اهداء
أُهدى ديوانى هذا ( وقفات ورباعيات )
لروح والدتى العزيزة رحمها الله ، ولروح والدى الغالى رحمه الله
كما أُهديه لكل من شجعنى وأعطانى
النصيحة .
كما أهديه لعائلتى وأهلى وخلانى .
كما أُهديه لكل من علمنى حرفاً وكان
عوناً لى على الطريق ، ولكل محب للخير ومتابع لكتاباتى .
وأخيراً أُهديه لكل من ساعدنى فى هذا الديوان حتى خرج بهذه الصورة
المشرفة .
فاللهم تقبل منا هذا العمل واجعله
خالصاً لوجهك الكريم وأجرنا يا رحيم .
وأسأل من يقرأه ويستفيد منه ألا ينسانا
من صالح دعائه وصادق رجائه .. اللهم آمين .
الشاعر
محمد شرف الدين الكراديسي
الشاعر فى سطور
*************
الاسم : محمد بن عبدالله محمد شرف الدين الكراديسي
العنوان والنشأة : ولد بقرية كراديس مركز ديرب نجم
محافظة الشرقية
من أبوين مسلمين صالحين شريفين من السادة الأشراف فيرجع
نسب الوالد رحمه الله إلى سيدنا الحسين بن على بن أبى طالب رضى الله عنه وأرضاه
وابن فاطمة الزهراء بنت رسول الله صلى الله عليه وسلم ويرجع نسب الأم رحمها الله
إلى آل الجندى التركى العباسى والذى تصل جذوره إلى حبرالأمة وترجمان القرآن وابن
عم رسول الله صلى الله عليه وسلم عبدالله بن عباس بن عبدالمطلب
ورضي الله عن الإمام الشافعي حيث قال :
يا آل بيـت رسول الله حبـكمُ *** فرضٌ من الله في القرآن
أنزله
يكفيكمُ من عظيم الفخر أنكمُ *** من لم يصلى عليكمُ لا
صلاةَ له
الجنسية : مصرى
تاريخ الميلاد : 5/12/1968
الوظيفة / أخصائى نشاط فنى بوزارة الشباب والرياضة
وداعية وباحث اسلامى فى السيرة النبوية
* حصل على معهد قراءات فى القرآن الكريم
* حصل على معهد إعداد دعاة من مدينة بنها قليوبية .
* محفظ للقرآن الكريم للكبار والصغار .
* حقق المراكز الأولى ونال شهادات تقديركثيرة فى حفظ
القرآن الكريم والسنة على مستوى الجمهورية فى المراحل الأولى من حياته .
* حفظ القرآن الكريم وهو ابن ثمانية أعوام وكان يقرأه فى
المناسبات بجانب الإبتهالات الدينية ولكن منذ عام 2005 أجريت له عملية جراحية
بالأحبال الصوتية فجعلته يكتفى بالخطابة فقط
ولكن أيضاً نادراً .
* يقوم بإلقاء
ندوات ومحاضرات وأمسيات دينية بوزارتى الشباب والرياضة و الأوقاف .
* يقوم بإلقاء
دروس وندوات وخطب بمساجد الأوقاف وكذلك المساجد الأهلية .
* ضيف على بعض القنوات الدينية المختلفة " الفتح –
الحافظ – السلام عليك أيها النبى – مبدعون من مدن مصرية وعربية "
* شاعر اسلامى وشاعر عامية متميز وله ثلاثة دواوين فى
الشعر العامية والفصحى وله مجموعة قصصية .
* حقق كثيراً من المراكز الأولى فى مسابقات عدة فى مجال
الشعر منذ عام 1985 وحتى الآن .
وعلى سبيل المثال فى الآونة الأخيرة :
المركز الثالث فى مسابقة واحة شعراء العامية ... فى
دورتها الثالثة .
المركز الأول فى مسابقة واحة شعراء العامية .... فى
دورتها السادسة .
المركز الأول فى مسابقة نبض الحروف الثقافية شعر
عامية .
المركز الأول فى مسابقة منتديات كنوز تمر حنة شعر
عامية .
المركز الثانى فى مسابقة من وحى الصورة بمجلة رؤية قلم .
المركز الثالث فى مسابقة المولد النبوى الشريف بجروب
ائتلاف الشعراء والمبدعين العرب قصيدة فصحى .
المركز الثانى بالمسابقة الأدبية لمجلة رؤية قلم فى
القصة القصيرة .
المركز الأول مكرر بمسابقة عيد الأم الخاصة بمنتدى تحدى
نزار القبانى .
*ضيف على بعض القنوات الفضائية فى مجال الشعر منها
"النيل الثقافية فى برنامجى يوم جديد والشاعر – وكذلك قناة أهل مصر " .
* كاتب مسرحى مُجيد فله مسرحيتان وطنيتان بعنوان
"فضائل مصر – قرية ثورية" .
