من معجزات النبى
************
يا اللى نويت ع الحب .. الحب برضه جميل
وحِب سيدنا النبى .. طول النهار والليل
عاشق جمال النبى .. عاشقه وقلبى عليل
سهران معاه وحدى .. سهران وليلى طويل
هوه الشفيع للأمة .. وغيره ما لنا سبيل
نفسى أنا في جواره .. أجمل وأحلى خليل
يارب ساعد واحمى .. عبدك دا والله هزيل
واغفر ذنوبى كمان .. دا عملى برضه قليل
سيدى الحبيب النبى .. عالى الخصال وأصيل
والجذع حن إليه .. وبكى نهار مع ليل
ولولا طبطب عليه .. لسمعنا بكا وعويل
وانشق القمر نصين .. وشهد له كل أصيل
لولا شافوه بعيونهم .. لقالوا دا مستحيل
والميه بين صوابعه .. تفور كمان سلسبيل
والناس كلها شربت .. وكان للهداية دليل
وحبيبنا دخل الغار .. وحماه من كل عويل
والعنكبوت خيمت .. وللحمام دا هديل
ولولا عناية الله .. لكان صريع وقتيل
وصحابه كمان ساعدوه .. بالأكل والمراسيل
وأعدائه بحثوا عنه .. وسمعوا صوت الصهيل
وأبو بكر خايف عليه .. حتى كمان الدليل
عميت كمان عيونهم .. وعطا ربى جزيل
وأهل المدينة قابلوه .. بالغنا وسعف النخيل
طلع البدر علينا .. في محكم التنزيل
صلى عليك الله .. إله قوى ووكيل
وقرن اسمه باسمك .. اسم الخليل للخليل
طالبين حبيبى الشفاعة .. وجنة قوى وجليل
حتى المدينة نورت .. دا لما جاها نزيل
وكمان دى ضلمت .. عند الفراق ورحيل
ومهما أقول أنا عنك .. دا برضه حبيبى قليل
عيان وطالب دوا .. وقلبى والله يميل
نفسه يشوف النبى .. وما هيبقى والله عليل
***********************************
الجمل ورسول الله
**********
صلاةُ اللهِ عليك .. والجمل بين إيديك
يشكى كمان زعلان .. وإنت ناظر بعنيك
الرحمة فين يا عباد .. في كل ذات أكباد
وخفوا الحِمل عليه .. والعطف ظهر وساد
وبإيدك ملست عليه .. ومسحت دمع عنيه
وقمت والله تشوفه .. وحاولت كمان ترضيه
حتى الجمل يا أحباب .. كان جاى وله عتاب
مع سيدنا رسول الله .. وصاحبه سمع الخطاب
وصاحبه تاب وأناب .. لكلام خير الأحباب
وعامله كمان باللين .. ع السنة والكتاب
وفى الختام راح أقول .. صلوا معايا على طول
ع الهادى حبيبى الزين .. أحلى وأجمل رسول
صلى عليك الله .. يا خير خلق الله
صلاة وسلام عليك .. ووجهك ما أحلاه
الحصى سبح فـ إيديك .. والشجر نادى عليك
والجبل سمع الكلام .. وثبت كرامة ليك
والحجر نادى وقال .. دا رسولنا عال العال
وجه وسلم عليك .. عظيم فِعال وخصال
وجه في صحيح الخبر .. كلام كمان معتبر
إن الحجر والشجر .. نطقوا لخير البشر
ألفين صلاة ع النبى .. وشريعته دى مذهبى
وراح أمدح وأقول .. حب الرسول مطلبى
*********************************
شهر شعبان
********
كان قلبه كلــــــه حنان .. شـــــاف العذاب ألوان
وصحابه كمــان ويــــاه .. ضحوا بمـــال وجَنـان
رجب شــــــهر الديــان .. وشعبان شــهر العدنان
ورســـــولنا كــان فيهم .. بيصــوم زى رمضــان
ومن أفضــــــال شعبان .. تحـــــويل القبلة كمـان
م القــدس أكيــد للكعبة .. بعد المســــلم ما انهان
شعبان شهر الإحسـان .. وعطـــــاء ربى المنان
ينعم علينا بخـــــــــيره .. في النصف من شعبان
وهنـــادى ع الإنســـان .. ســـــيبك من الروغان
وتعالى لرب كــــــــريم .. وتــوب وكــون ندمـان
********************************
المدرسة
******
كل يـــــــــــــوم أبكى وواقف .. جنب ســــــــــــــور المدرسة
والعيــــــال رايحــــة وجايــة .. ولســــــة عينى منعوســــــة
لسة صاحى ســـاعى لرزقى .. وأبوية لســــــــة فـــ هلوسة
ولما أقــــــوله علمنى يا آبه .. يبص ليـه بغطـــــــرســـــــة
العَـــــــــلاَمْ حلــــــو وجميـل .. والفصــــــــول متكدســــــــة
والولاد برضــــــــــه نضيفة .. وهدومى لســـــــة ملحـوسة
والخلايق برضــــــه نوعين .. واثقـــة دايماً وموســـــوسة
لو تشـــــــوف الناس تلاقى .. النضيف واللى إيده متنجسة
واللى برضه عاشـــق حريم .. وإيــــده لســــــــة ملمســــة
واللى ريحته برضـــه طالعة .. وفضـــيحته بيه مســــتأنسة
واللى عايش فى ظـــــل ربه .. وتملى روحـــــه متوجســـة
يارب ارحــــــم نفوسنا اللى .. شـــــاربه المـــرار ومغمسة
************************
العاشر من رمضان
***********
العاشر من رمضــــان .. معاه بكـــون فرحـــان
ومصــــر فى كل أوان .. منصورة كمان وكمان
نـــــادى إلـــــــه حنان .. غافــــــر
كمـان منـان
يرحـــــم بنى الإنسـان .. ويزيدهم م الإحســـان
وهنادى بصـوت رنان .. تعالى إلى رمضــــــان
بالذكــــــر والقـــــرآن .. وارجـم بقى الشــيطان
واهــرب من النيـــران .. لجــــــنة
الرحمــــــان
وإوعى تكـون خسران .. سـارح مع العصـــيان
ندمان مــدى الأزمــان .. وتعالى بكـــــل أمـــان
للواحـــــــد الديـــــــان .. واطلب رضا
وغفران
وشــــفاعة م العدنــان .. وإلهث كما العطشــان
ع التــــوبة والإيمـــان .. تنول كمـان رضــوان
****************************
نفسى أقول
*******
كل الشــــــــعرا قاموا وقالوا
وأنا لوحــــــــدى كده حيران
نفسى أقــــول زى اللى قالوه
لكـــــــن والله صحيح خـزيان
لكـــــــن ربى رب كــــــــــريم
راح يعطينى كمـــان وكمـــان
على درب الشـــعرا راح أسير
وراح أنسى كــل التــــوهـــان
هنظِم كلـــمة بجـــانب كلـــمة
إصحى ياعقلى من الهــــذيان
وإكتب كلــــــمة جميلة مفيدة
وعيش جــــواها كما الولهان
ياقلــــــــمى إكتب أحــــــزانك
وارســــم وردة على الجدران
ما إنت ياقلمى نبض حيــــاتى
وصاحبك عايش فى الأحـزان
إكتب مصــــــــر جبينك عالى
دايســـة معايا على الجرذان
راح هتعيشى فى فرحة تملى
وراح تنسى كـــل الأحــــزان
جيشـــك عالى الهمة أصــيل
قاتـــــــل والله كـــــل جبـــان
جنودك ماتــــوا لجل عيونك
تحيا بلدنا مـــدى الأزمــــان
**************************
كلمات بمناسبة افتتاح قناة السويس الجديدة
تابلوه غنائى خفيف
*************
هيلة هيلة يا حليلة
والليلادى أحلى ليلة
والعريس شعبك يا بلدى
والعروسة قناة جميلة
**
هيلة هيلة يا أحباب
والعجوز دا صار شباب
واللى حاولوا يعطلونا
غاروا خلاص زى الكلاب
**
هيلة هيلة مع السعادة
وليلتنا سكر زيادة
والحبايب برضه معانا
والأمن برضه والقيادة
**
هيلة هيلة يا قناتنا
يلا نعوض اللى فاتنا
ستة أغسطس دا تاريخنا
تاريخ سعادة فى حياتنا
**
هيلة هيلة يا أسود
رمز الكفاح زى الجدود
والقناة صبحت دى جاهزة
وراح نوفى كل
الوعود
******************************
كلمات بمناسبة موسم جنى العنب فى مزرعة عمى الحاج سعد
