد بدينى وإسلامى
**
ياطه دا نورك عالى
لكل الأماكن دا مالى
ونظرة منك ياغالى
تصعد بنا فى العلالى
**
إنتَ حبيبى يا محمد
كل اللى صلى راح
يسعد
ولنور حبيبه راح
يشهد
وشوقى زاد والنبى يا
أحمد
**
نفسى أزور طه نبينا
دا نوره طالل علينا
نمسح دموعنا بإيدينا
ولزيارته والله
نوينا
**
شفيع لكل البرايا
يلا تعالوا كده
ورايا
تصلوا ع النبى ويايا
هو حبيبى ومنايا
********************************
يارب
جيتلك
**********
أذكر ربك إذا نسيت
وحِبْ طه وآلَ البيت
وأنا إلهى جريت
وناديت
على حبايبى كمان
ونويت
إنى أناجى إله البيت
وناديتله برضه كمان
وسعيت
حتى عطانى كمان
ورضيت
خيره كتير لمثيله ما
لقيت
**
هو إلهى ونادانى
إبعد ياعبدى وخلانى
عن الذنوب أبعد تانى
وصرت تايب مش جانى
بعد ما كان طبعى
أنانى
وكنت لغيرى شرانى
أقتل وأسرق إخوانى
هو الرحيم اللى
هدانى
**
يارب إنت غفور ورحيم
واللى جنيته عذابه
أليم
وأدعى إلهى رؤوف
ورحيم
بقلب صافى كمان
وسليم
يسامحنى برضه دا
خيره عميم
لو مش يسامح هبقى
سقيم
عشمى فى ربى إنه
كريم
يغفر لعبد عمله عقيم
**
يارب جيتلك طوالى
دايماً معايا وعلى
بالى
حامل ذنوبى وأعمالى
كمان خطايا .. كمان
مالى
وكنت ربى لا أبالى
دلوقتى جيتلك
وتوكالى
على الكريم هو
العالى
يغفر لنا ولأمثالى
**********************************
بمناسبة عيد الفلاح
والشرقية 9/9 من كل عام ووقفة عرابى للخديوى ومطالبته بحقوق الشعب المصرى
**** عيد الفلاح
****
إزرع الأرض ياابنى
لجل تجيب تفاح
والأرض راح تطرح
وهتسعد الفلاح
فلاح فى يوم عيده
زرعه كمان طراح
راح يسرح كل يوم
سعيد مسا وصباح
ينام ويصحى فى أرضه
ويغنى كمان سواح
شرقية ياأم الكرم
طارحة رجال ونجاح
**
أصيل ونادى فى يوم
أنا أصلى شرقاوى
جدى عرابى اللى قال
ع النصر أنا ناوى
وقف أمام الخديوى
وبإيده رفع دعاوى
إرفع راسك لفوق
أصل إنت مصراوى
لا كنا فى يوم عبيد
ولا للذل هنخاوى
وشرقاوى نادى وقال
للأرض أنا مداوى
***************************
**** الحب ****
الحب لو كان فرس كنت
أنا خيال
والحب لو كان تقيل
كنت أنا شيال
وأنا بحب الجميع
شيبة كمان وعيال
وقلبى شايل الأمل
ومعاه كمان الآمال
والهدف مهما بِعِدْ
بالصبر راح ينطال
وأنا كمان كالمحارب
فى كل ميدان صوال
وحبى لبلدى فى قلبى
ومش لازم يتقال
هيه الأصيلة الغالية
ولها علىَّ أفضال
**************************
شمس الأصيل
**********
حســـــــــبىَّ
الله ونِـعْمَ الوكـيـل
فى اللى هتكوا عـرض
الأصـيل
بالـكـلام والـمـلام
وهـجر الخليل
دا كلامهم خلى دمعه
كمان يسيل
وراح ننــــادى بـكــلام جــــميل
ع الأصيل اللى عاش
عمره الطويل
يـحـمى بـلـده من
كـــلاب بتهز ديل
م اللى خان وراح
يموت موت العويل
واللى برضــه حُـبـه
لبلده دا كان قليل
واللى عاش مريض
بقلبه وكان عليل
أمـــــا
الــفــدائى النبيل ابن النبيل
فـارس دا عـاش وكان
له صــهيل
وصـــار دا
مـرشـــــد وكمان دليل
أمــــا اللى
بـــــاع دا عـــاش ذليل
وبكره تطلع شمس
الأصـــــــــــيل
ومن النهاردة مفيش
مســـــــتحيل
وحـــمام يرفرف
وكمان هـــــــديل
وصُـــــــبح نادى
مـــــــلوش مثيل
وكمان هنشـــرب
الســــــلســـــبيل
دى شـــــربة حلوة
تشــــفى العليل
واســـــمع
كــــلامى ومـعاه الدلـيـل
الــنصـــر باقى مـن
جــــيل لجــــيل
وصُــــبــــح
نــــوَّر مــن بـعد لــيــل
واســــمـــع كــلام
شــيخــنا الجـليـل
***********************
قناة السويس
**********************
من كام سنة
ماتوا جدودى هناك
وقالولى ياابنى
إوعى تبص وراك
وقالتلى ياابنى
أنا عمرى ما هنساك
أنا القناة
الجميلة هكون تملى معاك
**
المصرى حفرها
بدمه لجل ينول سعده
ومات هناك
الغالى لجل عيون بلده
وابنه كان وياه
لجل يكون سنده
ومات حبيبه
معاه هو اللى كان ولده
**
وبحيرى ويا
صعيدى ماتوا هناك فى الحفر
وقرى كمان وبلاد
حتى ولاد الكفر
وكانت إيديهم
بتعمل حتى ساعات الصفر
حتى الأيادى
كترت كمان وصارت وفر
**
عشنا ليالى
جميلة وقناتنا صبحت عروسه
حتى أهالى
السويس غنولها ويا العروسه
وهنعيش بجد
بكرامة والعدو دا راح ندوسه
يبقى ما عادش
خلاص يتحكم فينا بفلوسه
**
وعلى الطريق
هنسير ونكمل المشوار
وحفرنا قناة
جديدة هتعمَّر كل دار
وجيشنا واخدها
بجد طبعاً دا مش بهزار
واللى يشارك
معانا يبقى من الأحرار
**
المصرى دا عظيم
انسان فى كل عصر
وحفر كمان
القناة لجل عيون مصر
واللى يحاول
يعطل يبقى مصيره العصر
وجيشنا حر
وجميل هو اللى جاب النصر
************************
آل البيت
رضوان الله عليهم أجمعين
**********************
قلبى أنا مشغول
.. بحب آل البيت
بصيت أنا
وناديت .. حبايبى آل البيت
دا جدى المصطفى
.. هو أساس البيت
لولا الحبيب
النبى .. ما كان هناك بيت
أنا زرت جدى
النبى .. وكمان هناك لبيت
وطفت حول
المقام .. وكمان أنا ناديت
اشفعلى يامصطفى
.. حجيت كمان وسعيت
دا حبيبنا طه
النبى .. وفاطمة ست البيت
أم الحسن
والحسين .. زينة شباب البيت
وعلىِّ طلب
زواجها.. وقال .. أنا لبيتك جيت
فكانت زوجة
أصيلة .. ونورها غطى البيت
وزوجها كريم
الوجه .. نوَّر عليها البيت
ناجى إلهه
حبيبه .. وقال أنا ما شكيت
عمرى فى يوم
فقر .. وسعيت كمان ورضيت
ورسولنا سيدنا
النبى .. ناجى إله البيت
أُمتى دى مذنبة
.. إرحمها بآل البيت
وأنا شكيت
بلوتى .. كمان أنا وبكيت
يمكن دموع عنيه
.. تغسل حيطان البيت
وتكون شفيعة
ليه .. عند إله البيت
إنت الرحيم
ياربى .. وبذنبى كمان أنا جيت
وقف الشفيع فى
القيامة .. وقال يارب البيت
أنا شفيع الأمة
.. وكمان أنا حبيت
كل اللى تاب
وقال لى .. أنا لشفيعى جيت
هكون شفيعه
النهاردة .. عند إله البيت
وأنا سمعت
الكلامدة .. فجريت عليه وبكيت
صلوا معايا
عليه .. والرضا لآل البيت
***************************
الإرهابى
************
أنا شربت
الليلة بلابيع
وحاسس إنى راح
أضيع
راح أضيع من
نفسى وحياتى
والكاره تخطيطه
فظيع
**
وشربت البيرة
والبانجو
وودانى من
الضرب انصنجو
والقاتل فاكر
راح إنه
بعمايله إنه
راح ينجو
**
ومهما تقول مش
عازرك
وبإيدك راح
تحفر قبرك
مسحولك مخك
وعيونك
وقالولك الليلة
دى قدرك
**
أهو راح وناوى
ينسفنا
والخيبة أهى
راح تعرفنا
راح تنسف نفسك
ياجاهل
فزغرلى وقاللى
إنت قارفنا
**
ودى برضه كانت
نهايته
واتفجَّر
وشالوه فى عبايته
ياخسارة يامصر
على ولادك
إرهابهم فارض
وصايته
**
يارب احميها ونجيها
وكمان نور لى
لياليها
دى بلدنا راجعة
وهنخَّضر
كل أراضيها
وصحاريها
************************************
يارسول الله
************
يارسول الله
نظرة
يارسول إعطف
علينا
ياحبيب الله
عينى
م الدموع ارحم
عينينا
ياإماماً
للبرايا
ياشفيعاً جُدْ
علينا
إنك الهادى
محمد
من ظلامٍ قد
أتينا
فرأينا النور
ساطع
وإلى النور
هُدينا
قد رأينا نور
محمد
والنور نادى
علينا
ياحبايبى ..