* تناولته عدة صحف ومجلات بالكتابة عنه وعن أعماله مثل :
جريدة عقيدتى وجريدة عيون مصر وجريدة أخبار الشباب ومجلة رؤية قلم ومجلة بيت
الأدباء والشعراء ورابطة أدباء الشام التى تصدر من لندن ببريطانيا ورابطة ديوان
العرب ومؤسسة الفجر العربى الإعلامية ومنتديات حبايب مصر ومنتديات كنوز تمر حنة .
* وافق له مجمع
البحوث الإسلامية على طبع ونشر عشرة كتب اسلامية تم مراجعتها فى السيرة النبوية
والفقه
والتراجم والتفسير القرآنى :
الكتاب الأول: قطوف دينية من هـــدى خـير
البريـــــــــــة.
الكتاب الثاني: رسالة الإسلام و الدفاع عن خير
الأنــــــام.
الكتاب الثالث:
الحيوانات المباركة في القرآن الكريم.
الكتاب الرابع: رحلة مع أسماء رب الأرض
والســـــــــــــــــــماء.
الكتاب الخامس: أحكام الجنائـز بين الجـائز وغير الجائز.
الكتاب السادس:
رجـــــال ونســـــــاء حـول خاتـــــم الأنبيــــاء.
الكتاب السـابع: 1100 ســـؤال وجواب في كلام رب الأرباب.
الكتاب الثامـن: رمضان شــــــهر العتــق
والغفـــــــــــران.
الكتاب التاسـع : الهجرة النبوية والدروس المسـتفادة
منها .
الكتاب العاشر: معلومات منتقاة من الدين والحياة.
* له استشارات ومقالات دينية كثيرة على الإنترنت
**** وما زال
الفيض الربانى يتدفق ****
فنسأل له الله
سبحانه التوفيق والسداد والرشاد .
الشاعر
محمد شرف الدين
الكراديسي
مقدمة المؤلف
الرباعيات
الشعرية
هي أشعار من
الشعر العربي والعامي الحديث تتصف بوجود أربع أسطر من الشعر تقدم فكرة بسيطة ومن
الشعراء الذين كتبوا في هذا الأسلوب الشعري الشاعر صلاح جاهين - الشاعر نبيل خلف -
الشاعر أحمد وائل - الشاعر العراقي عادل الدرة)
حين نتأمل فن
(الرباعيات الشعرية) ذات الأبيات القليلة والخبرة الإبداعية الطويلة وما تحمله من
تجربة إنسانية وخبرة عالية في ممارسة الشعر، نجد أنها تحتل جملة من الانفعالات
النفسية والعاطفية المتدفقة، واللغة الباذخة والصور الحية فتبرز مقدرة الشاعر على
إخراج ما تجيش به نفسه فتنصاع له قريحته وهذا لا يتأتى إلا لؤلي العزم من الشعراء
المطبوعين الذين باتت قرائحهم رهن إشارة منهم.
فالرباعيات نوع من الشعر مشهور في الشعرالفارسي
والرباعية
مقطوعة شعرية من أربعة أبيات تدور حول موضوع معين، وتكوّن فكرة تامة. وفيها إما أن
تتفق قافية الشطرين الأول والثاني مع الرابع، أو تتفق جميع الشطور الأربعة في
القافية.
لكن المتأمل
للحركة الشعرية اليوم يرى أن هذا الفن (الرباعيات) قد أدركه النسيان فغدا أقرب إلى
الإندثار
والرباعيات
نمط عرفه الشعر العربي مستوياً مؤثراً وفي تصويري أنه دفقة شعورية مشحونة بالجمال
فلا تكاد تنتهي حتى يتنفس المتلقي ملء رئتيه إعجاباً وحتى يبتسم بوسع شدقيه طربا
وإكباراً.
وبناءا على
ما سبق أقدم لكم هذا الديوان المتنوع
بين الوطنى والدينى والعاطفى من
الرباعيات الشعرية باللغة العامية وأرجوا أن ينال رضاكم والله ولى التوفيق .
الشاعر
محمد شرف
الدين الكراديسي
أولاً
الوطني
يامصر
**********
يامصر
يامُّ التاريخ دايماً على بالى
فاتحة
البيبان للغريب وبقلبك الغالى
هفضل
أنادى عليكى وإنتِ مش سامعة
راح
السمع يابلد م الضرب طوالى
***
بحبك ياوطنى
************
بحبك ياوطنى وْدا
أجمل قرار
بحبك ياوطنى
....... وْمدين لك بألف اعتذار
بحبك ياوطنى ..