شرف عمدة ميت الفرماوى – ميت غمر – دقهلية
***************
محلى العنب محلاه
محلى عناقيده
وطعمه زى السكر
وإن طالت مواعيده
يخلى وشك شباب
وتتوه تجاعيده
تجنيه وإنت سعيد
فرحان بيوم عيده
رتل كتـــــاب الله
واعمل بتجويده
الخير هيكون كتير
مضمون بإيد سيده
***************************
الحب
والسلام
*********
الحب
لو كان فرس
كنت
أنا خيــــــــال
وبلدنا
حرة وجميلة
وبرضه
عال العال
يلا
نعيش للسلام
ونغنى
كمان موال
والهدف
مهما بِعِدْ
بالصبر
راح ينطال
ويلا
ننسى اللى فات
إرهاب
دا كان صوال
فارد
جناحه علينا
وقتل
كمان أبطال
ومصر
صرخت ونادت
الهمة
فين يارجال
واحنا
كمان وقفنا
لتنصلح
الأحوال
وكتبنا
كمان أشعارنا
وضربنا
أحلى مثال
والكرب
زاد والضيق
والدمع
كمان سال
إرهاب
فارد وصايته
وكتافنا
شايلة أحمال
والأم
واقفة بتبكى
على
اللى راح م العيال
راح
الولد والسند
والعم
ويا الخـــال
وقلوب
البُعدا ماتت
وقلوبنا
فيها زلزال
ونفسى
ييجى اليوم
ويهل
كمان الهلال
وأشوف
وشك يابلدى
فرحان
فيه استهلال
وأدوس
كمان ع الكلاب
وتتغير
الأحـــــوال
وجيشنا
عمره ما سابنا
بيقول
دا مفيش محال
ومصر
رافعة جبينها
أجيال
ورا أجيال
يا
اللى نويت ع الخراب
شهيدنا
كان شيال
شيال
هموم البلد
ودمه
كان سيال
على
تراب البلد
والدم
نادى وقال
أنا
فـــــــــدا للبلد
وكان
من الأبطال
يا
اللى قتلت الشهيد
دا
ساب وراه أشبال
يحموا
تراب البلد
يحموه
من الأندال
وجيشنا
داس عليهم
وبيادته
أشرف نعال
وبلدنا
بلد السلام
فيها
الحمام مرسال
وأنا
بحب البلد دى
مهما
لامونى عُزال
وأنا
منايا رضاها
دى
جميلة زى الغزال
وعيالها
دول رجالة
صامدين
صمود الجبال
******************************
الفلاح
*****
أشق
الأرض بمحراتى
وناسى
تعبى وأهاتى
وفاسى
شايلها على كتفى
وداعى
ربى فى صلواتى
**
يا
أرضى ياحلوة يا خضرة
سنابل
قمحك الصفرة
بتدعيلى
وأنا تعبان
تسلملى
إيدك الشاطرة
**
وقلبى
نادى ع الفلاح
وهو
سعيد مسا وصباح
إلهى
باركلى فى جهده
وزرعه
جميل كمان طراح
**
يا
بلد الخير بناديكى
أبوس
الخد وإيديكى
فى
وقت الشدة أندهلك
تحمينى
برضه بعينيكى
***********************************
كتاب الله
*******
من صغر سنى حريص
أحفظ كتاب الله
عايش ما بين أحكامه
راضى بحكم الله
فيه الحلال واضح
داعى لذكر الله
ناهى عن الحرام
والويل لناسى الله
وقصصه كلها حلوة
حكاها رسول الله
فيها العظة والعبرة
للى يخاف الله
اقعد بقى واقرا
اقرا كلام الله
اقرا ورتل واعلا
وادخل جنان الله
هتكون فى أعلى مكانة
بفضل ذكر الله
*************************
سبحان الخالق
*********
إنت العظيم ياربى
وإنت إله الكـــون
والصخر يطلع منه
ميه وتجرى عيون
حتى النبات والشجر
الصخر كان له حنون
طلع الشجر فى الجبل
ورزقه كان مضمون
عاش الشجر ع الصخور
والصخر كان مأمون
حتى النبات سبحك
بالشكر وكان ممنون
يلا يا جاحد شوف
نعمه ما عايزه ظنون
واشهد بأنه الواحد
وإياك تكون مفتون
**************************
مركز شبابنا
********
مركز شــــبابنا عليل
على راسه كرة القدم
شباب رياضى حزين
تملا صـدوره الحمم
ومفيش ملاعب يا ناس
دا حديث فى كل فم
ونفسى أصرخ وأقول
فين الملاعب يا عم
ووزارة ناسية الشباب
سكت الكلام والقلم
نشاطنا أصبح هزيل
وسيرتنا على كل فم
مركز شبابنا ياهووو
دا أكيد كمان اتظلم
كل النوادى الكـبار
شايفلها حـظ ياعم
أما مراكز الشباب
دى عايشة ذل وغم
وموظـــفين نايمين
فاقدين كمان الهمم
يلا يا وزيرنا نـادى
على كل خـــال وعم
يلا دا بكـــــرة جاى
بالخير كمان والنعم
ومركبنا رسيت خلاص
على شط بحر الكرم
****************************
الأصل ولا الصورة
***********
مين الأحلى يا ناس
الأصل ولا الصورة
فى ناس تقول الأصل
وناس تقول الصورة
والناس فيها العجب
مفضوحة ومستورة
وناس حكايتهم عجب
ونفوسهم برضه مكسورة
وناس ماشــــية غلط
وكمان للشر مجرورة
وناس بالحيــا مدفونة
وبنات الليل مشهورة
وناس عايشة فى أمان
والباقى قلوبها مزعورة
وناس كســــاها الحزن
ونفسها تبقى مسرورة
وناس يعجبــــها رأيها
وغيرها تحب المشورة
يا دنيـــــا فيكى العجب
والخلق برضه معزورة
والأصل هو الأساس
وسيبك إنت م الصورة
*******************************
الإدمان والمدمنين
********
سهرانين ويا الأهات
مدمنين مخـــــدرات
بانجو ماكس كمان حشيش
جسمنا احساسه مات
**
فكرنا دايماً دا شارد
والحشيش لوصايته فارد
توب علينا يارب توب
من كل هالك كمان ووارد
**
مصر ياغالية زى أمى
للمدمنين قومى ولمى
للمصحة شوفى علاجهم
ولأحضانك نادى وضُمى
**
بعد علاجنا بقينا عال
عايشين حياة ولا فـ الخيال
وحب بلدى فرض علينا
وقلوبنا حبت وقلبى مال
**
راح نعمر أرضك يا بلدى
أنا وخالى وعمى وولدى
وراح نقول للإدمان
يلا غور كمان وعدى
****************************
دعاء ورجاء
من الشاعر الشيخ محمد شرف
*********
يــــــارب يا منان
ارحم بنى الإنسان
إنت كريم وحنون
وكمان عظيم الشان
**
أنا عبدك المغرور
قلبى ما زاره سرور
مغرور وناسى كمان
حشر كمان ونشور
**
أدعى إله الكون
وهو نعم العون
ساعدنى ياربى
وأنا هكون ممنون
**
واقف على أعتابك
افتح بقى بابك
واغفر لى يا ربى
واجعلنى من أحبابك
*****************************
كفالة يتيم
******
لو فى يوم عينك دى شافت
ع الطريق طفل بيبكى
والده مات واليتم طاله
ساعة يمشى وساعة يحبى
صحى روح الرحمة فيك
واصرخ وقول : ارحم يا قلبى
وبسرعة يلا مد إيدك
واكفل يتيم وإوعى تشكى
دا ربى دايماً خيره وفير
يغفر ذنوبك وبرضه ذنبى
وفى الحياة هتكون سعيد
والبركة تيجى من عند ربى
وراح هتملك مفتاح أكيد
للجنة وابقى إدعيلى يا ابنى
****************************
تنشل فى لسانك
**********
قال إيه هيحاكمك يارسولنا
وأعدائنا شمتوا وعزالنا
دا رسولنا دا رمز العزة
قدوة للغير ولأمثالنا
**
ملعون يا زند وأمثالك
ملاعين تنشل فى لسانك
دى سفالة ما شوفتلها مثيل
محسوبة عليك وفى أعمالك
**
قال إيه بيقولوا دا وزير
وكلامه ما حصلش غفير
راح أكسر راسك بإيديا
وحسابك عنده دا عسير
*****************************
القطة بوسى
*******
قطتى بوسى حلوة وجميلة
شعرها أبيض كأحلى ليلة
قـــط الجيـــران لما لمحها
جرى وراها مسافات طويلة
**
طبعها طيب وبرضه هادية
وصوت جميل ما تقولش شادية
لازمة دى بيتها ما تحب برة
أصيلة برضه أخلاقها راقية
**
ابنى يشيلها ما بين ايديه
ولا يوم تخربش وتهب فيه
وأنا برضه هصرف لجل عيونها
لحمة ولانشون وكمان فيليه
********************************
حكاية بطل
*********
البطل نادى وقال ........
