نهاية حبى
***********
يااللى نويت ع الحب
الحب برضه جميل
وأنا اللى قلبى انكوا
طول النهار والليل
عشقت برضه الهوا
وخلى قلبى عليل
عيان وعاوز دوا
وطبيبى ليله طويل
روحت أشتكيله عذابى
لقيته حظه قليل
سألته مالك كده
قال القلوب بتميل
وأنا اللى قلبى حب
وغلبت م المراسيل
هجر الحبيب خلانى
مريض وجسمى نحيل
ريقى ما يوم ارتوا
وهموت صريع وقتيل
يااللى إنت ناوى تحب
حبك نهايته رحيل
الحب برضه جميل
وأنا اللى قلبى انكوا
طول النهار والليل
عشقت برضه الهوا
وخلى قلبى عليل
عيان وعاوز دوا
وطبيبى ليله طويل
روحت أشتكيله عذابى
لقيته حظه قليل
سألته مالك كده
قال القلوب بتميل
وأنا اللى قلبى حب
وغلبت م المراسيل
هجر الحبيب خلانى
مريض وجسمى نحيل
ريقى ما يوم ارتوا
وهموت صريع وقتيل
يااللى إنت ناوى تحب
حبك نهايته رحيل
**********************************
العيون القاتلة
*********
فى ليلة حـب
ورديه
وأنا نايم وقت
الفجريه
أنا شفت عيون
معديه
فجريت وراها
بعفويه
ولقيتها بتزغلل
فيه
وراسى كمان
دارت بيه
نظرتلى كمان
ضحكت ليه
وإدتنى وردة فى
إيديه
وقالتلى حبيبى
اسمع ليه
دى عينيه جميلة
ومؤذيه
وقتلت كام ألف
وميه
دى عينيه كمان
رايحه وجايه
إن عشقت واحد
تكره ميه
وبتقتل ناس
بهمجيه
وناسية إن
الآخرة جايه
وأسيبك بقى ياعينيه
فى حتة حلوة
معديه
آآآآه منها بنت
المؤذيه
قتلتنى عيونها
العسليه
وخدودها كمان
الورديه
وفرع البان أثر
فيه
ياإلهى إرحمنى
شويه
وبدَّلها ليه
بحوريه
***********************
يارب إحمينى
**************
ياروح القلب
بناديكى
وإنتِ عاملة مش
سامعة
وليه تسيبينى
فى لهيبى
ونار القلب
آآآه والعة
ضلام الدنيا من
غيرك
هعيش عمرى على
شمعة
وقلبى ينادى
ياحبيبتى
وعينى تزيد من
الدمعة
كلام الناس
بيجرحنى
وأنا عايش على
السُمعة
وراجل سُمعته
سيرته
ولسة ولاده فى
الجامعة
وأنا هرفع كمان
إيدى
لرب الكون فى
يوم جُمعة
يارب إحمينى من
نفسى
وأنا روحى إليك
خاشعة
************************************
الورد
جميل
*******
الورد يا فنان جميل في كل حين
زنبق
بنفسج ونرجس وكلها رياحين
تسأل
حبيبك تقوله حبيبى فين رايحين
يضحك
وسنه يبانلك لكنه لحن حزين
تبوس
ايديه وتقوله إنت جوا العين
دا
حبى ليك تملى هو حب متين
يعيش
معانا حبيبى دهور كمان وسنين
وادعى
ربك تملى يحفظنا من الناظرين
ونعيش
ليوم فرحنا ونسعد الحاضرين
ويرزقنا
كمان ربنا بذرية م الصالحين
دا
حبى ليك وليهم كمان بنات وبنين
**********************************
إبعد
حبيبى
**********
أول ما
أقول الآه
الآه تهز
القلوب
ألقى
الحقيقة تبان
والنور
يبان ع الدروب
والفرحة
تبقى حقيقة
والحزن
راح والكروب
ما إنت
حبيبى اللى كان
فى حبه
تاه الغروب
إياك فى
يوم تنساه
وإياك
تنوى الهروب
دا الحب
سر الحياة
وحبيبى
فيه بيدوب
والحب
نادى عليه
كالريح
وقت الهبوب
إثبت
حبيبى واجمد
كالجندى
وقت الحروب
نادى
الحبيب آآآآآه
والآه تشق
القلوب
إبعد
حبيبى وسيبنى
دا حبك
أشد الخطوب
حبك دا
كان عذاب
وعرفت إنك
لعوب
***************************
حبة غرام
**********
ما تيجوا
بينا نقول حبة كلام
إن شا
الله حتى يبقى فى الغرام
الغرام ؟!