قلنا أيوة
قال تعالوا يلا
بينا
قلنا أين
ياحبيبنا
لرحاب
التائبينا
ياإلهى أنت
أرحم
بل أحن من
والدينا
ياإلهى جئنا
صحبة
والنبى غالى
علينا
ياحبيبى يامحمد
نحن ظمآى قد
روينا
************************
شهر رمضان
***************
أيـامك حـلوة وجـميلة
نفحاتك غالية وأصـيلة
نسماتك هايلة وعليلة
أيـامــك نــادرة وقليلـة
**
هليت ع الأمة بجمالك
وفَـرَحـنا زاد بأنـــــوارك
وراح نـقول هل هلالك
وإنسى ياعاصى إهمالك
**
ياشهر الصـوم هغنيلك
وفضلت ياغالى أناديلك
وبإيــــدى أنــور قناديلك
ولأخر السكة أنا همشيلك
**
دا صيامك والله بيريحنى
وقيامــك ليلــه يـفرحنى
شيطانى عمره ما زحزحنى
وأنا بدعى إلهى يسامحنى
**
أنـا هـعــبد ربى المــعبــود
فــإلــهى دايــماً مــوجــود
أدعــــوه وقـــت السـجود
اغفر لى قطعاً ســأعـــود
*************************************
اعدام مظلوم
**********
القلب داب
واتخنق
وحبيبى انعدم
وخلاص
مظلوم وراح
اتشنق
والظالم قلبه
رقاص
مظلومنا قلبه
اتحرق
وبكينا عامة
وخاص
وحلمه كله
اتسرق
وغيره غَنَا
وهاص
وقاضينا حكم
بالورق
وكان فى حيرة
ولاص
مظلومنا صابه
الغرق
وظالمنا كان
مصاص
مصاص لدم وعرق
غلابة عاوزة
قِصاص
والصبح أهو
اتخلق
ورمونا بطوب
ورصاص
**********************************
مع آهات الشيخ
ياعمر عدى وفوت
**********
قالولى ياابنى
يلا عدى وفوت
أنا قلت يلا
راح أعلى الصوت
قالولى إوعى
ليكون مصيرك موت
أنا قلت أموت
بشرف أجمل من السكوت
وراح أعيش حر
أحسن ما أعيش مكبوت
والسوس نخور فى
عضمى حتى صار منحوت
وصوتى لازم
يعلا ليقولوا دا هلفوت
وقلت لازم أبنى
أخلاق كمان وبيوت
وبلدنا حرة
وجميلة لجل عيونها نموت
واصبر على
بلوتك والبلوى راح هتفوت
والحزن لو كان
جبل يجيله يوم مفتوت
******************************
وحشتينى ياغالية
*************
ياحلم وراح مسا وصباح
وكلمة آآآآه وكلى جراح
ماهنش عليك تودعنى
وتسيبلى حتى أنبوبة
وقول للقلب ياقلبى
أنا عاوزلى أنبوبة
وحشتينا ياحلم وضاع
وأنا شايفك مع البياع
ولما أسأل أكون مُرتاع
وعاملك برضه سبوبة
وبعد نياح مسا وصباح
جابولى واحدة من السراح
نظرتلها ضحكتلها وقولتلها
إوعى تكونى معيوبة
ولما جيت أشوف حالها
لقيتها برضه معطوبة
وآآآآآآآه منك ياأنبوبة
***************************
يابتاع الخضار
***********
لا الكوسة مستوردة .. ع
القفة رسم دولار
ولا بامية جت م اليمن ..
ولا من فرنسا خيار
ولا توم جديد أو بصل ..
مدفوع لهم جمرك
علشان كده بسألك .. ليه
ترفع الأسعار
**
أسمع نداك أنبسط .. وأعرف
بلدنا عمار
أسأل بكام أتفرس .. وألقاك
بقيت جزار
بقى ده كلام تعمله .. ده
يرضى مين أدفع
المنحة ومرتبى ..... فى
ستة كيلو خضار
**
خلاص بقيت زيهم .. ومشيت
مع التيار
سريح فى دنيا الجشع ..
سراق ولا المنشار
عيب اختشى مش كده ...
وارحم وصدقنى
عذابى لو مكسبك ... لا
مؤاخذة تبقى " ......." ؟!