طلقة فى جانبى مش مهم
سيبونى راح أنهى عليهم
سيبنى راح أسقيهم السم
دول كلاب النار عارفهم
دول اللى خلوا حياتنا غم ..
الظابط قاله ياعبده ......
إنت مُصاب روح واتلم
قاله عيب عليا أنام .....
دول كلاب قاتله ياعم
شال سلاحه وراح يقَّتل
وقال يا فندم متشيلش هم
وكان نيشانه نيشان تمام
وقتل اتناشر وسال الدم
ووشه يضحك وسنه بادى
وكانت نهايتهم ودا المهم
بس رصاص الغدر طاله
وعلى أرض سينا سال الدم
ده دم طاهر دم جنودنا ....
ويا ارهاب اختشى واتلم
وجنودنا حالفة بدينها ويمينها
هتخليها دم فى دم ........
*********
البطل نادى وقال ........
طلقة فى جانبى مش مهم
سيبونى راح أنهى عليهم
سيبنى راح أسقيهم السم
دول كلاب النار عارفهم
دول اللى خلوا حياتنا غم ..
الظابط قاله ياعبده ......
إنت مُصاب روح واتلم
قاله عيب عليا أنام .....
دول كلاب قاتله ياعم
شال سلاحه وراح يقَّتل
وقال يا فندم متشيلش هم
وكان نيشانه نيشان تمام
وقتل اتناشر وسال الدم
ووشه يضحك وسنه بادى
وكانت نهايتهم ودا المهم
بس رصاص الغدر طاله
وعلى أرض سينا سال الدم
ده دم طاهر دم جنودنا ....
ويا ارهاب اختشى واتلم
وجنودنا حالفة بدينها ويمينها
هتخليها دم فى دم ........
**********************************
الكتاب والتاب
********
راح زمانك فين يا كتاب
وشمتوا فينا عدو وأحباب
بطلنا نقـــــــرا زى زمان
ماسكين فى إيدنا كمان التاب
**
دا الكتـــاب أجمل صديق
لما يصاحبك فى الطريق
عمره ما يفشى سر بينكم
أما التــــــــاب ألعن رفيق
**
لما تقـــــــــرا م الكتاب
من صغر سنك للمشاب
المعلومة تفضل دى ثابتة
ولا تاب بينفع ولا اللاب
**
يلا نرجـــــع زى زمان
ونسيب حالــة التوهان
عقــــــولنا لازم تتغذى
والكتاب يرجـــع بأمان
******************************
يلا اصرف
********
يا اللى تُدخـــــل الســـعادة
ع الفقير ربـــــــــى يعينك
دا رسولنا وصى ع الفقير
واجتـــــهادك كمان يزينك
يلا قــــــوم ويلا ادفـــــــع
دا البخل والله كمان يشينك
والفلــــــــــوس اللى معاك
يلا اصرف زكا عن بنينك
يا اللى تصــرف ع الفقير
دا الإنفاق وصـــابه دينك
بس اصـــرف فى الخفاء
والثــــــــواب بينه وبينك
هدعى ربى يباركلى فيك
هو قادر يســـــعد سنينك
***********************************
طابور الصباح
*********
الميه بتجـــرى وكمان
الخضــــرة ع الجانبين
وطيور تســــــبح ربها
وكمان فى خيره عايشين
وفــــلاح كمان وصديقه
للأرض دول خـــادمين
واقفين طابـور الصباح
وع الرزق كمان ساعيين
وع البعد تشـوف عينك
نخـــل يســــــــر العين
وطبيعة حلــــوة جميلة
واحنـــا كمان راضيين
نشــــــكر إلــــه الكون
ولنعمه كمان حامــدين
*****************************
كوميديا الإختطاف
**********
دا لما قالــــــــــوا فى اختطاف
فى اللى ضحك وفى اللى خاف
دى مســـــــــرحية بطلها يبقى
اللى شــــــــاهدها كمان وشاف
**
سأل زميله على فين رايحين
ضحـــك وقالــــه مخطــوفين
ســــــأل وقالــــه فين المكان
قالـــه قبرص يا نـــور العين
**
زعل وقـــــال ازاى يا افندى
دا النت كــــدا هيفصل عندى
دى المُزة كـــدا هتزعل منى
هات تليفونك أطمن ســـاندى
**
واللى طلـــــب اللاب واللينك
علشان يقولها اســــــم البنك
فلوسى دى مـــــداريها منكم
ومراته عرفت وقالتله سانك
**
وفرخـــة بلـــدى ومش هزار
أخـــــدوها منه فى المطــــار
وسابوا الحـزام هرب وكمان
قال دا أمن بلـدى من الشطار
**
والمضيفة قاعــــــــدة بتبكى
سمعت كـــلامه وهو بيحكى
نظــــرت إليه ضحكت كمان
قالت دا فيلم أكيــــد للسبكى
**
سيلفى كمان مع اللى خاطف
ما حد هايب ولا حــــد خايف
يمكن دى رحلــة والكل فيها
مبسوط أكيد ســامع وشايف
**
دا شعب والله ملــوش حلول
هكتب كمان برضــــه وأقول
بلـــدى الحبيبة محمية دايماً
من كل حاقـــد وكمان عزول
************************************
خيوط الفجر
*******
يا خيــــوط الفجــر هلى
بالأنــوار زيــــدى تملى
يوم جديد حلــــو ونادى
يا ابتسـامة تعالى طلى
**
النهــــار شقشق ورايق
والنســـيم عليل وعايق
يــلا ناجـــى كمان إلهك
غافر ذنوب كل الخلايق
**
يا حبيبى إصحى وإسعى
وع الفقير حافظ وإرعى
نـــــادى دايماً ع
الإلــــه
وعن الحرام إبعد وإوعى
**
إبدأ نهــــارك بالصــــلاة
فيها الرضــا فيها النجاة
إسمع حبيبى بس كلامى
تلقى السـعادة فى الحياة
***********************************
اليوم 8 إبريل 2016 يوافق الذكرى 46 لمذبحة بحر البقر
فإياكم أن تنسوا عدوكم يامن تريدون التطبيع
*************
فى تمانية إبريل سنة سبعين
قتل ولادنا العـــــــــدو اللعين
وبحــــر البقـــر شـافت كمان
قصف جــــــــوى وقتل مهين
**
والـــــدم ســـال على الكراس
ده يرضى مين بس يا نــــاس
ومش هننسى يا اســـــــرائيل
دا كرهك لنا هو الأســــــــاس
**
يا كـــــل طفـــل وكــــل طفلة
إقفوا ونـــــادوا فى كل حفلة
إخواتنا ماتــوا فى بحر البقر
واســــرائيل دايماً دى سافلة
**
والشـــــــــرقية دايماً تنادى
إوعوا تنســـــــوا دم ولادى
وإحنا نعاهد مصـــر الحبيبة
روحنا فداكى من كـل عادى
*******************************
ساكنة قلبى
*******
واقف على شط نيلك .. وعينيا شايفة الجمال
والنخل طالـــع لفوق .. وأنا
بقـــــــول مــوال
والهرم واقف وشامخ .. ثابت وعـــال
العــال
والسما صافية وكمان .. كـــل
الآمـــال تنطال
يا مصر يا ساكنة قلبى .. قلبى لهـواكى ميَّال *************************
أسرار الكون
********
سبحان من خلق الجمال
وفى كـــــــونه له أسرار
والجنة دى فى أرضــــنا
والميه فى الأنهــــــــــار
نخـــل وخضــــرة وميه
وجمـــل كمان وحمـــار
وحريم دول زى العسل
يملوا الزِلــــــع وجِرار
وعصفور سـارح يغرد
وغيره فى الأوكـــــــار
أحمد إلـــــــه الكـــــون
إلـــــه كـــــريم ســــتار
****************************
تيران وصنافير
*********
من حق الشعب يعرف
هيه الحقيقة فين
الجزر دى مصرية
ولا دى ملك مين
فى ناس تقول مصرية
لكن عنها ساكتين
وناس تقول سعودية
وبجد لها ساعيين
ومصر بتقول كمان
خدوهم يا نور العين
فين الخرايط يا هوووو
اللى إحنا لها دارسين
فيها الحدود مرسومة
والجند هناك قاعدين
أرضى دى عرضى وأكيد
هحميها وربى معين
تيران كمان صنافير
ترابهم دا كحل العين
ومن قديم الزمان
وإحنا لهم عارفين
يا قيادة حرة وحكيمة
إحنا والله تايهين
شيلوا الرباط عن عينينا
دا عيونا معصوبين
قولوا الحقيقة يا ناس
وأكيد هنكون راضيين
**********************************
يوم 22/ 4 من كل عام يوافق اليوم العالمى للأرض
ومن هذا المنطلق ننادى بالحفاظ عليها ونقول ......