أيوة ياسيدى فى الغرام
الغرام فى
الأصل معناه الهيام
والهيام
يخلى قلبك يطير زى الحمام
والحمام
تفهم لغاه من غير كلام
والكلام
الحلو ينورلك ظلام
والظلام
ويا الحبيب دا نور تمام
والبعد
عنه يئلمك زى السقام
ودا كله
ممكن تعرفه من غير علام
ودى نصيحة
منى للى استقام
هيعيش
حياته كلها حب وسلام
وهيرضى
عنه ربنا من غير كلام
***************************
اعتذارى
***********
والدموع جوه عينيكى
نار بعادك جوه
قلبى
ولسة برضه مش
ناسيكى
**
يا حبيبتى طال
انتظارى
بس حبك ليه تدارى
ليه تدارى يا حبيبتى
راح أقدم
اعتذارى
**
ناسية ويايا
الحنين
وفاكرة دايماً
الأنين
لسة فاكرة حبى
ليكى
يا ظالمة قلبى
من سنين
**
راح أسامحك
واعذرينى
قلبى يبكى كمان
وعينى
يا حبيبتى ليه
نفارق
دا الفراق واللاَّ كاوينى
***************************
نصيبى كده
***********
لما رميت
الشـــبك
طلع الشــبك
فاضى
هــو
نصـــــيبى كده
وبرضــه أنا
راضى
ما دام دا حـكم
الإله
وحكمه نافذ وماضى
أحــــمد إله
الكـــون
وهو حـــاكم
وقـاضى
************************************************
واللهِ
*******
واللهِ إنت
الــحــــبــيـــب
ومن قلــبى إنت
القريب
وقلبى شــــابك
فى قلبك
وأقوله سيب
وأنا أسيب
**
واللهِ
إنــــــت الـــغـــالى
وبرضه دا مقامك
عالى
ساعة ما أشوفك
جانبى
الدنيا على طول
تحلالى
**
واللهِ إنـــت
الأســـــــاس
وشايلك دايماً
ع الراس
وقلبى على طول
بيحبك
وقلبك حتة من
الماس
**
واللهِ
شـــــــــوفتك بعيونى
والناس خذلونى
ولامونى
وقالولى راح
ســـيبك منه
وشـكوكى زادت
وظنونى
**
وإلـــــهى هـــــــو
الموجود
وحبيبى أنا راح
هيعــــــود
هيعود وهكون
راضى عنه
بعـزيمة زى
الــــــبــــارود
**
وإلــــهى
هـــــــــو الفتاح
وقلبى على طول
ســواح
وعشمى فى ربى
يكرمنى
ويســـعد لى
قلبى ويرتاح
*******************************************
يمامة عاشقة
***************
ما بين أوراق
الشــجر
يمامة راقدة فى
عشها
تحــمى وليفها
بضـلها
وكمان
تســــــبح ربها
اللون سبحان من
أبدع
والريش يضـــلل
حِبها
الألفة
والحـــــُب بينهم
وياريتنا نبقى
زيــــها
وكمان عايشـة
سعيدة
والحــــــب
يملى قلبها
الهجـر صار بين
البشر
والناس دى نسيت
ربها
أه لو كنا زى
الطـــيور
ونتعلم منها
صــــبرها
لـ كنا عشـــنا
فى أمان
والأمــن عمَّر
أرضــها
********************************************************************
القلب الحزين
**********
قلبى يوم ما
شــــكيته ليك
كان فى جـــره
وطلع لبره
كل ما أجى
أســـــأل عليك
يصرخ يقول مش
كل مَره
كل ده
علشـــــــــان عنيك
راح أشـيل قلبى
فى صُره
مش هَمِلْ
أبـــــوس إيديك
وفى بعـادك
الدنيـــــا مُره
يمكن عذابى
يوصـل إليك
فتحـــس بيا
لـو حتى ذره
يااللى حـياتى
وعمرى ليك
نفسى تكون سبب
المـسره
******************************
طائر نادم
*********
وقفت
أنـــــــــادى عليه
بأعلى صوتى
وضميرى
لقيته عانــــد
وشــــــارد
وكمــــــان
لايف بغيــرى
نـــاديت
بعلــو صــــوتى
أبوس إيـــدك
ياطـــيـرى
نظــــــــر