***************************
إرمى
الفحم
********
إرمى
الفحم ودوس ع الجوزة
قرشك
ينفع وقت العوزة
ليه
السم الهارى تجيبه وتجرى وتدفع
وعدوك
ياخد أموالك ويجيب مدفع
هاتلك
جزمة جديدة سليمة
دا
اللى فى رجلك دايبة قديمة
وفيها
كام لوزة
إرمى
الفحم ودوس ع الجوزة
**
كيلو
الفاكهة مفيد ومغذى
وفيه
فيتامين
أحسن
م اللى بتاخده يا أخويه
هباب
الطين
تاكله
بصحة يبان على وشك
والمولى
يباركلك قرشك
آه
ياسلام ع اللحمة ياعقدة
لو
تخبط حتة من الفخدة
أو
م الموزة
إرمى
الفحم ودوس ع الجوزة
**
بيتك
لازمه ألفين حاجة
وإنت
قاعد لى فى وسط الشلة
تشرب
سم مصفر لونك
ربى
لقلب الأبعد علة
إبنك
لازمه قميص وجاكته
فستان
بنتك داب م العته
وعاوزة
بلوزة
إرمى
الفحم ودوس ع الجوزة
*********************************
أنا ابن مصر
***********
أنا ابن مصــــــــــــــر
اللى واجهت الظلم والعدوان
أنا ابن مصــــــــــــر اللى
ما رضيت بذل ولا بهوان
أنا ابن مصـــــر اللى دقت
مرارة الحزن فى النكسة
أنا ابن مصر اللى دمى عاتب
رمال الضفة بالهمسة
أنا ابن مصــــــــــــــــــر
اللى خطى واقتحم بارليف
أنا ابن مصـــــــــــــر
اللى حارب بالبارود والسيف
أنا ابن مصـــــــــــــــر
اللى ما هتلاقى مثيله انسان
أنا ابن مصـــــــــــــر
اللى انتصر بالقوة والإيمان
أنا ابن مصـــــر اللى
هغنى فى يوم النصر لبلادى
أنا ابن مصــــــر اللى
جبت النصر والعزة لولادى
أنا ابن مصـــــــــــــر
اللى جبت النصر لكل الناس
أنا ابن مصــــــــــــر
اللى كتبها الطفل فى الكراس
أنا ابن مصـــــــــــــر
اللى بطولاتى ملهاش حصر
أنا ابن مصـــــــــــــــــــر
اللى جايب لبلدى النصر
أنا ابن مصــــــــــــــر
اللى ادتنى اسمى وملامحى
أنا ابن مصـــــــــــــــــــــر
اللى جوا العين شالتنى
أنا ابن مصــــــــــــــــــر
اللى جيشها خير جند الله
أنا ابن مصــــــــر اللى
كلامى له مغذى وله معناه
أنا ابن مصــــــــــــــــــــــر
اللى طالعة من أكتوبر
بعزة وبنصـــــــــــــــــــر
وكمان رجال ســـــــوبر
***************************
أم الأوطان
************
أجمل شيئ والله
يابلدى
إنك دايماً رافعة
لشانى
حرة أبية وصاينة
لولدى
مجد تاريخك أهوه
عنوانى
أجمل شيئ والله
يابلدى
إنك درة مصونة
عشانى
حبك بلدى ساكن روحى
علشان كده لازم
تنصانى
عايش فيكى وليكى
يابلدى
بمدح فيكى ليلى
ونهارى
نهرك فيكى بيجرى يابلدى
نهر الحب .. إنت
العنوانى
قرب واسمع منى
يانيلى
راح أشكى كل
العزالى
وراح أشكيلك برضه
لحالى
وراح أقولك ع اللى
بيجرالى
ما إنت يانيلى نبض
لموالى
حبى لبلدى ونيلى
أسرنى
حبى لبلدى أكيد
سجانى
احفظ ربى مصر
حبيبتى
واحفظ ربى .. دم ولادى
حبك بلدى .. ضى
لعينى
حبك دم .. جارى فى
شريانى
***************************
بحبها
********
عشقتها .. وبحبها .. وغنيت فيها للسلام
مصر العزيزة أمنا
.. على كتفها أنا راح أنام
إنتى الحبيبة
المؤمنة .. وإنتى الشعاع وسط الظلام
إنتى العُلا
ياحنينة .. وإنتى المحبة والوئام
إنتى الأبية
الصامدة .. وإنتى الكريمة بنت الكرام
أنا راح أغنى فى حب
بلدى ولا أخاف ملام
مصر نادتلى وقالتلى
.. غنى حبيبى للسلام
للسلام ؟؟!! قالتلى
أيوة من غير كلام
من غير كلام ؟؟!!
قالتلى أيوة شد الحزام
شديت حزامى .. شديت
لجامى .. سكت الكلام
سكت الكلام ياحنينة
... ظهرت حقيقة .. ظهرت ألام
ظهرت ألام يامطببة
.. وأنا أعمل إيه .. والله حرام
والله حرام ياروحى
إنتى .. أشوف ولادك وسط الزحام
تايهين على أرضك
يابلدى .. توهة مريض .. توهة سقام
يارب احفظها وصونها
.. هيه المحبة .. هيه الهُيام
وطفى نار الشوق
إليها .. وإمحى العداوة وإمحى الخصام
وبكره تطلع الشمس تانى وينمحى منها الظلام
************************************
حياتى هدية
********
الولد العاشق بيحبك
وبيحلم بيكِ كحوريه
بيحبك وإنتِ عصفورة
على غصنك ومنسيه
بيحبك وإنتِ بنوتة
جميلة حلوة وشقيه
بيحبك وإنتِ
للمسجون
كنسمة ريح وحريه
بيحبك وإنتِ فى قلبه
وحبك زهرة بريه
بيحبك وإنتِ
للسهران
ليلة حلوة ونديه
بيحبك والناس
انقسموا
جلاد بيقتل وضحيه
بيحبك وولادك زرعوا
إرهابهم فيكى ياعينيه
بيحبك بلدى ومش
يائس
وعزيمته طبعاً
فولاذيه
وكفاية يابلدى إنه بيحبك
وحياته ليكى برضه شويه
***************************
دليلى احتار
**************
معاكى يادنيا دليلى احتار
وأمرك خلى عقلى احتار
وأنا عايش .. مع السُمار
بغنيلك ..... دا ليل ونهار
وعامل نفسى ... كالزمار
**
وأرضيكى .. ولا بترضى
وبرضه تشيلى وبترمى
ومرة ... تسبى وتصدى
ومرة ... تحنى وتضمى
وإنتِ برضه فى النينى
*************************
يادنيا
******************
أناديكى ... وكلى أشجان
وقلبك آسى زى ما كان
وحبسانى كما السجان
وأسرانى مع الأحزان
وليه ... رب كريم حنان
يلاقينى ... مع الإيمان
كمان قلبى مع الرحمان
بعيد دايماً عن الشيطان
أنادى ربى ... بكل لسان
فى ساحة نور مع غفران
وقلبى زهور وغصنٍ بان
احفظ بلدى من كل جبان
واحمى كمان كل الأوطان
ومعانا دستور هو القرآن
وسنة نبى .. كريم عدنان
وأنا أنادى ... فى كل أذان
ودمع عينى .. فى الأجفان
سامحنى ربى غفور منان
واجعل ثوابى رؤاك وجِنان
**********************************************
عودة مذنب
**********
وآه من
دنيا وخدانى
وأنا برضه
فى أحزانى
أجر
الخيبة من تانى
فخيبتى
هيه عنوانى
والدنيا
برضه نسيانى
**
وأنا ع
التوبة أنا ناوى
ولحب
رسولى أنا غاوى
فياما عشت
أنا حاوى
وكنت
لغيرى براوى
وايمانى
دا كان خاوى
**
أنادى ربى
بدعائى
يسامحنى
فى أخطائى
وألقى
سعدى وهنائى
ويبقى أملى
ورجائى
وتنضف
إيدى وردائى
**
يارب عبدك
الخطاء
أتاك
وقلبه كله صفاء
ويتمنى
يكون عطاء
ويبقى
طريقه كله ضياء
لقائك ربى
أحلى لقاء
*************************
المنبر
******
المنبر ..... دا رسالة
مليانة .. حب وأمانة
ينادى دايماً.. ياشيخ
حافظ ...على الكنانة
**
الشيخ عليه .. منظر
ولبسه لبس .. أزهر
يسبى عقول الجميع
فارس على .. المنبر
**
دا شيخنا دا أزهــرى
وإسلامنا فى جوهرى
قرآن وسنة ... معاه
والحجة على منبرى
**
وسنة ..... مع قرآن
ينادوا .... ع الغلبان
اياك فى يوم تنحرف
وتبقى .... ندل جبان
**
والمنبر دا سر الحياه
والحب.. جاى م الإله
ادعى الهك ... تملى
هتلاقى طوق النجاه
**
مبروك عليك الشرف
من ألف عام تتعرف
دينك .. صمام الأمان
م الغادر اللى انحرف
*************************
رسولى حبيبى
***************
رسولى حبيبى .. وربى حباه
وكمان بالرسالة ..ربى عطاه
وكمان بالهداية ربى اصطفاه
جل الكتاب .. وجل من أوحاه
وكمان بالفضل ...... قد أولاه
حتى الجذع ... دا كان بيهواه
وكنت أتمنى.... فى يوم ألقاه
ويلمس شعرى .. كمان بيداه
وأملى عينى..... كمان برؤاه
ما أنا اليتيم .. وغايتى رضاه
فيا ربى احشرني ..