*************
يا اللى ناسى إنك انسان
ناسى المبادئ والإعلان
النهاردة دا يوم الأرض
حافظ عليها وكن ندمان
**
والأرض تصرخ وتقول
ضرب وتدمير على طول
دا الأرض واللـــــهِ نعمة
واللى يكـــــــرهها تزول
**
حافظـــوا فيها ع النبات
وإياك تنــــادوا بالشتات
ييجى يمحى كــل أخضر
وإحنا نبكى ع اللى فات
**
والتلوث طـــــال الأسماك
والطيور تصطادها شباك
استحالة الحــــــياة تدوم
والسفاح ماليها وعِــراك
**
والبترول لــــَّــوث المــيه
عكر كمــان حياتنا الجايه
إنتو فين يا مســــــئولين
نفسى أعيش عيشه هنيه
*********************************
النملة والهدهد والغراب والفيل
************
جسمى صغير وعاوزة أعيش
وكلامى عيَّر مسار الجيش
وشوفت ابتسامة نبى الله
وقال ياربى غيرك مليش
**
سمع كــلام النبى ســليمان
وبلقيس عاوزه تشوفه علشان
تســـــأله كنت غايب فين
قال لها أنا جايلك بالإيمان
**
قالوا دا صوته يا هووووه
وشــكله مــــا حبـــووووه
وابن أدم شــــــــــــــــــافه
وهوه بيدفن أخـووووووه
**
دا جســـــــمه ضخم تقيل
هـــــــادى الطباع وجميل
ورفض يهــــــــدم الكعبة
وقلــــــوبنا لـــــــه بتميل
************************************
قصة الماشطة
********
سبحان من عظَمك .. وأعلى كمان قدرك
وكنتى ماشطة حريصة .. ترضى كمان ربك
والله مالك زى .. قوليلى مين زيك
لما أراد ربنا .. يشرح بقى صدرك
المشط وقع منك .. جبتيه بقى بضيك
إيمان ثابت كمان .. قدوة لمن بعدك
وذكرتى اسم الله .. والبنت كانت جانبك
قالت إله دا مين ؟! .. قولتلها ربى وربك
قالت هقول لأبويا .. قولتلها إنتى وشأنك
فرعون بعت يسألك .. كمان جهرتى بسرك
والجرأة كانت مبدأك .. والصوت على وجهرك
بعت يجيب أولادك .. ويكونوا هنا جانبك
شافوا العذاب ألوان .. وإنتى على رأيك
والزيت يغلى فى قدره .. وإنتى علا قدرك
وولادك ماتوا كمان .. وأخدوا كمان طفلك
ولما عينك بكت .. وحضنتى بقى ابنك
نطق الطفل الرضيع .. وقال أذكرى ربك
الجنة هتكون مصيرنا .. وهتيجى كمان عندك
وفرعون أخدت عظامهم .. ورماها وبكدا علا شأنك
وفى حادثة الإسراء .. شم الرسول ريحتك
وعرف إن الإله .. عظَّم بقى سيرتك
*******************************
غاوى عَلاَمْ
*******
يا اللى انت غـاوى عَلاَمْ
دا العلم برضـــــــه نــور
يشيل الضلام من عقولنا
ونقرا برضــــــه سطور
ويخلى أرضـــك خضرة
بعد مـــــا كانت بــــــور
****************************
بشار الملعون
*********
يا بشار أنــــــا عقلى طـار
ضرب خراب كمان ودمـار
ارحــــــم شـعبك يا ملعون
هيكـــــون بينه وبينك تـار
**
الأطفال تصــــــرخ وتنادى
وإنت طبيعى وحلو وهادى
طفل صغير دمــــه بيجرى
وأنا أصـرخ وينكم أولادى
**
روحت بسرعة لحد البيت
رافع إيدى كمــان ودعيت
زوجتى حبيبتى كمان أولادى
راسمالى وكـــل ما جنيت
**
روحت لقيت البيت انهــــار
ودم ماليه زى الأنهـــــــــار
أولادى وزوجتى ومـا أملك
ماتوا خلاص على
إيد بشار
**
حق ولادى مش راح أسيب
وغضبى هيكــون دا رهيب
عاوزك تعــــــــرف يا بشار
يوم الحشـــــر أكيد هتخيب
*******************************
الضنا غالى
*******
أغلى من الضنــــــــــــا مفيش
من غيــــــرهم لا يمكن أعيش
يا رب احمى كمـــــــان وبارك
دا كنوز الدنيـــــــــا متساويش
**
يا رب غيرك أنــــــــــــا مليش
كرمــــــــك وعطفك مبينتهيش
إنت الحنين ياااااااااا رب دايماً
وفى عـــــز الأزمة مبتنسنيش
**
كل اللى جه فـ الريش بكشيش
وغير ولادى يا دنيــــــا مليش
حاسبى يا دنيــــا على الغاليين
دول شمعة قايــــدة مبتنطفيش
********************************
سبب الأزمة
********
بيقولوا فى أزمة رز
وسببها مش عارفين
وقعــــدنا نبحث ندور
هيـــــه الحقيقة فيــن
لقينا الــــــواد حبظلم
كرشــه كبير وسمين
وطن الــــــرز يدوب
بيكفى كرشـه يومين
ياحبظلم ارحم شويه
لســـة وراك جعانين
عمال تاكــــل وتُحشر
وبقيـــــت زى التنين
***************************
بيقولوا موضه
*********
موضه وظهرت جديدة
والبنطلون مقطوع
ملزوق عليه التكت
مكتوب كمان مطبوع
بس فى بلدنا ما ينفع
والأمر مش مبلوع
وراح نظهر عكاوى
ودا شئ أكيد ممنوع
والدين نهانا عن كدا
طبعاً دا مش مشروع
والجهل هوه السبب
وكمان أكيد مزروع
يا ناس كفايه كدا
عاوزين أدب وخشوع
والرحمة كمان بشبابنا
وعيون ماليها الجوع
وبنات خلعت حجابها
والقلب كمان موجوع
يا بنتى دارى جمالك
دا الستر صار منزوع
دا إنتى من غير حجابك
كشجرة من غير فروع
وعيون الناس كالريح
تخلعك كمان من جذوع
معظم شبابنا وبناتنا
مضحوك عليه مخدوع
*******************************
البطيخ
******
البطيخ قــــــــــــــدام الجامع
هاخد اتنين طــــب إيه المانع
لو صليت أنا مش راح ألحق
واللى هيفضل هيكـــون مايع
**
يلا تعالوا يا خلق يا هوووه
قبل مــا يخلص يلا شلوووه
الحــــــاج أحمد جابله اتنين
بس خسارة ما جبش لأخوه
**
آآآآه يا بطون شغلاها الدنيا
فيها بطاطس فيها فاصوليا
ناسية الأخرة كمان وحسابها
كاوية هدومها وحاطة كلونيا
**
كـــل غرضنا نملى جيوبنا
والمعاصى ساكنة بقلـوبنا
قتل وهجـــر كمان وفراق
إســــأل ربك يمحى ذنوبنا
**
الإيمان راح فين يا جماعة
كل عيـــــوبنا على شماعة
سنة طـــــــــه راح تندهلك
يلا نروح بكــــــــــل قناعة
*********************************
البطة
*****
فوق الســــــــــلوك ومخططه
واقفة بطـــــــــــــة ومزقططه
ناديت عليـــــــــــها ليه يابطة
واقفة فـــــــــــوق متشحططه
**
بصت وقالــــــــت إنت السبب
راح تجيبه غــــــــــاوى نسب
الدكـــــــــر تعــــــــب لى قلبى
والخنـــــــاق برضــــــه نشب
**
طب يلا تعــــــــــــــالى وانزلى
واللى عاجبــــــــك راح تعملى
لأحســـــــن وربى أدبحــــــــك
فى ليلة مولــــــد سيدنا الولى
**
قالتلى الدبــــــــــح
أهوَّن عليا
م اللى صاحبـــــــك عاملـه فيا
قولتلها طـــــــــب راح تنزلى
وراح أحميكى برموش عينيا
********************************
رسول الدين
********
أبص يمـــين .. أبص شمــال
أنــــا قلــــــبى .. إليك ميــــال
حبيب الـــروح .. أنا مشـغول
بحبك مهما لامــــــونى عزال
**
عشقت هـــواك وما فى سواك
وأنا قلبى دا راجــــى رضـــاك
شفيع وضمين .. رسول الدين
وأنـــا نفســى .. عيـونى تراك
**************************
بكرة تشوف
***********
يااللى بتكنز فلوسك
ناوى تروح وتطوف
قاصد تزور النبى
ومعاك مئات وألوف
اعطف على المسكين