فى ضلمة فى نور فى عز النهار
بحبك ياوطنى
وشايف معاك ... مهانة ومرار
الوحدة الوطنية
***********
مسيحى برضه
مصراوى
و فى حبه أنا
غاوى
و يوم عيده أنا
أقوله
دا حضن الأم
بيداوى
***
فى
وصف مصر
************
اعذرنى لو قلت لك إنك عامل لى جنان
بوصفك المعقول وإنتَ صحيح فنان
رسمت لوحة جميلة اسألنى ع العنوان
مصر الحبيبة قول .... متَّعنى يافنان
أنا المصرى
**********
أنا المصرى أنا الباقى
و رايح ألم أوراقى
وهرجع منتصر تانى
وهثبت إن أنا راقى
***
بلدى
*********
يوم
الهنا والمنا والسعد والأفراح
لما
ألاقى البلد دى قلبها مرتاح
عاشق
تراب البلد أصلى أنا مصرى
ومصرنا
حبنا وفى حبها سواح
نصيبى
********
نصيبى إن أنا سواح
بحُب الأرض أنا مرتاح
وأشوف بلدى بتندهلى
أناجيها مسا وصباح
***
حضن
بلدى
*********
حضنها
طول عمره دافى
تاخدنى
.. أبقى متعافى
ولا
أندم فى يوم عمرى
و
قلبى ف حبها صافى
ليه
يا أخويه ؟؟
**************
ليه
يا أخويه تأذى بلدك
ليه
يا أخويه تنسى الحنين
مصر
هيه أم ولدك
ليه
تسيب بس الأنين
إحمى
ربى مصر بلدى
وإنت
يا ربى المعين
***
مصر
نادت
***********
مصر
نادت يلا يا ابنى قوم وشارك
ابنى
عمَّر ف اللى راح ... يلا بارك
يا
حبيبتى ياضى عينى إنتِ قلبى
راح فِ سلم أحب أرضِك وفْ معارك
راح
أجاهد
***********
ياللى
ناوى ع الجهاد قوم يلا جاهد
إحمى
بلدك صون ترابها ويلا عاهد
ياللى
عمرِك صابرة دايماً راح أقولك
إنتى
حبى وُ كل عمرى وربى شاهد
***
تسألينى
*******
تسألينى ليه دموعى
نازلة منى
راح أقولك أعذرينى غصب
عنى
دموع عنيه دى عشانك
ياحبيبتى
وإنتى حبك ف الوريد من صغر سنى
صباح الفل
*********
صباح الفل والياسمين
على حبى ونور العين
صباح الخير على بلدى
ونهر بيجرى بين شطين
***
جيشنا الصامد
***********
بالحب أنا موعود
قلبى زهور و ورود
نادانى ربى وقال
جيشك دا كله صمود
هغنى للسلام
**********
قالوا الغُنا واللاَّ
حرام
وأنا هاغنى وْ لا
ملام
وبلدى نادت لى وقالتلى يا إبنى
غنى حبيبى يعود السلام
***
أحبك يا بلدى
***********
أحبك وإنتى عصفورة
على غصنك ومنسية
أحبك وإنتى للمسجون
كنسمة ريح وحرية
يارب احميها
************
يارب احميها ونجيها
وكمان نوَّر لى
لياليها
دى بلدنا هترجع ونخَّضر
بإْدينا جبالها وصحاريها
***
دايماً منصورة
***********
جمالك ظاهر فى الصورة
ياحبيبتى ودايماً
منصورة
أنا ابنك عاشقك بيقولك
أنا قلبى زى العصفورة
أنا مصرى
**********
أنا مصرى وبلدى
بتسمعنى
وقالتلى حبيبى إنت
المَعْنِى
راح أقولك إنت
ياحبيبى
إلمسنى بإيدك لمَّعنى
***
يابلدنا يا أصيلة
************
يا
بلدنا يا أصيلة فيكى حاجة معذبانى
نزرع
الحب بإيدينا يطلع الكُره فى ثوانى
يا
بلدنا يا جميلة إنتى حبى الأولانى
راح
أنادى كل مصرى يملا قلبه بالأمانى
أنا بحلم
********
أنا بحلم تكونى سعدى ومنايا
وبتمنى أشوفك فرشى وغطايا
وتحمينى من الدنيا وأوغادها
يا بلد الخير يا ساكنة القلب جوايا
***
خدك موَّرد
**********
يا بلدى يا حلوة مين قدك
ببوس الورد على خدك
دا خدك حلو وموَّرد
ونفسى فى يوم أشوف سعدك
يارب احفظها
*********
تشوف سنِّى أنا بادى
ودمعى فى عينى لبلادى
يارب احفظها واحميها
وأنا امسح دمعى وسهادى
***
شغلتِ قلبى
**********
بحسنها شغلت قلوب وعقول
وف حبها شرحى أنا هيطول
والإسم فى قلب الجميع مرسوم
وفى سعدها أنا راح همومى تزول
يا بلدنا
********
يا بلدنا مش كفايه
يلا نخرج م السكوت
يا بلدنا يلا نبنى
الزمن دا راح يفوت
يلا نزرع فى سمارك
والعدو دا راح يموت
***
ثوار البلدى
**********
الأمل جوانا دايماً
واحنا بنحب الحياه
والحياه بتنادى دايماً
ع الغريب وعلى اللى تاه
إنتوا ثوار البلد دى
إنتوا لِِيه سعده وهناه
حبك بلدى
*********
حبك دايماً ساكن فينا
وبيسعدنا فْ طول ليالينا
وانتى بلدنا حرة أبية
شمسك دايماً بتدفِّينا
***
بشوف فى عينك
************
أنادى عليكى ف كل مساء
ما إنتى الحبيبة وحان اللقاء
قلبى بينده عليكى حبيبتى
وشايف فى عينك لهفة وْ وفاء
الغالية
******
يخط القلم كلماتى
وأنا بحكى حكاياتى
حكاية حب للغالية
دى هيه حبى وأهاتى
***
مين اللى باع
*********
لأ مش هقول بلدى فْ ضياع
أنا راح أقول مين اللى باع
ثورة ضمير ثورة جياع
وإنتى السفينة بـ 100 شراع
ثانياً
الديني
يا ابن أدم
********
ربما ... تأتى
النهاية
حُب ربك فيه
الكفاية
حصن ربك فيه
الحماية
إوعى تنساق
للغواية
صلِّى تحميك العناية
***
أين الرجال
؟؟!!