تحت لواه
فهو حبيبى ....... ومن والاه
******************************************
ربى ينادى
*************
صلاتى حياتى
وربى ينادى
يوماتى ليلاتى
قوم يامسكين
**
أدى صلاتى
وادفع زكاتى
وحج بيتى
يانور العين
**
هصوم نهارى
وهقوم ليلاتى
أعبد إلهى
دا رب العالمين
**
جانى فى منامى
ينده ينادى
إنت حبيبى
رسولى الأمين
**
نور دروبى
وزالت خطوبى
وبعدت همومى
وحزنى الدفين
**
أحمِدْ إلهى
وأشكر حبيبى
محمد رسولى
وجاهى المتين
**
إنه هدانى
وبحبه حبانى
وبلطفه كسانى
إلهى المعين
*******************************************
الناس غريبة
*************
الناس غريبة يا
أخويه وعمرهم ما واسوك
أصل الخيانة دى
طبع ومن طبعهم خانوك
ناجى الإله
وقوله ناديت مع اللى نادوك
اغفر إلهى
لحبايبى واللى فى يوم نسيوك
أنا راح
أسامح الخاين يمكن فى يوم يدعوك
فإقبل إلهى
دعائه دا أقبل إليك يرجوك
وأنا كمان
هدعيلك م العين وم اللى صابوك
*********************************
أنا ندمان
*********
هيمان فى حـب
الله
وطالب دايماً
رضاه
هو الرضــا
والأمان
ياســـــعد من
ناجاه
**
راجى أنا
الغفران
بقـلــب كله
حـنـان
أدعيك ياربى
كمان
تغفر فى كــل
أوان
**
العفو ما
أحــــــلاه
من رب ما
أعـــلاه
غافر لكل
الذنـــوب
لعبد
يــــــــوم ناداه
**
أدعـــى إله
الكــــون
فى ليل دا كله
سكون
ســـــامع ندا
الندمان
يغفر له مهما
يكــون
**
أحـمـد إلـــه
عــــلام
سـامع لهمس
الكلام
سـامع أنين
موجوع
يبكى فى عـز
الظلام
*********************************************
*************************************
يا
بلــــــــدنا
**********
مســـــــــاء
اللطافة
مســــــــــاء
الإيافة
ودى صورة ولادك
ببدلة كان أو
جلابية
**
شـــــــايفك
ســـــعيدة
وكمـــــــان
عنيـــــدة
بـــــــــس
حياتــــــك
حلـــــــــــــــوة
هنيـــــة
**
أنــــا راح
أنــــــــــــادى
وكمان
أهــــــــــــــــادى
كـــل
اللــــــــى حبــــــك
روحـــــــــــى
وعنيــــه
**
إنســـــــــــى
الجــــراح
ويلا
ســــــــــــــــــماح
لـــــــــكل
اللــــى فكـــر
يبيـــــــــع
القضيـــــــة
**
دول برضــــــه
ولادك
وعــــــارفين
عنــادك
ســــــاعة
الشــــــدايد
عيـــــــــــــال
عفيــــة
**
الصــــــــبـر
طـــــــال
ومفيـــــــــش
محــال
وجـــــــــينـا
نأكــــــد
مفيــــــــش
أذيـــــــة
**
ربــــــــك كـــــــــريم
جــــــابـــر
عظيـــــم
وعفــــــــوه
شـــامل
كــــــــل
البريـــــــــة
************************************
الخاين الغدار
************
البخت لو
يـــــوم مــــال
نادى إلـــــه
الكــــــــون
يــــــارب إنت
الكــــريم
كمان رحــيم
وحــــنون
والناس كترت
شـكوكها
والهــــجر زاد
والظنون
فيه واحــــد
يحب الأذية
وغدره كمان
مضـــمون
ويقطع
شــــــجر المودة
ويمحى زهور
وغصون
وإن جيت فى يوم
تلومه
يضحــــــك
يقول ممنون
تشــــوفه
وشــه بشوش
وخــــــيانته
بيها مفتون
وقلبك
يبكـــــى كمـــــان
والدمعة
ســـاكنة عيون
وكلامه حـلـــو
وجميــل
كلام صحيـــــح
موزون
يخـــــرب بيوت
عمرانة
بالألــــف
وقــول مليـون
الحــــــقد
ســـــــاكن فيه
وبالشــــر
كمـان معجون
هدم البيوت
الســــــعيدة
والحـــب
صــــار مدفون
إوعـــى فى يوم
تصاحبه
دا خـــاين ومش
مأمــون
****************************************
رســـــــالتى
************
بصولى وضحكوا
وقالولى
ياحبيبى
اســـتنى شـــــويه
قلتلهم لـيه
ياحبــــــــــايبى
فقالولى
هنســـــــمع أغنيه
قلتلهم راح
نســـــــــمع آية
هتكون للكـل دى هــــــــديه
ضحكوا
وبصـــــولى بغرابة
وكـــأنى
بليهـــــم برذيــــــه
وقالولى
الغنـــوة دى حلوة
دى أسـاس
الغنوة العاطفيه
راح نرقص على
طول وياها
ومعانا بنات
رايحة وجايـــه
بصـــــيت أنا
ليـــهم بغرابة
وقلــــــت
أنـــا ليــه أمنيــه
أنا نفســـــى
نســــمع قرآن
ونقرا
الســـــــــــنة النبويه
قرآنا
هــــــــــــــادى وينور
ظلمـــــــات الجهل
المؤذيه
والســنة دى
حلوة وجميلة
دى ســــنة خير
البشــــريه
فقالوا
ياحبيبنا اســـــــــتنى
وســـــيبنا
نفكر شــــــــويه
قلتلـــهم
دنيتنا غـــــــرورة
والموت أهو جاى
بعد شويه
والتــــــوبـــــة
لازم نلحقـها
دى رحمــــة
منــه وعطيــه
وكلامــــى راح
أثـــــر فيهــم
وعنيهــم
تبكـــــى وعنيــــــه
ورســــــــالتى
كانت هدايتهم
للتوبة
وســــــــابوا المعصيه
**********************************************
كاتم أسرارى
*************
الكمبيوتر
شـــــــــــكالى وقــال أنا مليت
نظرتله وقولتله
إنت الونيــس فى البيت
من غيرك إنت
أمـــــوت والوحدة قتلانى
يارب إنت
المعين إليك شــــــكيت وبكيت
**
مرضى عزلنى عن
الدنيــــا كمان والناس
وإنت كمان تشــتكى
وعاملى فيها حساس
خليــك
معايــــا على الدنيـــا وأوغـــــادها
إوعى تسيبنى
وحيد وأفضل كمان محتاس
**
هاجر جميع
الخلايق سهران معاك وحدى
ســــرى معاك
وكمان محافظ على عهدى
أحب فيك
الأمانة وللســـــــــر كمان حافظ
وأنا هفحص
الفيرس ما إنت العزيز عندى
**
هقــوم على
خدمتـــك ما دام إنت الحــبيب
والسكر تعب
جسمى ورجلى رافضة تطيب
وأنا قاعدلك
خلاص أصبح ما ليش غيـرك
أشـــكى همومى
إليك ومن قلبى إنت قريب
**
جـهاز حـديـدى
أشــــــــــــكى يكون فاهم
أما صـديقى فى
الغدر شــــارك وســـاهم
قطعة حديـد بس
دا صــــــــــــــدر حنون
شاريه أنا
بفلوسى ومش خسارة الدراهم
**
يارب بشكيلك
وبدعيلك من دنيا نســيانى
كل
الخـــــــــلايق غريبة والطبع دا أنانى
إلا القليل منها
القلــــــــــــــــــب دا حانى
إرحم إله
الكــــــــــــون أنا عبدك الجانى
***********************************************
الغار
******
كان وحده عايش
فيه .. يناجى إلــه ســـــــتار
لازم لهذا
الكــــــــون .. خالق يكـــــــون جبـار
وجبريل ناداه
ساعتها .. إنت بقــــى المختـــار
علشان كده أنا
جيتلك .. أشــوفك هنا فى الغار
بعتنى
ربـــــــــى إليك .. ياخيــــــرة الأخيـــــار
وكــــلام ربى
إليــــك .. إقـــــــرأ بكـل وقـــــار
ونــــادى
يـــــلا بيـه .. كمـــــان دا ليل ونهار
ورســولنا نـادى
بيه .. فى الســر والإجهـــار
وزعـلـوا أهلـه
منــه .. طبعاً أكيــــــد كفـــــار
وآذوا كمــان
حبايبه .. حتى إكتووا بالنــــــار