وبكرة حبيبى تشوف
هتشوف كرم ربنا
لأنه رب رؤوف
ادخل على الفقير
هتشوفه كمان ملهوف
وبيته ما فيه طعام
وكمان دا مش مسقوف
والبؤس باين عليه
خليك حنون وعطوف
وجزاءك عند الإله
جنة وبكرة تشوف
*********************************
بالفلوس
******
بالفلوس تقـــــــدر تغش
بالفلوس تقـــــدر تدوس
قولى سعر المـــــادة كام
سيبك إنت م الـــــدروس
دا اللى ذاكــر واللى مش
راح يُكَرَّمْ بالكــــــــؤوس
كله راح ينجــح يا سيدى
اللى بيفهم والجامــــوس
المبـــــادئ فين يا نـــاس
دا اللى ذاكر صـار يئوس
عام بطوله كــــــــــل أمله
إنه يحفظ يكـــون قاموس
بس أمله راح ســـــــراب
واللى فاشـــل راح يدوس
رحمة ونور على المبادئ
اللى نخوَّر فيها الســوس
*****************************
فين البديل
*******
دارنا كانت وســــــــط النخيل
كنا بعيد عن قـــــــــــال وقيل
وكان هـــــــــوانا نسيم عليل
وميه نضيفة تســــــلم يا نيل
دلوقتى حالنا صــار مستحيل
وكل حاجـــــــة عاوزة تعديل
حتى الصديق ما عــــاد خليل
ويفشى سرك وصــــار رزيل
وحبــــه لك كلـــــــه تمثيــــل
نفسى الصديق يرجــع أصيل
وكل سئ يكـــــــــون له بديل
وأشوف السعادة قبل الرحيل
*****************************
غزوة بدر
*******
فى العـــام التانى للهجــــرة
الغـــــزوة دى كانت عبــرة
وفـ السابع عشـــر لصيامنا
الخـــزى أصابهم والحسرة
**
تعـــدادهم كــــــان أكتر منا
لكـــن إحنـــــا أعلى بإيمانا
وملايكة نزلـــــوا يساندونا
وفى بــــدر ربك أيــــــــدنا
**
فى شهر الصوم انتصارتنا
والكــــــل سعيد بإحتفالاتنا
وشعارنا كـــــــان الله أكبر
وعـــــرفنا نثبت بقى ذاتنا
********************************
الرحمة
*****
الرحمة موجــودة فينا
ودى وهبة من الحنان
بص بعينك وقــــــولى
مين علمه الإحســــان
مولــــود ودا طبع فيه
واتغير مع الأزمـــــان
هصرخ وأنادى وأقول
الرحمة بنى الإنســـان
****************************
فتح مكة (يُسمَّى أيضاً الفتح الأعظم) غزوة وقعت في العشرين من رمضان في العام الثامن
من الهجرة (الموافق 10 يناير 630م) استطاع المسلمون من خلالها فتحَ مدينة مكة
وضمَّها إلى دولتهم الإسلامية ، وبهذه المناسبة كتبت هذه الكلمات ...
الفتح الأعظم
********
ساب مكة وقلبه معاها .. وراح للمدينة وحزين
وعينه بتبكى وينظـــــر .. لمكـــة وحــزنه دفين
والله يا مكــــة فى قلبى .. والدمعة جـــوه العين
لــــولا الأذيــة لحبايبى .. ما كنت أبـــــــــداً
ألين
وحبيبنا راح المدينـــة .. وربى كان لـــــه معين
والدعوة كمان انتشرت .. يا مدينة سدك حصين
وبقى للدين طــــــــلاب .. فى كـــــل وقت وحين
ومكة نقضت عهـودها .. مع كــــــــل المسلمين
وجهز رسولنا الجيش .. وعلى فتحــــها ناويين
ودخل رسولنا الكعبة .. ولأوثانها كانوا هادمين
وقلبه مشـــــــتاق لها .. بعد فراقــــــــــها سنين
وآمــــــن يومها كتير .. ودخلوا كمان فى الدين
وعفى رســولنا عنهم .. طبعـــــــاً حبيبنا الزين
وفتح مكـــــــــة بداية .. للـــــــــــــدين وللتأمين
صلى عليك اللـــــــــه .. رســـــــول وفى وأمين
**********************************
كلمات عن دمياط
*******
أبدأ كلامى بالصـــــــلاة ع الهادى
والآل والصحـب هما دول أسيادى
يا أهل دمياط يا أهـل النما والخير
نور الحبيب موجود ما بينا وبادى
**
والنيل بيجــــرى وانقسم فرعين
دمياط رشيد صــاروا جوه العين
والمينا تنده إنتوا فين يا دمايطه
تلقى الرجـــــــــال للندا سامعين
**
مشهورة دمياط بالســفن ونخيل
جوك جميل والهــــــــوا دا عليل
نشاط واتقان هما ســــر الصنعة
وربى حــارس طبعاً دا رب جليل
********************************
شهر التوبة
*******
النهاردة أنا ناوى أتوب
قبل ما يفــــــوت الأوان
عمر بطوله شايل ذنوب
وربى يغفر فى رمضان
أصـــــل ربى رب قلوب
يغفر يســـــامح للندمان
********************************
ذكرى ثورة 23 يوليو
**********
يا ثـــــورة جيش وناس أحرار
شافوا العــــذاب وشربوا مرار
وكان قائــــــدها نجيب وجمال
خلوا فـــــاروق دا سابنا وغار
**
قضوا كمــــــــان ع الإستعمار
وكان قـــــرارهم دا أحلى قرار
ومصر صبحت حـــــرة وأبية
والأمـــن ســـادها والإستقرار
**
والحكم الملـــكى دا ولى وطار
ونجيب رئيســــنا بدون أعذار
وكمان حـــررنا القطر العربى
والفلاحين دول صاروا أحرار
**
والسـد العالى كـــــــان انبهار
تعليم وصحة كمــــــان إعمار
فن وثقافة بقى ومســـــــــرح
سينما وموسيقى كمان وأثـار
**
ثورة شريفة بدون أضـــــرار
ضباطنا فيها كـــــانوا أحـرار
ملكنا فيها زمــــــــام أمـورنا
حركة مبـــــاركة من الأطـهار
******************************
كلمات بسيطة مهداه للرائدان الكبيران لرابطة عزف الأقلام
العربية وصالون الأدباء العرب الشاعران القديران سيد منير وسيد داؤود
*****************
رابطة حبيبنا ســـيد منيــــر
وأقـــلامنا تعزف عبر الأثير
وقلبه دا طيب وراجــل أمير
وبالكلمة عالى وطبعاً سـفير
لـمــا بشــــــوفه قلبى يطـير
لأنه مهذب وشــــــاعر قدير
وسيد داؤود شــــاعر خطير
كلامه دا حلـو ومسك وعبير
يحب الجميع وقلـــــبه بصير
ووشه بيضحك ودايمــاً منير
يدير الحــــــوار كأجمل مدير
وماهر وشاطر وطبعــاً خبير
يــــــارب احفظ داؤود ومنير
طبعاً شراقوة وكرمهم شهير
*****************************
دعوة للقراءة
*******
طول عمرى أكتب كتب
لجل أفيد الناس
وأفيد كمان أنا نفسى
وأبعد الوسواس
عن خلق غاوية كلام
وقلوب ما فيها احساس
دين وشعر وأدب
وكلامى زى الماس
إقرا وحاول تشوف
دينك دا هو الأساس
واقرا كلام ربنا
دا مهم بين أقواس
شارح أمور وأمور
وناس كمان وأجناس
لما حبيبى هتقرا
علمك هيكون مقياس
*******************************
اخدم بلدك
*******
لو فى يوم عــــاوز تعيش
اخدم بلدك بقى فى الجيش
عزة كــــرامة ومجد يطول
بلدى أصيلة وغيرها مليش
**
تبقى مجند أو حتى شاويش
راح تحميها وتاكل عيش
بلدنا يا غالية الكل بيحبك
مهما يزيد إرهاب ويطيش
**
سينا كمان جنوب وعريش
ولادك شهدا مش حرافيش
ولادك طالهم غدر الخونة
برصاص حى كمان خراطيش
**
كلامى دا صادق مش تهويش
كلام فايقين ومش دراويش
هنحمى بلــــدنا من الأوغاد
من غير بلدى لا يمكن أعيش
**
أنا راح أموت وهيه تعيش
واللى جاى فى الريش بقشيش
عمرى يهون لجـــــل عيونها
تحيا بلــــدنا ويحيا الجيش
******************************
إنت مين ؟!