إلىَّ وقــــــــال
دوَّر
علــــــى غيــــــرى
بكيت وســــالت
دموعى
على اللــــــى
نكر خيرى
اســـــتغرب
ونادى وقال
طول عمرك كنت
لغيرى
عمرك ما شـوفت
جمالى
وكمان كاره
صــــغيرى
وعمرى ما شوفتك
يوم
جانبى كمان
ونصـــيرى
وكان
كلامـــــــــك معايا
ناشـــــــف
وكأنه ميرى
ولما جيت أعاتبــــــــــك
قلت اســـــرحى
وطيرى
دلوقتى
جــــــــاى بتبكى
وتقوللى ريشـك
حريرى
دلوقتى
إنســــى خلاص
جه غيرك شـــم
عبيرى
وبكـــره
تنـــدم لبعـــدى
ومش هتلاقى
نظــــيرى
وهعيــش حياة
ســـعيدة
معــــاه أنـا
وصــــغيرى
*******************************************
الوش التانى
************
نفســى أعيش فى
دنيا تانية
بوش تانى
نفســـــــى أعيش
بوش صـــادق
ومش بيكدب
بس خسـارة برضه
ما ليش
نفســى أعيش
بين الحبايب
وآكل معاهم
ملـــــح وعيش
عايش بقالى
ســـــنين كتيرة
وعمرى معاهم ما
يسـاويش
ليه
ياحبـــــــــايبى ليه الأذية
وقلبى
مـــــــات غيره مفيش
وإنتى حبيبتى
قلبك خـــلاص
ناشف وميرى زى
الشاويش
ولما قلبى
ســـــــــــأل عليكى
جاوبنى
قلــــــــــبك ميهمنيش
كل الكلامدة
برضه حــــــــرام
ومش
عاجبنـــــى ومينفعنيش
شــــربت هجرك
كمان عذابك
ويمكن أشـــرب
كمان حشيش
يارب
ارحـــــــــــم دموع عنيه
وياعينى
إبكـــــى وما تخافيش
بكت
عيــــــــــونى بحرقة أيوة
شــــــــــكراً
ياعينى ما خبتيش
وعمـــرى ما
أخبى وشى تانى
وهقــــــــول
لعينى ما تدمعيش
وهعيش بوشــى
وهقوله دايماً
دا الدنيا فانية وما تســـــاويش
**********************************************
بعدك طال
***********
أنا راح
أســـأل ســؤال
وأنا دايسة ع
الأشواك
أنا قلبى فيه
زلـــــــزال
وأنا برضــــه
منتظراك
مع إنى زى
الغــــــزال
وفى بعدك كمان
صيناك
ياحبيبى بعدك
طـــــــال
وأنا قاعدة
بســـــــتناك
وفى بعدك دمعى
سال
وجريت كمــــان
وراك
وأنا قاعدة
وحالى حال
ومش ممكن يوم
أنساك
ابعتلى فى يوم
مرسال
تلاقينى كمان
بأهواك
وكمان لامونى
عُزال
وأنا منايا
رضــــــــاك
وقالـــــوا
وقلنا وقــال
وظلمونى كمان
ويـاك
وإلهى شــــاهد
متعال
يحمينى م اللى
وراك
بعدك قطع
الوصــــال
وأنا قلبى
لســة فداك
حبيبى غنيت
مــــوال
فى حبك ياأجمل
ملاك
إرجـع وأنا
هبقى عال
وهاتلى قلبى
معـــــــاك
************************************
حالى حال
************
عمرى ما كنت فى
يوم
أتمنى هــــذا
الحــــــال
حـــــالى عجب
يازمن
خلانى أقول
مــــــــوال
مــــــوال
حزين ياولــد
دا خلى دمعى
ســـــــال
والعمر ضـاع
وانقضى
وأنا برضــه
حالى حال
والزوجــة طبع
غريب
حتى الجيران
والعيــال
هشــــــكى
لمين يازمن
وأنــــا اللى
بختى مــال
عشرين سنة فى
الحزن
وكتير مـــن
الإهمـــــال
والجهل
هـــــوه السبب
والعلم رمــــــــز
الكمال
ناظــــــر
أنـــــا للســـما
صامد صمود
الرجــــال
يمكن
أنــــــــول الرضا
دا همى صـــار
كالجبال
وأنا اللى
صــــابر عليه
ناسى القنوط
والضـلال
علشان
يقــــولــوا الولد
ولـــــد عظيم
الخصــال
وأحـــمـــد
إلــهى تملى
عـــدد ذرات