والهجرة كانت
الحـل .. لقلـب كله عمـــــــار
إنقذ صحـابك
حبيبى .. من ذل كمــان ودمـار
خرج حبيبنا
وصديقه .. وربى كان ســـــــتار
ووقفـوا كمان
صفين .. كفــار أمـــام الــــدار
وكمان عميت
عيونهم .. حتى اختفوا فى الغار
وبحثــوا
عنهــــم كتير .. بالليل كمان ونهـــار
والعنكبــــوت
خيمت .. وكمان نســجت سـتار
حتى الحمــام
باض .. وتاهــــــت الأنظـــــــار
مش ممكن يكون
هنا .. وبعـــــدت الأخطـــار
وكان ربــــك
معــــاه .. وشـــــــاءت الأقــدار
حتى وصــل
المدينة .. وقابلوه بغنا وأزهــار
دا حبيبنا هــو
النبى .. هاجـــر من الأشــرار
لـولاه لتوهنا
بعيــد .. وكان مصـيرنا النـــار
*****************************************
دم الشهيد
*****************
الأم بتدعـــــى ربهـــــــا .. نفســـــى أنا فـى الولــــد
هــــو المعين فى الكبـــر .. هــــو الحبيب والســـــند
جــالها الولـد بعد انتظـار .. ووالـــده عليه اتســـــــند
ولما الجيـــش نــادى لـه .. لبــــى النــــــدا واعتمـــد
وأخــــوه لســـــة صـغير .. عمــــره ما يبقى ســـــند
ووالـــده ينتظر الأجـازة .. ليملـــى عينــه م الولـــد
هو الســـند ليا فى كبرى .. وكمان عليه راح أعتمــد
وفى ليلـــــة نــادوا عليه .. ســــــمع النـــدا وارتعـد
وقالــوا له ابنـك خلاص .. قـــــدَّم حياتـــــــه للبلــد
والغـــدر طالــــه وقتلـه .. والقهــــر والظلــم اتحـد
والغـــــدر نــادى وقــال .. أنـــــا قتلــــت الولــــــد
ودا كان صــاحب عيال .. واليُتم طـــــــال الولــــد
ووقـــف ســاعتها وقال .. نويـــت خـــراب البلـــد
وشــــهيدنا كان شـــيال .. شـــــيال همــــــوم البلد
ودمـــــه كان ســــــيال .. على تـــــراب البلــــــد
والـــــدم نــــادى وقـال .. أنـــــــا فــــــــدا للبلـــد
وشــــوفنا دموع العيال .. على اللى فيها اتــولـــد
والغــــدر برضه طـال .. خـــيرة شــــباب البلــد
وكان دا حــــاله حــال .. ولما شـــــــــافه ارتعد
ولقـــــاه من الأبطــال .. ولما قتله ســـــــــــجد
وكان جـــميل أفعــال .. بشـــهادته والله انسعد
والحـــق يـــوم ينقــال .. شــــــهيد لربــــه عَبَدْ
وســـاب وراه أشــبال .. يحمــوا تـــــراب البلد
والأب مذهـــول بيبكى .. ويقــــــول راح الولــد
والأم تبكـــى تقـــــول .. ياريت ابنى ما اتولــد
وزوجــها نادى وقـال .. بكـــرة الأمـــل يتوجد
ابنك شـــهيد وكمـــان .. بشــهادته راح ينسعد
يشـــــفع لنا ولقرايبه .. وحمى تــــــراب البلد
إوعـــــى تبكــى عليه .. وإنســـى كمــان النكد
مـــات وهو مصــــلى .. وكمان لإلهه ســـــجد
عمره ما كـــان هلاس .. وعقله عمره ما شـرد
وهفضـــــل أنا فاكـــره .. وفى قلبــى راح للأبـــد
*********************************************
يامصـــــــــــر
*************
نفسى أرسم صورة
ليكى
وإنتِ
لبســــــــة طرحتك
طرحة حلوة برضه
بيضه
وأحضر كمــان
يوم زفتك
ليه الزعل اللى
فـ ملامحك
بكره جـــــاى
فيه فرحـتك
جينا نهنى
وكمـــان نبارك
وإنتِ
لســــــــة فى أزمتك
قلبك إنتِ
برضـــه حاسس
ولســـــــة
الألـم فى دمعتك
وراح ننــــادى
ع العريس
ييجـــى
يهـــدى لوعتـــــك
بس النهاردة ع
الحـــــدود
عمال
يحـــــــــــارب لعزتك
وبكــره ييجى
ليكى حبيبتى
ومعاه حبايبه
وشـــــــبكتك
يمسح بإيده
برضه دموعك
ويفضل
يحـــــارب لنهضتك
ويخلى نهـــارك
حلو وردى
وياخد
بإيــــــدك من كبوتك
وفجأة جالك
برضه العريس
وبرضــــه زادت
أزمتــــــك
جالك عريسك
ولبسه ميرى
مصبوغ بدمــــــــه
يالوعتك
جالك
شــــــهيد حامى ترابك
علشـــــــان
عيونـــك ودنيتـــك
يامصر إنسى ..
إنسى الجراح
ونـــــادى
يــلا على زفتــــــــك
زفــــة
شــــهيد ضحــى بدمـــه
ودمــــــه
النهـــاردة دا حنتـــك
شــهيد شــريف
وكمــان عفيف
قــــــدَّم
حياتـــــه لعزتــــــــــــك
ودمـــــه
ســـــال على ترابــــك
على إيد
كـــــــــــــلاب يافجعتك
ســايب هدومــه
ذكــرى ليكــى
يمكن تكـــــون
دى ســــــــلوتك
وربى شـــــاهد
إنـــك هتاخــدى
بتـــــار
حبيبــــــك وسُـــــــمعتك
****************************************************
عاشوراء
**********
فى يوم عاشــــــــــــورا
قلبى أنا مشــــــــــــغول
بســــيدنا موســى
النبى
هو الحبيب ورســـــــول
وقومـــــه نجــــــا
منهم
ومنهم عـــــدو
وعزول
وكربـــــــلاء
بتنـــــادى
حســـين ياحِب
الرسول
وكان شــــــــــــهيد
فيها
وفى سيرته راح
هنقول
كـــــــلام يبـــكى
الحجـر
نرجـــوا الرضا
والقبول
والزهــــــرا
تبقى أمــــه
ومن نـــورها
راح هنول
دى تبقـــــى
بنت النبــــى
طــــــاهرة
كمان وبتـــول
وعلىِّ يبقــــــــى
أبــــــوه
خطى بحـــــــار
وســهول
دا ابن عـــــــــم
النبــــــى
وكمان دا صـــهر
الرسول
وعاشـــورا
صامها الناس
وكان صـــــــــــيام
مقبول
ودا كان قبل
الرســـــــالة
وأمرنا بيها
الرســـــــول
نفذ أوامــــــــــــر
حبيبك
هتعيش ســـــعيد
مشغول
مشـــــــــغول
بحب الإله
وفى حبه تاهت
عقــــول
وأى كــــــــلام
هنقــــوله
هيكون
كـــــــــلام معدول
واللى هيقــــــــــول
معانا
دا راح يكـــــون
موصول
موصــــــول بـــــآل
البيت
عنده حيــــــــاء
وخجــول
وكــــــلامه
حلــــو وجميل
كــــــــــــلام
يكون معسول
صــــــــــــــلوا
معايا عليه
دا أعظـــــــــم
نبى ورسول
***************************************************
ياابن أدم
*********
ربما تأتى النهــــــــــاية
حُب ربك فيه
الكفــــاية
حِصن ربك فيه
الحماية
إوعى تنســـــاق
للغواية
روح وصــــــلى
وبعناية
زكى وإدفــــــــع
بالكفاية
**
ناجى ربك وكن ســــــعيد
دا حُبه دايماً
فى الوريـــد
وإوعى ياابنى
تكون عنيد
خلى عزيمتك من
حديــــد
وإوعى تســــــــــمع
للعنيد
هتبقى خاسر
وكمان شريد
**
ناجى ربك بالآفـــــــــاق
عينك تبكى فى
الأحداق
نادى ربــك ذو
الأرزاق
اجعل قلبك
كالعشــــــاق
زين نفســـــك
بالأخلاق
عطاء ربك عطاء
دفاق
**
رزق ربك فى
السماء
إدعى ربــك ذو
الثناء
ذكر ربـــــــك
كالدواء
حُب ربك فيه
الشـفاء
حِب غيرك فى
صفاء
خلى قلبك فيه
وفـــاء
**
إوعى تلهى عن
الغفور
إوعى تنسى ها
الشعور
خلى عزيمتك
كالصخور
اســعى ورزقك
كالطيور