**********
حبيبى محمد دا
خيرة الرجال
جماله فى عينى
دا غاية الجمال
وحبى لسيرته دى
غاية المنال
وصورته فى عينى
ولا فى الخيال
أشوفه فيخطر
لذهنى سؤال
رسولنا الكريم
... أين الرجال ؟؟!!
خاف الإله
**********
خاف الإله
العظيم وغيره ما تخافشى
وإدعى إلهك تملِّى
الحق مايضيعشى
وإندم على
غلطتك عن فرضه ما تنامشى
وإوعى الحرام
يندهك لو نادى ما تروحشى
دا اللى بياكل
حرام عمره ما يشبعشى
***
ميلاد الحبيب
***************
فى يوم ميلاد
الحبيب الفرحة كانت عامة
والكل يومها
سعيد والخالة والعمة
وأم سيدنا
النبى جابت شفيع الأمة
فكان رؤوف
ورحيم وعظيم و ذوهمة
بلاوى الناس
***********
يااللى إنت خفت
الكلام و خفت من دوشته
انظر ..... لكل
مريض عايش على علته
وادعى إله
الكون ..... يرحمنا من رحمته
دا الجسم كله
خمول ... عايش على همِّته
من شاف بلاوى
الناس هانت عليه بلوته
***
حبى للرسول
************
أحب عقله
ورزانته
وأموت فى صدقه
وأمانته
ولما أصلى عليه
القلب يطلب
حصانته
عايش بذمة
***********
طول عمرى عايش
بذمة
ولا عمرى اقعد
ف لمَّة
تسألنى ليه
ياحبيبى
الدين شجاعة وهمة
***
ياقلبى يامولع
************
ياقلبى يامولع
فضفض و قول طلَع
اللى بيكوينى
لأحلف برب السما
وأحلف أنا بدينى
حبى أنا للإله
ف القلب يهدينى
استرها يا ستار
*************
العقل منى طار
وكمان دليلي احتار
م اللي تشوفه العين
استرها يا ستار
وكمان دليلي احتار
م اللي تشوفه العين
استرها يا ستار
***
يوم مولدك
************
حبيبى
بانادى .. اسمع ندايا
ولسه بمدحك و سيرتك معايا
شفيع
الأحبة حبيبى يا أحمد
دا
يوم مولدك هوَّ سعدى وهنايا
رفيع
الشان
**********
لقيت
سيرته فى كل زمان
دى
سيرة زين ولد عدنان
واسمه
نور ملا الأكوان
واسمه
كان فى كل أذان
وقلبه
كمان دا كله حنان
رؤوف ورحيم بنى الإنسان
دا
يبقى مين دا يا إخوان ؟؟!!
دا
يبقى أكيد رفيع الشان
***
سيرة
الحبيب
***********
لقيت
سيرتك دى فيها النور
وغير
سيرتك دى تبقى زور
وأرضك
حلوة مليانة
وغير
أرضك دى تبقى بور
الجودة
بالموجود
*************
نادى الإله بالعطا .. تلقى الإله بيجود
نادى الإله بالعطا .. تلقى الإله بيجود
الصبر
لما فرغ .. ناديت إله موجود
يارب
إنت المدد .. إرزقنى يا ربى
وإن
جالى سائل أقوله .. الجودة بالموجود
***
صون لسانك
**********
يا اللى تخاف البشر والرب ناظرلك
خاف الإله العظيم وبفضله يغفرلك
وصون لسانك بكلمة عن عيوب الناس
واحفظ كلام ربنا ورسولنا يشفع لك
الشهيد
*********
إوعى
فى يوم تفتكر إن الشهيد بيموت
دا
حى عند الإله والحور عليه بتفوت
وكفاية
إنه بعمره ضحى وبدمُّه
فى
الجنة عند الإله يُطعم
بكبد الحوت
***
مدح
الرسول
*************
مدح
الرسول مطلبى والشافى للعيَّان
طبع
الرسول مذهبى على مر كل زمان
ياريت
أزور النبى وأملى كمان عينى
دا
حبيبنا هو النبى دا فرحة الزعلان
عبدك
الخطاء
*************
طمعان
فى عطفك يارب انك تسامحنى
سرحان
فى دنيا العذاب وإنت اللى فاهمنى
إغفر
إلهى ذنوبى كنت يوم خطّاء
أسيت
كتير واشتكيت يارب إكرمنى
***
مريض
**********
مريض
فى يوم إشتكى وقال أنا عيان
شكوى
لغير الإله تبقى مذلة هوان
إشكى
همومك لربك قول له ياربى
هارمى
حمولى عليك إشفينى ياحنان
الفقير
**********
فقير
نظر للسما وقال أنا راضى
هعبد
إلهى تملى ما دام أنا ماضى
برغم