الرمـــــال
*****************************************
قلبى الحزين
*********
العيون
السهرانين
ويا أشــجان
القمر
والأيادي
الشقيانين
أرضها تطــرح
ثمر
همـا دول
التعبانين
والقـــدر حكمه
أمر
والشهور ويا
السنين
والحياة عشق
وسمر
والبكا ويــــا
الحنين
والحبيب دمعه
غمر
واللقا عند
الحزين
كالحليب ويــا
الثمر
والحبيب حلو
وزين
والفراق طعمه
أمر
ياإلـــــــه
العالمين
قلبى م الحب
ضمر
****************************************
بحلم بعروسة
**********
أنا كنت بحلم بيوم
إنى ألاقى عروسة
بصيت على شباكها
لقيتها طلعت جاموسة
بصيت
عليها بقرف
وهيه كمان مفروسة
وآه لو قرونها طالتنى
تفرمنى زى المهروسة
وتدوسنى كمان بحافرها
وتفعصنى زى الناموسة
وساعتها سمعت أنا صوت
ولقيته صوت نفوسة
تنده تقول يا جميل
أتاريها كانت مهووسة
الوش وش القمر
بس خسارة ملبوسة
والعقل كمان راح
وكمان هبلة وملحوسة
ولسة بصرخ يا ناس
نفسى أنا في عروسة
*******************************
مش هسامح
********
عند ساقية غيطنا نادى
إلحقونى أنا راح أموت
قلبى قاللى سيبه وإمشى
ياما جرحك وكان طاغوت
لسة فاكر جرحه ليك
والبعاد خرَّب بيوت
قلبه كان قاسى عليا
أما قلبى كان ياقوت
انكسر قلبى وكان
أرق والله م البسكوت
كنت بحلم بعش هادى
أسمع فيه همس السكوت
وقلبى والله كان أليف
أحن وأجمل م الكتكوت
وفكرى سارح كمان وشارد
وسمعته يصرخ بأعلى صوت
تعالى يلا كمان وسامح
إنقذ حبيبك كمان وفوت
وأنا قلت عمرى ما راح أسامح
ولو سامحت هكون هلفوت
ونفسى أدور على عروسة
تكون جميلة وبنت بنوت
********************************
خبينى
*****
خبينى جوه حضنك
خبينى كمان م الناس
أصل أنا حتة منك
وكمان تاه الإحساس
ياساكنة جوه منى
وأنا من غيرك محتاس
إزاى تقولى سيبنى
دا حرام يا بنت الناس
وكلام الناس تاعبنى
وكمان جابولى وسواس
وأنا قلبى والله حزين
وكمان مخنوق الأنفاس
بقولِك سيبِك منهم
سيبك من وجع الراس
وهشيلك جوه فى قلبى
أصلك حته من الماس
إلحقى قلبى ياحبيبتى
قبل ما يشهر افلاس
*****************************
خلاص هيسيبنى
***********
ماشية وطريقى سراب
وحبيبى فاقـــد
صوابه
وكنت فاكــــرة فى يوم
إنه هيراجــــع حسابه
لكن غــــــــروره ملاه
والعند برضــــه صابه
وحبيبى كــــــان خيًّال
وحصانه كمان ســابه
قولوله يرجـع ياخدنى
أنا لســــة واقفة ببابه
وقلبى
زعــــــلان منه
وناوى برضــه عتابه
واللى يحب فى يــــوم
بيسامح كمان أحبابه
**************************
كوانى
الشوق
**********
كوانى
الشوق يا أغلى حبيب
كمان
دعــواتى نفسى تصيب
وكـــــــل
مــــــا أًمِــلْ تندهلى
تــداوينى
يا أحـــــــلى طبيب
**
أنــــا
عايش كمان فى لهيب
وعمــرى
راح ما كنت لبيب
وعشــــمى
فيــك تســـاعدنى
يارب
الكـون كون لى مجيب
**
سهرت
الليل وكان دا عجيب
شربت
سِكِرتْ وأمرى غريب
وجيت
اليـــــــــوم قاصد بابك
وبطلب
عفـــو برضــه قريب
**
دمعى
ســــــال بُكـــا ونحيب
وربى
شـــاهد كمان ورقيب
إلهى
ســـــامحنى واغفر لى
قبل
ما ييجى لراسـى الشيب
***************************************
بتجرح