ذكر ربك فى الصــــدور
عزك فى دينك كن
صبور
**********************************************
يوم الجمعة
*********
الجمعة دى برضه
جمعتنا
وراح نسعد برضه
بلمتنا
خطبة وكمان
واعظ دينى
وقرآن يفّـــــــــَـرج
أزمتنا
**
الجمعة دى عيد
من أعيادنا
وهنصـلى كمان
مع أحفادنا
ودرس الأســـــبوع
بيفكرنا
بميراث الهـــــادى
لأولادنا
**
وميراثه دا علم
بيســـــعدنا
وبالعلم هتعلى
أمجــــــــادنا
وخطيب الجمعة
بيرشــــدنا
وحديث الهـــــــادى
يوحدنا
**
الجمعة دا يـــــــوم
مولد أدم
وخروجه م الجنة
وكان نادم
ونزوله للأرض مــع
زوجته
دا قرار كان ليـه
طبعاً صادم
**
الجمعة دا يـــوم
فى الأسبوع
ودعائك فيه راح
مســـــموع
وتعالى إليـــه
وإبكى كــمـــان
وناجيه بدعــــــــــائك
ودموع
**
لطــــــريق الخير
راح يجمعنا
وعن غيره دايمــــــــاً
يمنعنا
ياجمعة خـــــــــير
هلى علينا
وإلهى بصـــــير
راح يسمعنا
**
وأنا هدعــــــى
إلهى المعبود
فى يوم الجمعة
المشــــــهود
إحمي ياإلهى مصــر
حبيبتى
والأمن يرجــــــــــــع
ويسود
*********************************************
عاوز إعلان
**********
أوصانى صديقى
أعمل إعلان
لقناة دينية
تعيد اللـــــــى كان
وترجــــع لينا
مجــــد القـرآن
وســنة ضـــاعت
ومن زمـان
وترد الشــــــبهة
عن العدنان
وقلت دى فكرة
برضــه جنان
وبدأت أعمـــــــل
فى الإعلان
ويارب نرجـــــع
من التوهان
وباقى لحظة على
الأوثــــــان
والناس تايهة
كمان عميــــان
ومنشورى نادى
على الخـلان
إيدكم فى إيدنا
نكون فى أمان
وفجأة طلعلى عفـــريت
كمان
قال إيه دا
صحفى ومن زمان
بيســــب بيلعن
فى الأديــــــان
دى دقونكوا عيــــرة
ياخرفان
وسب الحوينى
كمان حســـان
قلتله مـــــــــالك
يا إنســـــــان
قاللى ياويلك
ياحـــــــــــــيوان
هبحث فى أمرك
فى كل أوان
قلتله مالك
وليه زعـــــــــلان
ولقيت دا عقله
فى التوهــــان
وعمال يســــــب
ويلعن كمان
وعــــاوز التت
والألحــــــــان
والفن الهابـــط
يقول دا جنان
ومش عاوز حاجـــــة
للقرآن
والسنة الطاهـــــــــرة
للعدنان
إرحمنا ياربى
من الخبــــــلان
ومن اللى تاهـــــوا
من زمان
وإهـــديهـــم
ربى للقـــــــرآن
وطــــــريق
حبيبنا العدنـــــان
****************************************
جدى وجدك
**********
كان يامـــــــــــــــــــا
كان
فى سالف العصر
والأوان
جدى وجـــــدك
من زمان
يحـكوا لينا عن
اللى كان
كان الخـــــير
وفير كمان
وكان الواحد
صحيح انسان
عايش راضى كمان
فرحان
سعيد بعيد عن
الأحـــــزان
وعايش حياته
كمان سلطان
عاشق لمصر أم
الأوطان
يحمى ترابها من
الطغيان
بروحه .. بدمه
.. بالأبدان
وقلبه كمان
مليان ايمان
دلوقتى تعالى
شوف الإنسان
عايش تايه كمان
سرحان
عاشق التوهة
والنسيان
بيسمع كلام كل
جبان
والغدر عنده
كمان ألوان
يخرب .. يدمر
كل مكان
صار للخراب
كمان عنوان
وجدى وجدك
زعلوا كمان
على الخراب والأحزان
وإدعى معايا
إله ديان
يرجع لينا
المجد اللى كان
وتعود بلادنا
فى أمن وأمان
أرض العروبة أم
الأوطان
***********************************************
ميلاد الحبيب
***********
دا يــوم ميلاده عيد ** رحمة لكـــــــــــل العبيد
وهعيد كمان وهقول ** فـ
ســيرته كمان وهزيد
حبيبى رســـــول الله **
دا نــــــوره ما أحـــــلاه
صــــلوا معايا عليه **
وراح تنولوا رضـــــــــاه
الأمة كات فى ظـلام **
وجالها خير الأنـــــــــــام
طــــــــه حبيــب الله
** فكات رســـالته ســــــلام
نادى على الكفــــار **
أنا النبى المختــــــــــــــار
ورسالتى هدى ليكوا ** يلا
اهــــــــــربوا م النار
وصحابه شافوا ألوان ** من
العـــــــذاب وهوان
وحبيبنا نـادى عليهم **
صــــــبراً وأعلى جنـــان
رســــولنا إمام الدين **
وإلهى دايــــماً معيــــــن
نصر حبيبه
ورسالته ** وصحابه كمان شاهدين
صــــــلوا معايا عليه **
أبو شــــــامة على خديه
سيدنا رســــــول الله **
دا شـــــــايلنا جوه عينيه
دا يـوم ميلاده أنوار **
والجـــــــهل ولى وطـــار
وحبايبه نـادوا عليه **
أمتـــــــــــــك يامختــــــار
قـال أمتى خير الأمم **
أجمـــل أمــــة من القـِدَمْ
وشفاعتى كمان ليهم **
عَـــرَبْ كمان مــع عَجَمْ
****************************************
التحرش
************
يااللى تعاكس
بنات الناس إســــمعنى
دا الكلــــمة
منك لبنت الناس توجعنى
نظرة خبيثة منك
كأفعى عاوزة تلدعنى
أمك وأختك
هتتعاكــس وإوعى تمنعنى
عيب إختشى مـش
كده وإبعد وودعنى
يااللى تخاف
ربنا إســــــمع وطاوعنى
التوبة حلوة نصـوحة
وتعالى واتبعنى
نصون الشــرف
والكرامة وتعالى شجعنى
وهنادى رب
الكون ومين غيره هيسمعنى
عشــمان فى
عطفك ياربى وبالجنة متعنى
******************************************
ثورة 25 يناير
**************
الفساد والظلم
فاح
والشباب دا حلو
ثاير
والخراب عَمْ
ولاح
والبلاد شافت
خساير
والحرامى هبش
وراح
والفقير تايه
وحاير
قلنا أيوة مفيش
سماح
فى زمن ماتت
ضماير
والعبيد عايشة
فى جراح
والنظام لابس حراير
قلنا نطلع فى
الصباح
ع الميدان ويا
العشاير
قلنا نرفع
الرماح
أيوة نرفع فى
يناير
فى يناير شوفت
النجاح
وع الباغى تدور
الدواير
أرضنا سداح
مداح
والحرامى ع
السراير
والفقير مكسور
جناح
والغنى هايص
وطاير
قلنا ثورة
للصلاح
للنفوس ويا
الضماير
قلبى أيوة فـ
ارتياح
روحت أشرب فى
عصاير
وفـ طريقنا
للنجاح
يابنات فكوا
الضفاير
راح أغنى كمان
سواح
راح أحيي كل
الحراير
بعد فترة لقيت
نُوَاح
والصراخ عَمْ
العماير
والحرامى ويا
السفاح
دول براءة
والدم فاير
يا يناير .. يا
جراح
راحوا فين أهل
البصاير
*************************************
رسول السلام
****************
أجمل تحية
وأجمل سلام
لحبيبنا محمد رسول السلام
هوه شفيعنا فى
يوم الزحام
وأنا راح أقول
أجمل كلام
عن اللى نوره
محى الظلام
دا مقامه عالى
أعلى مقام
هوه حبيبنا على
الدوام
ومن البداية
حتى الختام
رمز الشهامة
راجل هُمام
ومدحى فيه دا
مش حرام
راضى وعمرى ما
أقبل ملام
جه بالهداية
وبدين السلام
وأنا قلبى حبه
وسكنه الغرام
ونادى عليه
أوام أوام
حبيبنا هادينا
يامسك الختام
إشفع لمذنب يوم
الزحام
************************************
المدبوحين
*******
أنا قلبى داب
وانكـــــوى
والدمع ســــــال
م العين
إزاى ياكافــــــر
تدبح ؟!