إنى فقير هقول أنا للعباد
الفقر
مش عيب ما دام رب العباد راضى
***
المهموم
*********
يا
اللى إنت مهموم حزين إصحى معايا وفوق
إرمى
حمولك على الله وم الذنوب هتروق
اسمع
كلام ربنا واعمل بآياته
دا
اللى معاه ربنا ما يغلبه مخلوق
السيادة
*************
هتسود
حبيبى كل خلق الله
وكلامنا
له مغزى وله معناه
صلى
وصوم و إبنى جدار الخير
هتلاقى
قلبك عاد لعز صباه
***
خالق البشر
**********
رأيت بعينى ورق الشجر
عديت كمان حبات المطر
وشفت بقلبى حجر ومضر
فعرفت إنك خالق البشر
حزن دفين
*********
إكفينى ربى شر السنين
وإرحم إلهى قلبى الحزين
ما إنت مداوى قلوب العبيد
دا عينى بتبكى وحزنى دفين
***
الشيخ
*******
الشيخ عليه منظر
ولبسه لبس أزهر
يسبى عقول الجميع
فارس على المنبر
المنبر
******
المنبر دا سر الحياه
والحب جاى م الإله
إدعى إلهك تملى
هتلاقى طوق النجاه
***
صمام الأمان
********
مبروك عليك الشرف
من ألف عام تتعَرَف
دينك صمام الأمان
م الغادر اللى انحرف
سؤال ؟؟
*******
الناس ليه غادرة و
مؤذيَّة
وبتقتل بعض بهمجية
وناسية إن الأخرة
جاية
ولا خايفة رب البشرية
؟!
***
دليلى احتار
**********
معاكى يادنيا دليلى
احتار
وأمرك خلى حياتى مرار
أراضيكى دايما ولا
بترضى يوم
و ربى قادر يزيل
المرار
يارب
*********
يارب
إنت الرجا مالى سواك مالك
ملكت
روحى بإيدك وطريقى لك سالك
إرحمنى
ياربى واسترنى فى يوم الدين
دا
أنا بدون رحمتك هبقى أكيد هالك
***
تبارك
الخلاق
************
جمَّل
صفاتك بالصدق والأخلاق
تلقى
الخلايق تجرى عليك تشتاق
والكل
دايماً يحبك ويسعى دايماً ليك
و
يقولوا عند الُلقا تبارك الخلاق
تايب
لربى
***********
فعلاً
أنا صاحى ومش نايم
عارف
طريقى ولهدفى كمان عايم
ما
يأثر فيه موج البحر وعمايله
تايب
لربى وكمان عن الذنوب صايم
***
إنوى
الخير
**********
أعشق نبى زين وصانى على دينه
والكل
يكره كسول ف عِبادَة ويدينه
صلى
تملِّى وافعل الخيرات
دا
اللى بينوى الخير .. الرب بيعينه
قاطع
الأرحام
**********
ياويلك
ياذُلك ياقاطع الأرحام
عاملى
فيها غبى وقاطع الأفهام
هتعيش
حزين والرب مش راضى
دا
الوصل وصانا بيه واحد عزيز علام
***
إبكى
ياعين
*********
نزلت
دموع العين من سهدى و تنهيدى
ناديت
على العين وقولتلها كمان زيدى
وابكى
ونوحى على حبيب عمرى
وأنا
هاناجى الإله وأرفع كمان إيدى
عفة
النفس
*********
ربطت
ع البطن لما ضاق عليا الحال
ما
سألت مرة كريم حتى
ولا أندال
و
هعيش عفيف راضى ولا فى يوم هسأل
غيرك
إله الكون فإرحمنى يامتعال
***
المفترى
*********
ما
كنت أتخيل إنك تكون مفترى
فارد
دراعك وع العباد تفترى
اسمع كلام ربنا
واعمل بآياته
الذنب هنبيعه وإنت اللى راح تشترى
كلمة حلوة
********
كلمة حلوة راح تداوى
قلب مشغول بالغناوى
بس إقرا مرة سورة
ولا آية إن كنت ناوى
ثالثاً
العاطفي
البنت الجريئة
*************
ياللى إنت ناوى
خطبتى أنا نارى نار
إوعى تكون زى الشباب
غاوى هزار
أنا عاوزة راجل
أعشقه مش شهريار
مش أى حاجة
تغضبه ... ولا يستثار
فيقولوا عنه مع
الأسف إنه " ... " ؟!
***
سوق الحلاوة
************
عجبى عليك يا زمن
حبيت أنا مِية
ولما جيت انتقى
ما لقيت ولا صبية
سوق الحلاوة
جبر ومفيش ولا حورية
إوعى تلومنى خلاص
دا الرك ع النية
أشكى لمين
***********
يانهر الحب
..... ياغالى
تعالى .....