قلبى
*******
بتجرح
ليه فى قلبى
وأنا
قلبى دايب فيك
بتــــــدور
ليه عليه
وهـــــو
ملك إيديك
وليه
نــاوى الأذية
وهو
عاشـــق ليك
ارحم
دموع عينيه
أنا
مش صعبان عليك
لو
كان قلبك دا حَبْ
كانت
سهرت عينيك
**************************
فوق
السحاب
*********
حبيبى
برضه معـاك
وإنت
فوق السحاب
قلبى
وقلبك ســـــوا
شاربين
لشهد الرضاب
ونفسى
ييجى الهوا
يخلى
قلبى شـــباب
يا
اللى كواك الغرام
وصبحت
م الأحباب
يــلا
تعـــالى نطـــير
ننسى
ملام وعتـاب
ننسى
كمان الأذيــة
ننسى
العناد والعذاب
يلا
نعــــالج قلــوبنا
م
الهجر واللى صاب
أنا
قلبى داب وانكوا
ونفسى
أسمع جواب
طايرين
بين النجوم
ماسكين
بإيدنا شهاب
وحبى
نهايته زواج
عارف
ثواب وعقاب
حضن
قلوبنا السحاب
رحلة
ذهاب وإياب
دعينا
رب الــورى
اجعل
دعائنا مجاب
اجمع
قلوب الأحبة
على طريق
الصواب
*******************************
يا نور عينيا
*********
يا يا بابا يا نورعينيا
إنت كـــــل الدنيا ليا
لو خيرونى يا حبيبى
هقدم ليك عمرى هديه
**
يا اللى عمرك ما اشتكيت
يا اللى شايل هم البيت
ولما أطلب وأقول يا بويه
دايماً تلبى وما ونيت
**
الشقا عنوان حياتك
م الميلاد حتى مماتك
ولما أبقى مريض يا بويه
همك يزيد كمان وأهاتك
**
بابا سافر من زمان
ساب وراه كل الأحزان
سافر بعيد ومش هيرجع
فاكرك يا بابا فى كل أوان
**
رحمة ونور عليك يا غالى
يا كل عمرى وجد عيالى
وماما سافرت كمان معاك
والفرحة ماتت وكل أمالى
**********************************
اليوم 10 / 6 / 2016 يوافق ذكرى زواجى الثالثة والعشرون
وبهذه المناسبة أهدى رفيقة دربى وأولادى هذه الكلمات .
****************
إنتى أمـــــــــى بعد أمى
رغم كـــــــــل الإختلاف
برضه شيلانى فى عيونك
حتى من يــــــوم الزفاف
والنهاردة عيــــد زواجنا
راح يباركلـــــــى الألاف
بنت أصـــــــل والله إنتى
حتى فى مرضى ما بخاف
والحنان شــــــاهد عليكى
إنك كاملة الأوصــــــــاف
هدعى ربى يباركلى فيكى
يادرة غالية فى الأصداف
وكمان يباركلى فى أولادى
ويبعد عنهم أى انحـــراف
******************************
عن ذكرياتى مع أبى قبل وفاته رحمه الله
كتبت هذه الكلمات
********
يا سيد الكل
********
بابا يا بابا يا ســـــــيد الكــــل
نهـــــارك أبيض زى الفـــــل
تشقى وتتعب يا بابا علشانى
تبعد إيــــــــــــدك عنى الــذل
**
أنا طول عمرى أتمنى رضاك
ويملاش أنـــــــا عينى سـواك
ما انت أبويــــــا وكـــل حياتى
عمرى فى يوم أنــــــــا منساك
**
تدعى إلـــــــه الكــــون تناجيه
إبنى ياربى اســـــــعده واحميه
وآكــــــل خيره واشوف أولاده
تجرى وتلعب كــــــــده حواليه
**
وفى يوم فرحـــــــى كنت سعيد
فرحــــان تضحك كأنـــه دا عيد
ودمــــوع تملى عينيك يا حنين
كمــــــان تدعيلى بعمر مـــــديد
**
بــــــــــارك ربى فى رب البيت
أنـــــا بدعيله طــــول ما حييت
أبويه وصــاحبى وكــــل حياتى
لما بشـــوفه يا زين مــــا رأيت
***********************************
يا اللى ظالمنى