واحد كمان عشـــــــرين
ربك غضــــــــبان
عليك
وإزاى تقـــول
دا ضمين
شـوف الألم فى
عيونهم
وأولادهم كمان
مسـاكين
دول إخــــــــوة
مسيحيين
ودول النســـــــيج
المتين
هبكى على دبحــــــــــــهم
وأصـــــــــبر
وربى معين
أما الخســــــيس
والجبان
ف جهنم هناك ســـاكنين
إزاى تقـــــــول
مســــــلم
دا دينـنـــــــــا
دين اليقين
وبكــــــرة تنـــــدم
ياغبى
فى الحشــــر
ويوم الدين
وهيكون جزاءك
ساعتها
النـــــــــار
وعذاب مهين
وأنا راح أنـــــادى
ياربى
راح فين صــــلاح
الدين
وأنا بكتب كــــــــــــلامى
وقصـــــيدتى
فى التأبين
ومصـــر صــامدة
ياقاتل
وجيشها ســــــد
حصين
*****************************************
باب التوبة
**************
أنـــــا مذنــب
وذنبى كبيـــر
إلهى غلطت بـــــدون
تفكير
وعشــمى كبير
فى غفرانك
وســاعتها ذنــــــوبى
تطير
**
من الناس أنــــــا
هـــــارب
عصير التـــــوبة
أنا شارب
وبابـــــك ربى
مفتـــوح لى
دا بــــاب
عمره ما يتوارب
**
بعطفك ربى راح
أنا أعيش
وغيــــرك ربى
أنا ما ليش
يادنيا حوشى
أوغــــــــادك
على عهـــدك ما
حافظتيش
**
جسـمى عليل
وكله جروح
من الدنيـا
كمان مدبـــــوح
ما تيجـوا يــــلا
بقـــا بينــا
نتوب والتوبة
باب مفتوح
*************************************
أرض النفاق
***********
الأرض نادت
وصرخت
ارحمــــــــونى
م النفاق
الوش يضحـــــــك
ولكن
القلــــب ما
فيه الوفـــاق
الصـداقة مش بس
كلمة
بس
ماتــــــــوا الرفـــاق
ليه
تنافــــــــــق بس ليه
والصراحة ليك
تشـــتاق
ربى وصى ع
الأمــــانة
نـاهى دايماً ع
النفـــــاق
ربى قـــــادر
ربى رازق
رازق ليه
ليــــــك رزاق
والصديق دا صار
منافق
والصـــــداقة
فى احتراق
والقلوب
البيضـا ضاعت
يابشـــــــر
ليه النفـــــاق
والعهــــــود
اللى ما بينا
كله ضـــاع حتى
الوفاق
ربى نــــــادى
فى كتـابه
قـــــــاع
جهنـــم للنفــاق
ليه ياصـــاحبى
بعت ليه
كان ما بينا 100
ميثـاق
والتواضــــع
نــــادى بيه
رســـــول كريم
كل عاق
وقلبى صار برضه
عليل
فاقــد لوعيه
فاقــد رفـاق
يارب ســــلم م
الدنيا ديه
واجعل قلوبنا
بينها وفاق
**********************************
القمة العربية
***********
القمــــة
العربيـــة تنادى
يلا نلم
شـــــــــمل بلادى
وإيدينا فى
إيدين بعضينا
هنرجـــع
أمجــاد أجدادى
**
بالوحــــدة
نجمع أولادنا
ومعاها
نرجـــــع أعيادنا
وقادة
ورؤســــــا بينادوا
عروبتنا كمان
بتوحـــدنا
**
لهجتنا لهجـــة
عربيــــة
وطباعنا برضــه
شرقية
لا هنرضى بذل
وهــوان
والثورة هتكون
شــعبية
**
يــلا بينـــا
نبقى وحـــدة
إيد فى إيد وقت
الشــدة
ياعــــرب فيـن
الشهامة
النخوة ماتت بقالها
مدة
**
قلــــب
العــــروبة يجَّمعنـا
يشفى كمان كــل
أوجاعنا
وشرم الشيخ راح
هينادى
والدنيا كمان
راح تسمعنا
**
يامصــر دام
مقامـك عالى
حاضنة حبايبـك
طـــــوالى
يــــارب
بـــــارك واحميها
على أرضها النور
بيلالى
*************************************
شعر حلمنتيشى
زنوبة
*************
الشكل شكل
الأنبوبة
وشبهها شبه
الدبدوبة
قال إيه وعاملة
حبوبة
وفاكرة إنها
مرغــــوبة
وكمان دى بقـرة
وحلوبة
وإزاى ألاغيـكى
بعـذوبـة
ومشاعرى كلها
مرعـوبة
دا عنيها صـارت
مقلـوبة
والشــعر
غوريلا وتعلوبة
وكمان دى صبحت
كركوبة
وحياتها دى صــــارت
أكذوبة
يعنى دى عجـــوزة
ومخـروبة
وأنا قلت
التوبة من دى النوبة
إنى
أهـــــــــواكى يازنـــــــــوبة
*******************************************
ربى الغفار
*********
أنا كنت بحلم
فى يوم
إنى ما بين أشـــــجار
ســارح وقلبى
حزين
شـــــــارد مع
الأفكار
مع إنى كنت فى
يوم
شــــاطر من
الشـطار
لكنى صـــــرت
اليوم
حزين كمان محتــــار
ورفعت عينى لفــوق
ودعيت إله ســــــتار
ياربى إنت الرجــــــا
غافـــر ذنوب وأوزار
وفـ لحظة لقيت
الشجر
طـــــارح كمان
أزهار
والســما فرحت
كمان
ونزلت كمان أمطـــار
ونــــــورها
كمان زاد
دا نــــــــور
إله غفار
وسمعت هاتف
ينادى
إوعى تكـــــون
منهار
والرحمة دى فضل
منه
غفرانه صــــــار
أنهار
وفرح قلبى الحــــزين
والليل عـــــــزف
أوتار
إنت الرحــــــــيم
ياربى
إرحمنى ليــــل
ونهــــار
******************************
كلمات مهداه
للبلد الشقيق بلد الحرمين الشريفين
وسمو الملك
سلمان ورجالها الكرماء ............