أشتكى حالى
وأقولك ع اللى يجرالى
ما هو انت نبض
موالى
حبيبى هجرنى من
تانى
***
القلب المظلوم
***********
أنا الظالم
....... وأنا المظلوم
وجيت أشكى
..... لقيت اللوم
تلومنى ليه
.... وأنا المحروم
تلومنى ليه
.... وأنا المصدوم
فى حبك قلبى
..... كان مظلوم
يا أمى
*********
أمسح دموعى ليه
وأنا ببكى على
أمى
دا الدمع مش
شاريه
أصل الحنان
.... أمى
هبكى عليكى
العمر
ياأم الحنان
....ضمى
***
هجر الحبيب
***********
لما حبيبك
يهجرك من غير سبب
لما بإيدك
تلمسه تلقى العجب
ساعتها قول من
غير خجل و بأعلى صوت
إذا عُرف السبب
بطل العجب
عذاب الدنيا
**********
عذاب الدنيا
حوالينا
ولسة برضه فى
عنينا
أناديها
فتزغرلى
تقول ياعم عدِّينا
***
قلب الحبيب
***********
قلب الحبيب انجرح وأنا كنت هعمل إيه
دا يوم وصاله فرح وعنيا برضه عليه
نادانى قلب الحبيب انا قلت أسمع إليه
وياعينى ع اللى اندبح ألفين ندامة عليه
سكة
الندامة
**********
يوم ورا يوم بيعدى علينا
دنيا بتضحك برضه علينا
إياك
تمشى معاها فى سكة
سكة .. إللى يروح ما يجينا
***
طباخ السم
**********
حبيت شهامته وذوقه
وحبى سارى ف عروقه
لكن هجرته وسيبته
وطباخ السم بيدوقه
الخريف
**********
الورد
قال للخريف يا مموَّت الأزهار
ضحك
الخريف قال صح دا بجد مش بهزار
دا
الموت علينا انكتب ودى حكمة القهار
وبكرة
ييجى الربيع وتفتَّح الأزهار
***
يا صاحبى
*********
يا صاحبى ليه بعتنى بالرخص بعتنى ليه
هفضل
أنا مصدوم وخيانته شاهده عليه
معقول
سنين العمر هانت على صاحبى
دا
صاحبك اللى يخونك إوعى انت تبكى عليه
إبكى
معايا
*************
هبكى
معاك على خيبتك
والخاينة
تبقى حبيبتك
أنا
اللى كنت حبيبها
والحلوة
لعبت بهيبتك
***
الوحدة
**********
رحتى
نسيتى أنين وأهات
عشت ف حزنى ساعات و ساعات
عمال
أبكى وأنا لوحدى
وإنتى
حبيبتى شعورك مات
عاد
الربيع
***********
إنسى
جراحك وافتكر كل الأمانى
خلى
حياتك كلها فرح وتهانى
وتعالى
يلا فى الهوى نسمع سوا
آدى
الربيع راجع لنا من بكرة تانى
***
الغربة
**********
الغربة
دى فيها نهايتى
وراح
أشوف كل حكايتى
حكايتى
ويَّا ناس خاينين
ما
عرفت أفرض وصايتى
السُمعة
*********
إوعى تعيب الناس .. إنت كمان معيوب
الجذع لو يوم مال ..
قطعه يصير مطلوب
حافظ على سمعتك .. وإوعى لـ تخسرها
دا اللى خسر سمعته .. راح يبقى صعب يتوب
***
الست
***********
الست لما
تصون البيت وعيالها
رب العباد يحقق كل آمالها
تلقى الفرح فوق الخدود مرسوم
سر الجمال اللى فيها سر رسمالها
الأصيلة والعويلة
**************
خد
الأصيلة ولو نامت معاك ع الحصر
ما
يوم هتشتكى ولوعاشت حياتهاعصر
أما العويلة تقول يا أبويه إلحقنى
وخدنى عندك دا شوقى راح تجاه القصر
***
قلبى
الجريح
**********
نادت
عليه قالها قوليلى عايزة إيه ؟؟
قلبى الجريح إتسرق وجيت أسأل عليه
نظر
لها وابتسم وقال قوليلى ياحلوة
مين
اللى قال إن قلبك جه هنا لوحديه
الوهم
*******
حبيبى
حبى ليك خدنى وودانى
عايش