*******
بص وسألنى إنت مين ؟!
قولتله أكيد انسان
انسان وكل أمله
إنه يعيش فى أمان
أنا قلبى دايماً خايف
م اللى غادر واللى خان
يعنى قوللى إنت مين ؟
أنا شاعر كمان فنان
يعنى بياع للكلام
قلت لأ .. واسأل كمان
شعرى دايماً للمواقف
واللى هيكون واللى كان
يعنى إنت برضه مصرى ؟
أيوه مصرى من زمان
يعنى من إمتى تكون ؟
من قبل مينا وأحمس كمان
قوللى قلمك بيكتب إيه ؟
راح يقول كان يا ما كان
كان فى عروسة حلوة
فستانها أبيض وعودها بان
العروسة دى تبقى أمى
والحزن ساكن من زمان
والحروب صالت وجالت
والصدر صامد عمره ما لان
عظيمة دايماً واسأل ولادها
وفى المواقف دى ليها شان
دى أم دايماً للغريب
موطن وقول أم الأوطان
عروستى يا ابنى دى تبقى مصر
ذكرها ربى فى القرآن
ادخلوها سالمين
وعيشوا فيها بكل أمان
عرفت يا ابنى أنا أبقى مين ؟
أيوة عرفت وآن الآوان
إنى أقدم تحية ليك
وأدعى إلهى فى كل أذان
يحمى بلادك فى كل حين
يحفظ ولادها يحفظ كيان
ودعائى واللا من جوه قلبى
ومن الحشاشة مش م اللسان
***********************************
أصعب قرار
*******
لفيت كتير وكتير
ع الفاضى زى السواقى
والمعدة فاضية يا ناس
والحلق ناشف شراقى
خايف أموت كافر
لأنى مــــش لاقى
************************************
الأصدقاء
******
فى صــــــــديق دايماً يحبك
ما يهمه أبداً أصلك وفصلك
وحبه لك ظــــــاهر وواضح
يشـــــيل تملى حمله وحملك
**
وفى صـــــــديق تقوله سلام
ما يرد حتى ولا بالكــــــــلام
ولما تدخل جـــــــــواه تلاقى
كـــــــل حاجة عنده بكــــــام
**
وفى صـــــــديق دايماً يقـول
واللهِ مزنوق دايماً على طول
نايم وساهى عن فرض ربـه
ووشه دايماً مــــا فيه القبول
**
وفى صـــــــديق معاه فلوس
وع الفقير برضـــــــه يدوس
عمره مــــــا طلَّع حاجـــة لله
بفلوسه دايماً عقله مهووس
**
وفى صــــــديق فيـك طمعان
برغم إنـــــــه مـــن الأعيان
لكن النتانة دى طبـــــــع فيه
نــدل وخسيس كمـــان جبان
**
وفى صـــديق يفديك بالروح
وشه مُريح وكمـــان بحبوح
ووقت الشــــدة تلاقيه معاك
وقلبه يداوى كــــل مجروح
**
وفى صـــــديق سهل يبيعك
يبيع اللى كان كمان سنينك
لا عشرة تنفع ولا حتى لقمة
كانت مــــا بينكم والله يعينك
**
وفيـــه وفيــه وفيـــه وفيــه
فيــه البخــيل وفيــه النزيــه
على كـــل شكل وكــــل لـون
اللى تدوســـــه واللى تحييه
************************************
جمعية ابـــــــــــ
المشهرة برقم 3376 / 2016 ــــــــداع الثقافية
" بيت كل المبدعين العرب "
ومجلة اشراقة الصادرة عنها
الشرقية / ديرب نجم / مسكن السوق / عمارة 10 شقة 16
01141390421 / 01203994402 / 01009247239
****************
يا اللى ناوى إنك تكون
كاتب وشاعر صوته رنان
تعالى يلا على ابداع
ومع اشراقة هتكون انسان
اكتب مقال وكمان أشعار
اعلان جميل قى كل أوان
وسيد صابر ينادى ويقول
إنت معانا هتكون فى أمان
جمعية حلوة للموهوبين
ننسى معاها كل الأحزان
فيها احترام بين الأعضاء
عايشين كأسرة كمان خِلان
وهدفنا طبعاً هدف نبيل
عمرك معانا ما تكون زعلان
شعر وثقافة كمان وفنون
تواشيح حبيبى كمان قرآن
وفن راقى مش هابط
وراح أقولك ع العنوان
ديرب نجم مساكن السوق
عمارة عشرة مفيش توهان
يلا بسرعة بقى تعالى
هتكون معانا حبيبى فرحان
بنحب طبعاً مصر الجميلة
أرض العروبة أم الأوطان
وأنا هدعى ربى فى صلاتى
يحمى ترابها من الطغيان
*************************************
أروح لمين ؟!