*************
بلد الحرمين
*************
أجمـــل ما رأت
العــــين .. النخـلة كمان وســيفين
النخــــلة
كمان شــايفين .. والســيف بتــار ومتين
تســـألنى تقـــوللى
فين؟ .. دى بلـــد حبيبى الـزين
رســــول
صــادق وأمين .. مبعــــــــوث للعـــالمين
ووصى بدنيـــــا
وديــــن .. ومُحـــب للمســـــــاكين
وأتمنى يكـــونلى
ضمين .. فى الحشــر ويوم الدين
وأنـــا زرت
الحـــــرمين .. وملــــيت كمــان العـين
بالروضــة وقبر
الـــزين .. وقابلت نـاس حلــــوين
عارفين أصــول
الــــدين .. وكمان للخــير ساعيين
ودا طبــــع
الســـعوديين .. دايمــاً معـــــاك واقفين
وكمــــــان دا
ممتثلــــين .. لأمـر طـــــــــــه الـزين
وكمان ع الخــير
ناويين .. وع الأعــــداء دايسـين
والحــزم
قـــــــرار متين .. من خـــادم الحـــــرمين
لقتـــــــل
المتأســـــلمين .. اللى كانـــــــــوا ناويين
هــــدم
مبــــادئ الـــدين .. لكـــــــن ربــــى المعين
خــــــــــلانا
متحـــــابين .. لجــــل بقــــاء الـــــدين
وهنادى كونوا سـامعين
.. الوحــــــدة يا مســلمين
********************************************
اشرب فوسفات
**********
قالوا النيل فيه ميه جميلة
قلت الميه فيها فوسفات
تقتل طفــل صغير وكبير
تقتل زرع طبيعى دا مات
كنا بنشـــرب مية صرف
وعدنا بنشرب بالفوسفات
مصر حبيبى دى هبة النيل
وراح نسمع أنين وأهات
حزن هيملى كل ربوعها
والناس رايحة ع الساحات
عاوزين ميه نضيفة ياهوه
راح نصـرخ ونقولك هات
الإهمال دا جـــزائه عظيم
باين لايــــــح له علامات
راح نشرب فوسفات ومجارى
وقمح مسرطن لينا بالذات
يا رئيســـــــــنا الله يخليك
صحتنا صبحت في شتات
إيه الحــــــل قولى وربك
إحنا تعبنــــا م الثــــورات
*********************************
عيدك يا سينا
********
مصر يا اللى كــــــــــارهه دايماً العـــــــدو مسا وصباح
فـــــــــارد ظلمه دايماً عليكى بالخــــــداع وبالســــــلاح
من زمــــــان والظلم واقف ع البيبان فـــــــــــارد جناح
والمصرى راجـــــــــل وقال مش هتاطى للريـــــــــــاح
والعــــــــــــدو لازم يفارق م النهاردة مفيش ســــــماح
وابتسامة ع الوشـــــــــــوش وراح نفارق النُــــــــواح
والســـــــادات عملها برضـــــه بالجنود وبالكفــــــــاح
إرتوت أرضـــــــــك يا سينا دم طــــــــــاهر مش سِفاح
والإذاعـــــــة برضـــــه قالت النبأ وفيه ارتيــــــــــــــاح
سينا رجعت بس النهاردة والعـــــــــدو دمـــــــــه مباح
والقيادة برضـــــــــــه نادت شعارنا دايماً الإصــــــــلاح
ويلا نعمَّر أرض سينا وتســـــــــود فيها الأفـــــــــــراح
النهاردة عيـــــــــدك يا سينا وراح نغنى بصوت صــداح
برضه نحارب الإرهــــــــاب كمان نرَّجــــــــــــع السُياح
نزرع ونقلـع فيكى حبيبتى كمان ننـــــــــــــادى ع الفلاح
أرضك أصيلة كمان وطاهرة وواسعة برضه سداح مداح
جينا نخَّبط على بابك إنتِ وكمان هناخــــــــــــــد المفتاح
فكل عــــــــام وإنتِ بخير يلا يا سينا ننسى الجـــــــراح
********
مصر يا اللى كــــــــــارهه دايماً العـــــــدو مسا وصباح
فـــــــــارد ظلمه دايماً عليكى بالخــــــداع وبالســــــلاح
من زمــــــان والظلم واقف ع البيبان فـــــــــــارد جناح
والمصرى راجـــــــــل وقال مش هتاطى للريـــــــــــاح
والعــــــــــــدو لازم يفارق م النهاردة مفيش ســــــماح
وابتسامة ع الوشـــــــــــوش وراح نفارق النُــــــــواح
والســـــــادات عملها برضـــــه بالجنود وبالكفــــــــاح
إرتوت أرضـــــــــك يا سينا دم طــــــــــاهر مش سِفاح
والإذاعـــــــة برضـــــه قالت النبأ وفيه ارتيــــــــــــــاح
سينا رجعت بس النهاردة والعـــــــــدو دمـــــــــه مباح
والقيادة برضـــــــــــه نادت شعارنا دايماً الإصــــــــلاح
ويلا نعمَّر أرض سينا وتســـــــــود فيها الأفـــــــــــراح
النهاردة عيـــــــــدك يا سينا وراح نغنى بصوت صــداح
برضه نحارب الإرهــــــــاب كمان نرَّجــــــــــــع السُياح
نزرع ونقلـع فيكى حبيبتى كمان ننـــــــــــــادى ع الفلاح
أرضك أصيلة كمان وطاهرة وواسعة برضه سداح مداح
جينا نخَّبط على بابك إنتِ وكمان هناخــــــــــــــد المفتاح
فكل عــــــــام وإنتِ بخير يلا يا سينا ننسى الجـــــــراح
*********************************
الإسراء والمعراج
************
الزهرا شافت جماله .. واقف كمان ع الباب
عليه الدر والجوهر .. يسأل وعاوز جواب
قالت له عاوز مين .. قال لها خيرة الأحباب
ولما دخلت تقول له .. خرج يشوفه بالباب
لقـــاه حبيبه جبريل .. وقال له إلبس ثياب
سأله على فين رايحين .. لطريق رب الأرباب
فرح رسولنا ولبس .. أحلى وأجمل ثياب
وخرج معاه ع الصحرا .. واتعددت الأسباب
وتعالوا يلا نشوف .. براقه وعجب العجاب
ورسولنا جه يركبه .. انتفض كمان وارتاب
عاتبه جبريل بكلام .. تنحنى ليه الرقاب
وقال له دا سيد الخلق .. وبكى البراق يا أحباب
قال له بتبكى ليه ؟ .. وجوابه كان باضطراب
طلب الشفاعة من حبيبه .. ونالها وفقد الصواب
وركب حبيبنا البراق .. وطار بين السحاب
ووصلوا بيت المقدس .. وصلى بالأحباب
وجبريل بص لحبيبنا
.. وناوله كمان أكواب
واختار حبيبنا اللبن .. وكان أجمل شراب
وياريته شربه كله .. لكن مسطور في كتاب
ووصلوا كمان للصخرة .. وعقله طار وصواب
شاف المعراج منصوب .. رحلة ذهاب واياب
وملايكة رحبوا بيه .. وفتحوا له الأبواب
وشاف ملايكة كتير .. بيعبدوا رب الأرباب
وشاف أشكال وألوان .. وشاف العجب العجاب
والأنبيا فـــــ الســـــما .. هللوا لخيرة الأحباب
وصعد السبع الطباق .. حتى وصل الحجاب
ووقف جبريل وقال له .. خطى حبيبى الصعاب
ودوس بساط الأُنس .. وانعم بأحلى رحاب
وكمان ناداه حبيبه .. من غير ستار وحجاب
إنت حبيبى يا محمد .. والآل والأصحاب
نسبك أصيل عالى .. ودا خيرة الأنساب
وبين ايديه ناجاه .. وشاف ثواب وعقاب
ورجع حبيبنا بهدية .. وإلهه عظيم وهاب
خمس صلوات يا محمد .. خمسين في أجر وثواب
رجع وفراشه دافى .. بعد ما سمع الخطاب
وحكى لقومه حكايته .. ويا ويل
كل من خاب
وأهله يسخروا منه .. ومكشرين أنياب
وأبو بكر يقول له صدقت .. يا صفوة الأحباب
ووصف بيت المقدس .. للى شكك وارتاب
وقالوا ساحر عظيم .. ويا ويلهم يوم الحساب
وأسلم أربع تلاف .. وبقى للدين طلاب
صلى عليـــــك الله .. غافر كـــريم تواب
********************************
الناس معادن
********
دنيتنا فيها العجب
فيها العجب يا ناس
مش كل واحد يحبك
يبقى لحبه أساس
في ناس قلوبها حجر
وناس قلوبها ماس
وناس تنداس بالقدم
وناس تتشال ع الراس
وناس ما عندها مبدأ
وناس ما ليها أساس
وناس تكره تشوفها
وناس دايماً تنباس
وناس تحكى عليها
وتملى ميت كراس
إخس عليكى يا دنيا
فيكى الشريف محتاس
************************************
ليست هناك تعليقات:
إرسال تعليق