*********
إوعى فى يوم تظلمنى
ولا فى يــوم تحاكمنى
أنا حبى برضــــه ليك
وإنت اللــــــى ظالمنى
**
سمعت كـلام وسواس
وكلامه ما لــه أساس
ولـــو عرفت الحقيقة
تلاقينى زى المـــاس
**
يا اللى ظالمنى فـ يــوم
من غير عتاب ولا لوم
فكر وراجـــــــع نفسك
والله أنــــــــــــا مظلوم
**
مش بلتمس أعــــــذار
دا لســــانى سيف بتار
لكن على الأعــــــــداء
وإنت مـــــن الأطـــهار
***********************************
أوتار الندم
******
وأه من لحنى الحـــــزين
عازفه على وتـــــر الندم
عايشه طـــــــــول السنين
وبدارى ويــــــــــــاه الألم
أوتـــــارى زى الســــكين
قطعت واللهِ العشــــــــــــم
وحبيبى شــــــارد وحزين
وأفكاره صــــــارت للعدم
أنـــــا هدعى ربى المعين
يسعدلى قلبى اللى اتصدم
***************************
أغنية " ليه سيبانى "
*********
ليه ســــيبانى الله يجـــــازيكِ
هجــــــرك ليه ما
أثـــــر فيكِ
بكرة تدوقى
نــــارى وعذابى
تطلبى نظــــــرة ومش هديكِ
**
يا اللى هواكِ خبط على بابى
نسانى أهلى وكــــــل أحبابى
قلبى خلاص بقى لعبة فـ إيدك
وإنتى تزيدى كمان فى عذابى
**
راح أناديكِ والدمعة فى عينى
وأنا المجـروح نفسى تداوينى
بُعـــــدك عنى أثــــــر فيـــــــا
نظـــــرة منـــــك راح تكفينى
**
بس خـلاص هنسى الأحزان
عليهم هنت وقلبى أنـــا هان
قلبى أنــا هان كمان وباعوه
وأنا قلبى بـرئ وقلبِك خــان
**
راح أدعيلِك فــ كـــــــل أوان
تدوقى الهجر كمــان حرمان
بس خلاص أنـا قلبى نسيكى
وقلبى أنــا فاق من التوهان
****************************************
الخيانة
******
اللى يحبــــــك ليه تخـــــونه
دى الخيــــــانة طبع اللئــــام
هـــــو حبـــــك بكـــــــل قلبه
وقلبك إنت خـــــــــــانه أوام
كنت أمله وكــــــــــــل عمره
وليه تسيبه فى الضــــــــلام
والخيـــــــــانة دى طبع سئ
من ساعتها ما عرفت أنـــام
نفسى أفضفض كمان وأقول
لكن لســــــانى فيه اللجــــام
عينى بتبكى وعقلى شــــارد
جســـــمى علــــيل وفيه ألام
هاتوا الأطبـــا تعالجلى قلبى
بكـــلام إلهى ونـور الإسلام
يا دنيـــــا ليه بتـــــأذى فينا
ابعدى عنـــــــا ولاد الحرام
**********************************
لحن الحياة
*******
حياتى لحـــن وقــــال
بدل الأنين مــــــــوال
عازف على الأوتـــار
وخلى حـــــالى حــال
**
ولحنى برضـه حزين
جرى دمـــــوع العين
لحــــــن لأغلى حبيب
كلـــه بكــــــــا وأنين
**
هشكى أنــــــــا للعود
يارب خِلــى يعــــــود
سافر حبيبى خـلاص
يمكن زمــــانى يجود
*****************************
تفوتوه
******
موال افتتاحى
********
يا ليلى يا عينى يا ليل يا عين
يا اللى تغدر والخيانة
دى طبع فيك
ليه تكون سبب الأذية
والحبايب دول أمنوا ليك
إنت بعت ولسة حبيبك
برضه شاريك
سهرت عينه وتعبت قلبه
الله يجازيك
يارب تشرب وتدوق عذابه
بعد اللى كان
كان قلبه حبك طالب وصالك
لكن إنت بعت وهان عليك
يا ليل .. يا ليل .. يا ليل .. يااااااااااااااا ليل
********
قلبى اللى كان شارى حبايبه .. وبرضه باعوه