*********
السكر غالى ع المساكين
والناس بتبكى بدمع العين
والعيشة غالية يا إخوانا
شاربين المُر دهور وسنين
**
اللحمة كمان محناش لاقيين
والمسئولين دول مش سامعين
يا غالية يا اللى مقامك عالى
السد بينك وبينا حصين
**
وسعر الفرخة بقى ستين
واللحمة وصلت للتسعين
أربط حزامك يا معلم
ومش مهم بقى بروتين
**
طماطم رز كمان بنزين
تمانين يا أخويه كمان تسعين
يا رب ألطف بعبادك
إنت المنجى كمان ومعين
**
ياعينى عليا عيونى باكيين
خلاص زهقت من الشياطين
أنا نفسى أفهم أحوالنا
هاتوا الأدلة والبراهين
*****************************
لحمة بالإكراه
*********
هخبط دماغى فى الحيط
م اللى عيونى شيفاه
شايل همومكم سنين
عمرى ما قلت الآه
أخرتها للجزارين
ولحمة بالإكراه
ويا عينى ع الغلبان
فاكرنى لحمة شاه
**************************
الجن العاشق
********
الجن العاشق راح يهواكى
نفسه يعيش برضه معاكى
حافظى على نفسك بالإيمان
وكـــــــلام إلهى هيرعــاكى
**
بسرعة راح يسكن جسـمك
وراح هتنسى معــاه اسـمك
مغــرم بجســـــمك وجمالك
فى هواكى دايب وفـ رسمك
**
إوعى تغنى فى الحمـــــــام
ولا تقولى أى كـــــــــــــلام
وإقضى حاجتك وبســـرعة
محمية بنتى من العـــــــلام
**
لازم تكــــــونى على دراية
وغطى نفســــــــــك بعناية
وسمى بنتى بإســــــــم الله
ما يشوفك أبداً دى وصاية
******************************
التور
*****
التـــور دا اسمك ولا لقبك
يا اللى كنت فى يوم حبيبى
لما جيت أعـــرف طبايعك
كات قـــرونك من نصيبى
إوعى تنسى أصلك يا تور
دى الشهامة تيجى وتغيبى
يا قلبى إوعى تحـزن
عليه
والنسيان هيكـــون طبيبى
مع السلامة يا تور يا هايج
كل اللى عاشرك أكيد كئيبى
*******************************
سلمتلك أمرى
*********
عمرى
وحياتى ليك
سلمتلك
أمرى
هدعى
إلهى يحميك
يا
دنيتى وعمرى
وعينيا
راح تناديك
فى
كل وقت وحين
يمكن
ندايا يرضيك
وتطفى
نار جمرى
********************************
قلب الأفاعى
********
إكتب يا قلمى وإحكى
عن كل أوجاعى
وقول عن اللى كان
لحبى دايماً ساعى
راح الزمان واتغير
وهجرنى من غير داعى
للأسف طبعك حويط
وشاطر كمان فى خداعى
هبعد ومش ندمان
عمرك ما كنت اجتماعى
هدمت كل أمالى
وسفينتى كمان وشراعى
حبك دا كان وهم
تقليد وكمان اصطناعى
والفرق بينا كبير
بين الجبان والشجاعى
لو يوم تعيب فى الناس
هتشوف هجومى ودفاعى
رسمت صورة ليك
وكمان عليها انطباعى
الوش وش طبيعى
والقلب قلب الأفاعى
*********************************
حُبك شبح
******
جاى تقول باقى عليك
بعد ما قلبى انجرح
تضحك تقولى كمان شاريك
بعد ما فكرى سرح
كان زمان وحياة عينيك
يا اللى قاتل الفرح
كنت أدور ع اللى يرضيك
ويخلى قلبك ينشرح
كل ده من حُبى ليك
يا نخل عاقر ما طرح
تطلب محبة ما يديك
يا اللى حُبك كان شبح
هدعى ربى إنه يهديك
وترجع تانى للمرح
********************************
أرزاق
****
حبيبى لونـــــه دا حكـــــاية
وحبى لــــــــه بقـــى رواية
بنحكيها كمـــــا العشــــــاق
مع الأحبـــــاب وضحـــكاية
**
أنــــــام جـــــوه فــ أحضانه
وقلــــــــبه يــــــــدق بأوانه
وصــــــدره مخـــدة وحنين
وقلـــــبى يحـــــس بحنــانه
**
وجرحى معاك حبيبى طـاب
نسيت ويـــاك أذى الأحباب
يا أسمر قلبى مرتـــــاح لك
والناس فى حالة استعجاب
**
سماره عمره ما كان عيب
دا حبه نــــار كمان ولهيب
كفــــاية طيبته وحنـــــــانه
وشـــوقى إليه دا لما يغيب
*********************************
راحوا فطيس
********
المرار والــــــذل شــــارب
والشباب دا كله هــــــارب
أيوه هــــــــــارب م الحياة
والنهاية على ضهر قارب
**
عينى تبكى ع الشــــــــباب
نفسه ياكـــــــل يوم كبــاب
راح يهاجــر م اللى شـافه
ألف إخس ع الكـــــــــلاب
**
راح نصـــوركم يا ســيدى
عمى فخرى كمان هريدى
تبقى ذكرى ســـــودة لينا
اللــــى راح فيها وحيـدى
**
يا بلـــــدنا إيه الحكـــــاية
بس ........ كملت الرواية
يا سفينة الموت يا ظالمة
يا اللـــى كـــــاتبة للنهاية
**
الولاد راحـــــــــوا فطيس
والزمن زى الهــــــاويس
الموت يا مصـرى بيناديك
يلا افـــــرح كمان وهيص
*******************************
ملكش أساس
********
يا اللى معاك الفلوس
إوعى تغيَّر نفـــــوس
كان قبـــل وإنت فقير
تطلب رضانا وتبوس
**
ولما جــــــــالك المال
والعيشة صبحت عال
بصيت علينا من فوق
وسمعنا قلـــنا وقـــال
**
زمـــــــان وإنت فقير
طيب كمــــــان وأمير
إيه غيَّر الأحــــــــوال
وصرت نــــــدل حقير
**
يا اللى تعيب فـ الناس
معيوب ملكش أساس
تغدر بكــــــــل صديق
يبقى لازم تنـــــــداس
**
هدعى إلـــــــــه حنان
يكفينى شـــــــر جبان
ولا فى يــــوم أماشيه
دا رخيص ما له أتمان
*********************************
السيد / سامح
شكرى وزير الخارجية المصرية يودع بالدموع والألم والحسرة شيمون بيريز الرئيس
الإسرائيلى لمثواه الأخير
****************
شد حيلك يا ســــــــامح
ربك أكيد مش هيسامح
رايح تجرى كمان رامح
زى الخيل اللى جــــامح
رايــــح تودع ابن بيريز
والأطفال دمها ســـــايح
**
رايح تولـــول كمان تنوح
وعيب عليــك والله تروح
ولسانى خايف كمان يبوح
وكلامى أكيد مش مسموح
بس أكيد هـــــادف ووجيز
بس تعالى فتحت جــروح
**
رايــــــح تودع الســــــــفاح
اللـــــى قــــــــــاتل للأرواح
عمره فى أخــره ما هيرتاح
يلا خلاص أهو راح وانزاح
صور الشـــهدا فى البراويز
مرسوم فيها كفــاح ونجاح
*********************************
مصر بلدى
********
الصبر طبعك حبيبتى .. ودا من زمان بزمان
الكل بيجرح فيكى .. وإنتى فى أعلى مكان
ما عاوزة حد يساعدك .. صامدة كحجر صوان
وكمان جنودك يا بلدى .. بيدافعوا بروح وجنان
ورسولنا قال عنهم .. دول أحسن الفرسان
هكسوس تتار انجليز .. حتى الصهاينة كمان
الكـــــل راح وانتهى .. بفضل م الديــــــــان
مصر يا بلــد الأمن .. ضيفك هنا فى أمــان
ياكل ويشرب ويسهر .. ما يخاف عدو وجبان
يشوف معالمك ونيلك .. مبسن وط ومش زعلان
شعبك أصيل وبيحضن .. مسلم مسيحى كمان
والحب دايماً ما بينهم .. وما تفــــرق الأديان
والدين لرب العبــــاد .. وإنتى عظيمة الشان
والكــــل عايش فيكى .. حامـــــد إلـــــه ديان
لأن مقـــــــامك عالى .. ومذكورة فى القرآن
يا بلدى يا بلـد الخير .. عمار فى كــل أوان
يارب دايماً ما أشوف .. فيكى فقير وجعـان
كل اللى فات وانقضى .. دا زوبعة فــ فنجان
********************************
صائد الدبابات
كلمات مهداه للبطل محمد عبدالعاطى عطية شرف
الشهير بصائد الدبابات فى حرب أكتوبر 1973
حيث دمر وحده 23 دبابة ، و3 مجنزرات