على محبتك وف حلم وردانى
بنيت
بيوت ع الرمال والموجة هدتها
عشمتنى
بالحلق خرَّمت أنا ودانى
***
أم
أولاده
********
كانت
عزيزة أصيلة ومالية عليه بيته
والموت
أخدها ف يوم فضَّى عليه بيته
فكر
يجيب واحدة تكون الأم لولاده
جابها
تعمر وهِى ناوية لخراب بيته
الهوى
******
من
بعد أمى العزيزة القلب صار بيئن
حتى
فى عز المرض ما لقيت قلوب بتحن
ومين
هيمسح دموعى وألمى ياعشاق
دا
القلب داب فى الهوى والدنيا برضه تجن
***
قول
للزمان
**********
عاوزنا
نرَجع للِّى فات
وسنين
عذابنا والآهات
قول
للزمان من تانى يرجع
راح
تعود بيننا حكايات
الرزق
**********
عايش
حياتى كلها زى الطيور
أسعى
وطول عمرى باعيش مستور
دا
الرزق كتبه ربنا فوق ف السما
وكلامى
ضاع يا حرام بين السطور
***
الحب
*********
فى
يوم كنا سوا سمعنا دق الباب
قلت
ياريت الهوى يخلى قلبى شباب
ورحت
أفتح لقيت حبيبى قدامى
ضحك
وقاللى ياحسرة ع الأحباب
يا
قلبى يا مسكين
*************
يا
قلبى يا مسكين راح أشتكى الأحباب
وفضلت
أنده عليهم إفتحوا الأبواب
الصوت
هناك اختفى ولا حد جاوبنى
والشَعرْ شاب وانحنيت والقلب لسه شباب
***
إزاى
أدارى
***********
داريت
عن الناس حبى وكمان ألمى
وحكيت
مع الأحباب لما كتب قلمى
لقيت
حبيبى بيهجرنى ويفضحنى
وراح
أحافظ على بلدى وكمان علمى
اللوم
********
حبيبى
جفا عينى النوم
وفى
حبك أنا دقت اللوم
من
أهلى وكل اللى شافونى
وإزاى
راح أسامحك اليوم
***
الخيانة
*********
ياللى
ناوى ع البعاد وقلبك إنت من حديد
إنت
خنت قلبى أيوة وقلبك إنت كان سعيد
الخيانة
دى طبع فيك من زمان
إوعى
تيجى لقلبى تانى دى الخيانة فيك أكيد
الآسى
********
سقانى
المر من إيده
وناسى
إن انا سيده
بيغدر
بيه من تانى
ولسة
بحبه وبريده
***
حلالى
********
بحلالى
هكون أنا سيده
وبسهم
الحب راح أصيده
دا
هو حبيبى اللى كان
قلبى
بيهواه ويريده
أمك
********
ما
يساويش حبك لأمك أى شيئ
لقمة
تعوزها تجيبهالك من المرئ
أمك
حبيبى دنيتك هيه الأمان
هيه
اللى تحسن حبنا لو كان ردئ
***
متلزمناش
********
حبيبى راح يا ناس ولا
جاش
أنا راح أبيعه كمان
ببلاش
وراح أنادى عليه
وأقوله
مع
السلامة ماتلزمناش
حلم حياتى
*********
حلم حياتى تكون لى
لوحدى
تبقى هنايا وفرحى
وسعدى
ولما تغازل غيرى
أقولك
إنت دابحنى فى فرحى
وسُهدى
***
أناديكى
********
أناديكى وكلى أشجان
وقلبك آسى زى ما كان
وقلبى حزين ودمعى سال
وليه رب كريم حنان
سر الحياة
*********
الحب سر الحياة
وحبيبى فيه بيدوب
والحب نادى عليه كالريح
ف وقت هبوب
إثبت حبيبى واجمد
كالجندى وقت الحرب
وإياك ف يوم يتقال امشى يا غاوى هروب
***
ليه تدارى
********
يا حبيبتى ليه تدارى
جاوبى دايماً عن
سؤالى
سؤالى دايماً عن
حياتى
اللى ضاعت فى سهادى
ناسيه الحنين
**********
ناسيه ويايا الحنين
وفاكرة دايماً الأنين
لسه فاكرة حبى ليكى
يا ظالمة
قلبى من سنين
***
ليه نفارق ؟!
***********
راح أسامحك أعذرينى
قلبى حبك زى عينى
يا حبيبتى ليه نفارق
؟!