شيبة قش / منيا القمح / شرقية
1950 / 2001
*********
بعد النكسة والإنكسار .. عشنا واللهِ أيــــام مرار
والشعب كان والله ذليل .. حاسس بذل كمان وعار
قلوب الناس صبحت جريحة .. عيشة مهينة ومش مريحة
وسينا راحت من بين إيدينا .. ونفوس انكسرت من الفضيحة
والحزن ساد كل الأماكن .. والليل حزين ولونه داكن
حتى العيون صبحت بتبكى .. والعار معشش كمان وساكن
لازم نرَّجع أرضك يا بلدى .. ولو هضحى بعمرى وولدى
وراح أنادى فـى كل حتة .. يا شبابنا إنتوا عزى وسندى
وسادات ينادى أنا مش هحارب .. وعيشتنا ضلمة مفيهاش كهارب
كانت دى خدعة ووقعوا فيها .. وفـ عز ضهرك كان برضه ضارب
رجَّع يا بطل مجدى اللى كان .. وإوعى تنسى أيام زمان
أيام ما كنت للنصر سايد .. شاهر سيوفك فــ وش الجبان
وجيشنا طبعاً للنصر جاب .. واسرائيل جيشها دا خاب
من كل حتة بطل ينادى .. أنا مصرى حر ودول كلاب
وبلدنا فرحت والفرح سايد .. برقيب مجند منطقته فايد
وشيبة قش كانت الميلاد .. شرقية نورها تملى قايد
ولإسرائيل كان برضه كايد .. لدباباتهم ضارب وصايد
رمز الرجولة يا ابن بلدى .. يا عبـد العاطى خيرك دا زايد
نصر أكتوبر كان له علامة .. ونقول للشهدا مع السلامة
ونجمة سينا على صدر عبده .. وأبو شرف دايماً رمز
القَيامة
نسبك حبيبى يعود للرسول .. ومهما أكتب ومهما أقول
سيرتك هتفضل تملى بينا .. رمز الأصالة يا ابن الأصول
يا مصر سيفك على كل عادى .. وهفضل أصرخ كمان وأنادى
ترابها ليكم مسك وعنبر .. تعيش جهودكم تسلم أيادى
ومن النهاردة أنا برضه ناوى .. أبوس إيديكى لأنى غاوى
وراح أقدم عمرى هدية .. وعمرى إيه !! ياريت يساوى
واللى يعاديكى هيكون مصيره .. موت وهلاك وعبرة لغيره
أرضك يا بلدى هتكون مقابر .. فيها جحيمه كمان سعيره
يا جيش يا مصرى
تحية ليك .. والشعب كله إيده فــ إيديك
هدعى إلهى يحفظ بـــلادى .. منصور يا جيشنا ع اللى
يعاديك
******************************
كلمات أهديها لبلدى فى يوم النصر
بحبك يا مصر
*********
بحبك يا مصر وحبك فـ دمى
وحبك يسـاوى حبى لأمى
يا قلب العروبة يا نبض الحياة
فيكى شهامة أبويه وعمى
**
نادى جنودك يوم العبور
الله أكبر هزت جسور
رجعنا سينا فـ ست ساعات
ماحينا التكبر قتلنا الغرور
**
يوم الكرامة عزك يا بلدى
قدمت ليكى ابنى وسندى
كرامتنا رجعت يوم الانتصار
على الأعادى بفضلك يا ولدى
**
وكل عام فى نفس الميعاد
نكرَّم جنودنا وجيشنا اللى ساد
لولاهم لتوهنا فـ وسط الطريق
وضاعت كرامة شعوبنا وبلاد
***********************************
مين مؤنسك ؟!
**********
هبدأ بإسم الله ... الخالق المعبود
تملى بطلب رضاه ... وتملى هو يجود
يا عبد ناجى مولاك ... فى يقظة كمان ورقود
وإياك فى يوم تعصاه ... وتكون عدو لدود
هتشوف عذاب النار ... تحرق عظام وجلود
واللى يطيع مولاه ... هيكون معاه مسعود
يدوق تملى الخير ... وجنة ما ليها حدود
نصيحتى ليا وليك ... إياك تخطى حدود
وإمشى فى طريقك عِدل ... وإياك تكون مطرود
والموت ينادى عليك ... والكل بيه موعود
والقبر له وحشته ... والجسم صار مفرود
يا عبد مين مؤنسك ؟! .. غير التراب والدود
يا إما جنة ونعيم ... يا إما نار وخلود
غفلان بقى فى دنيتك ... ناسى الصلاة وسجود
تحقد كمان على أخوك ... كاره كمان وحسود
الموت هيكون موعدك ... وصراط طويل ممدود
علشان كده بنصحك ... ناجى إله معبود
دا اللى زرعته اليوم ... بكرة أكيد محصود
وإوعى تنسى الحساب ... فى يوم طويل مشهود
*******************************
رحمتك يارب
********
النـــوم خاصم عيونى
والألم ســــاكن حشايا
شكوتى للنـــاس مذلة
وإنت يــــــا ربى معايا
راح أنـــادى يا حبيبى
وإنت ســــامع لـ ندايا
دنيتى دنيـــــا غرورة
فيها ألمى وشــــــقايا
رحمتـــــك بيا يا ربى
رحمتك سعدى ومنايا
**********************************
حال العرب
*******
ياعرب ليه الخناق ؟!
وإحنا إخوة مسلمين
العدو بينهش ضهورنا
نفسه نبقى مفككين
والخناق داير ما بينا
وليه نسيب المجرمين
اللى جايين بالخراب
ولولادنا كمان قاتلين
دا اللى هيسيب الكلاب
ياكلوا لحم البنى أدمين
يبقى ربى غضبان عليه
ويوم الحشر من النادمين
يلا يا جيوش العرب
كونوا إخوة متحدين
ضد أى ظلم جاى
يمس فرد أو حتى دين
******************************
الوطن
*****
الوطــــــن مش بس كلـــــمة
الوطـــــن دا خـــــــير ونعمة
بس خليك مخلـــص ودايمــاً
تحت أمــــره فى أى خـــدمة
**
وابن بلدى للخير دا ســـاعى
بيحب بلــــــده كمان وواعى
نصيحتى ليك تاخـــد لى بالك
م الكــــلاب وم الأفــــــــاعى
**
الوطـــــن حُبه فـــ وريــــدى
إوعى راح تنزل يا ســـــيدى
يوم حداشر مع الكـــــــــلاب
هفضل أصرخ كمان وأزيدى
**
مصر طـــول عمرك يا غالية
ع الكـــــــلاب دايسة وعالية
م اليهود واللـــــــى عادوكى
من دماهم شــــــاربة ومالية
**
يا ابن بلــــــدى حافظ عليها
خيرها وافـــــر كمان ماليها
وإوعى تنسى إنك ولـــــدها
حامى ترابها م اللى يعاديها
*************************************
موت وهلاك
********
إرمى الفحم ويلا تعالى
ودوس ع الجوزة ولا تتعالى
صدرك واللاَّ حبيبى بيخرفش
وإنت بقيت ع الكل دا عالة
**
ليه السم تشمه وتشرب
من أولادك تجرى وتهرب
خليك صاحى وفوق ياحبيبى
خليت بيتك بقى متكهرب
**
إبنك لازمة جاكت وقميص
وإنت بتشرب بقى وتهيص
بيتك لازمه ألفين حاجة
وإنت عاملى غبى ورخيص
**
إرمى الجوزة وطفى النار
إرجع يلا ولا تحتار
إدعى إلهك وارجع نادم
أيوة بجد ومش بهزار
**
التدخين دا موت وهلاك
ضعت معاه وكمان خلاك
تنسى البيت وكمان أصحابك
إرجع يلا إلى مولاك
*******************************
إوعى تزعل
********
صحتك دى راس مــــــالك
بس إحكى وقـــــولى مالك
قلتله هشــــــــــكى لـــربى
قـــادر يصلح حالى وحالك
**
طـــول الليل ســامع أنينك
ربى معـــاك قــــادر يعينك
بس راضى حامـــد وشاكر
لازم حبيبى أبــوس جبينك
**
إوعى تزعل م اللى يصيبك
مش هيصيبك إلا نصيبـــك
إياك تنسى شــــــــكر ربـك
دايماً حبيبه وهــــو حبيبك
**
ألف حمد وشـــــــــكر ليك
كـــــل غالى ما هيســاويك
دا المرض ممكـــــن يزول
بس ناجى وإرفـــــع إيديك
***********************************
يارب إنت المدد
**********
ظنيت همـومى انتهت
بعد مــــــا جالى الولد
والبطن جابت الخـــير
بعد مــــــــا كانت جلد
أتاريه دا موت وهلاك
وقلبى يوم مـــا انسعد
بيقولوا فى الأمثـــــال
ابنك دا أجمــــــل سند
لكن مع كـــــــل أسف
حبه دا عمره مـا ورد
أنا بس أعمـــــــل إيه
والعقل منى شـــــــرد
يـــــارب حنن قلــــبه
أنا مالى غيرك مـــدد
**********************************************
ليست هناك تعليقات:
إرسال تعليق