دى السماحة طبع دينى
عالم بيه
*********
دا إله الكون عالم
بيه
وأنا لبسى بالطو و
جلابية
راح أصرخ ربى وأقول
دى الحلة باتت مكفية
***
الورد جميل
**************
الورد يا فنان
جميل في كل حين
زنبق بنفسج ونرجس وكلها رياحين
تسأل حبيبك تقوله مالك يانور العين
يضحك وسنه يبان لك لكنه لحن حزين
كلى
جراح
*********
ياحلم
وراح مسا وصباح
وكلمة
آآآآآه وكلى جراح
ما
هانش عليك ترجعنى
وأنا عايش مع الأشباح
***
ضحكة
*******
أنا
شوفت ضحكة معديه
وسألتنى
عليك ياعنيه
قولتلها
تعالي لى يا حلوة
أتاريها
طلعت مش ليه
يانخلة
*********
يانخلة
ع القلوب مايلة
وإيدى
لخيرها مش طايلة
ونفسى
أدوق أنا خيرها
بس
عزيمتى مش هايلة
***
أنا
غاوى
**********
يمين
وشمال أنا غاوى
وعلى
حبك أنا ناوى
تراعينى
كمان أراعيك
وإنت
جارحنى ومداوى
العشاق
**********
هفتح
أنا قلبى مزار للعشاق
يشتكوا
فيه من هجر أو أشواق
حبيب
يقول لحبيب إنتَ ما تعرفشى
إن
بعاد الحبيب بيدبح العشاق
***
الصاحب
الغدار
*************
عامل
لى صاحبك وهو فى الدُرَة لابدلك
صاحب
الزين والصحبة الحلوة تقعدلك
وماشى الأصيل وبلاش تماشى الخسيس
وكلامك
البطال هيلف وهيعودلك
الأصيل والخسيس
****************
ماشى
الأصيل ينفعك وخيره منه إليك
أما
الخسيس يلدعك وسمه ساري إليك
أصل
الأصيل والخسيس عملة لها وشين
فيه وش يوم يرفعك والتانى يخلى بيك
***
الحلوة
*********
الحلوة
ماشية بتتعايق
بس
جمالها مش لايق
دى
لابسة زاهى وحاطة الروج
ساعة
ما أشوفها مش طايق
يغور
المال
**********
قالولى
خدها دا المال يزين حالها
قلت
هيغور المال وهتفضل على حالها
صاحبى
نصحنى وقال كل دا هيزول
والقردة
تفضل معاك عايشة مع عيالها
***
أهلى
*******
أنا
راح أزورهم بعد الزمان بزمان
دا
ربى وصانى بيهم وكله م الإحسان
أنا
رحت ليهم ولكن للأسف حالهم
كان
صدمة ليه وقابلونى ... و بالأحزان
يا
ناسى حُبى
***********
نسيت
كمان حُبنا وناسى اللى فات
ومشيت
وسيبت الوجع والهجر والآهات
والعشرة
هانت وسايب برضو أولادك
دا
إنت نسيت حُبنا والحى واللى مات
***
حُبك مكتوب
***********
نويت كذا مرة إنى أتوب
لقيت حبك قضا ومكتوب
وقلبى فى الهوا هايم
دا جد ياروحى مش ملعوب
الذكريات
*********
راح هعيش ع الذكريات
وأملا عينى م اللى فات
عين بتبكى وقلب نادم
و الحبيب و كأنه مات
***
دنيا غرورة
**********
إياك فى يوم تفرح إن الفرج جالك
كترت حبايبك عشان مازاد ف يوم مالك
دنيا
غرورة وراح تقلب موازينها
تاخد ما تدى تسيب الفقر لعيالك
شارينا بفلوسه
***********
عاملى فيها وجيه والكل بيبوسه
وهو من غير فلوسه الكل هيدوسه
جاهل وعامل وزير والكل بيهابه
شارى الخدم والحشم والكل بفلوسه
***
البخيل
*******
بخيل و قاعد وحط الأكل قدامه
ومراته ناظرة إليه والكل خدامه
وولاده ناشفه من الجوعة وراح تبكى
وبكره مين ينفعه فى مُر أيامه
المشورة
********
رأيك سديد لو أصابه الشور
خد المشورة راح تكون على نور
زوجتك صديقك برضه شاروهم
دى الشورة تعدل حتى اللى كان مكسور
***
يلا فارقنا
********
أنا شايفك برضه انت سارقنا
ياحرامى يالص انت خانقنا
أنا سامع واحد بينادى
ياحرامى غور يلا فارقنا
المعلم
********
سوق الحلاوة جبر قوم يلا يامعلم
لم الحبايب
معاك تسمع و تتكلم
إحنا سمعنا مثل من كام سنة بيقول
يموت المعلم وطول عمره ما يتعلم
***
قلبى مرتاح
*********
عمرى ما فى يوم هنسى حبك
قلبى مرتاح جوه قلبك
راح أفتش مرة عنه
راح أشوفه ينسى حزنك
الخاينة
******
شافونى بهلوس وفى هذيان
جسمى ف نار وكمان عيان
لما رأيتها داخله لعنده
وقلت لروحى مفيش غفران
***
أبويه
*****
أنا رحت إمبارح أزور قبره
ووحشنى حضنه وضمة صدره
دا كان أبويه رمز الحنان
وكنت أتمنى يطول عمره
شوية غرام
**********
بإيدينا نسعد بعضنا من غير كلام
بس الحكاية كلها شوية غرام
والغرام قصدى أنا يعنى الهُيام
والهُيام هيطَّير القلب الحزين زى الحمام
والحمام نفهم لغاه من غير علام
بالهُيام هنعيش حياتنا كلها حب وسلام
***
ياضى عينى
**********
إنتى برضه ضى عينى
راح أسامحك واسمعينى
إنتى حبك جوه قلبى
كلمة منك تسعدينى
قلبى سكنك
********
راح أنادى وأرفع شعار
إن حبك مش هزار
ساكنة فيَّا من زمان
ليه تخلى ليلى نهار
***
فاكرة
********
ياللى حبك صار أنين
فاكرة ويايا السنين
عمرى ما انسى حبى ليكى
ربى كان دايماً معين
ليست هناك تعليقات:
إرسال تعليق