كان كل أمله فى حياته .. إنه يصالحوه
وكان شايلهم فى عيونه .. ونفسه يشيلوه
بالرخص بعتوا يا حبايبى .. وكمان نسيتوه
وقلبى مش ممكن ينسىى .. اللى تعبوه
هيعيش ينادى كده عليهم
.. ربِ يجاوبوه
إنتوا هناه وإنتوا عذابه .. وليه تفوتوه
*********************************
ويبقى الأمل
تابلوه غنائى للشاعر محمد شرف الكراديسي
*****
بالأمل نحيا سنين
وسيبك إنت م الأنين
يلا بكرة كله جاى
وكله مكتوب ع الجبين
**
قلبى بيعد الساعات
ولسة فاكر الآهات
عمرى ما أنسى يا حبيبى
لحظة أبداً م اللى فات
**
قلبى حبك وإنت ناسى
ولسة قلبك برضه آسى
يا حبيبى إمتى تلين
إمتى يوم قلبك يواسى
**
قلبى سهرته ليالى
وصورتك إنت فى خيالى
بس قلبى حبك إنت
وإنت عندى فى العلالى
**
قلبى م الحب انكسر
وإنت برضه قلبك حجر
قلبى طول عمره يحبك
غصب عنى دا القدر
**
ولسة عايش ع الأمل
قوللى إيه بس العمل
هفضل أحبك مهما يكون
حتى لو خُلص الأجل
*******************************
الموهوب
******
ينادونى بالموهـــــــــــوب
وع الشعرا كمان محسوب
وكلامى حلــــــــــــو جميل
وفى كل مكــــــان مطلوب
**
على كتبى كمـــان مكبوب
والنت واليوتيــــــــــــوب
مشغول ومعــــــــايا تملى
أوراقى واللاب تـــــــــوب
**
ومراتى تقـــــــول معيوب
خربان وكمـــــان معطوب
يا ولية ارحمى حــــــــالى
بقى ده يبقى أســـــــــلوب
**
وحياتى معــــــاها حروب
وعيون تبكى وقلــــــــوب
يا مدام ابعـــــــــدى عنى
لهشوطك بالمركــــــــوب
**
موهـــــوب ونفسى أتوب
وأنـــــا بكتب ع المحبوب
ومراتى تبص وتزغــــــر
وأنا قاعــــد فى العرقوب
**
قاعــــــد وكمان مسلوب
وقلـــوب فاضية وجيوب
يا صحاب الكلمة نادولى
أنا قاعــــــد هنا مرعوب
********************************
حبك ضياع
*****
لما إيدى لمست إيديك
ساعتها قلبي حن ليك
وإزاى تقولي مش شاريك
وإنت إللي قلبك هجر
**
يا اللى خاين من زمان
إنت إنس ولا جان
يا اللى قلبك عمره ما لان
لسة ناوى ع السفر
**
يا اللى طبعك مش أصيل
وقلبى حظه معاك قليل
نفسى قلبك يوم يميل
وأنسى وياك الخطر
**
قلبى شارى وهوه باع
وبرضه ناوى ع الوداع
يا اللى حبك كان ضياع
خلى قلبى انكسر
********************************
يلا تعالى
******
الشعر أسمر لون ليلك
نفسى يا حلوة أغنيلك
وأقعد على شط هواكى
أبوس خيالك وأدعيلك
**
يا وردة نادية على عودها
نفسى فى يوم قلبى ياخدها
وأعيش معاها فــ أحلامى
وأبوس إيديها وخدودها
**
يا حلوة سارح فى جمالك
إمتى أقول هـــــــل هلالك
وأنسى معاكى أحزانى
وأفرح يا غالية بوصالك
**
هفضــــــــل أغنى موالى
وأشكى لحبايبى كمان حالى
وقلبى يصــــــرخ وينادى
يلا يا حلـــــوة بقى تعالى
********************************
قلبك حجر
******
إزاى تقول هنساك
وأنا قاعدة بستناك
دايبة كمان فى هواك
يا اللى حُبك أمر
**
قلبى بستان زهور
غنت فيه الطيور
يا اللى قلبك مغرور
والكره فيه انتشر
**
ولسة باقية عليك
علشان خاطر عينيك
وقلبى دايب فيك
وإنت قلبك حجر
**
إنسى يا قلبى الآه
وعيش تملى معاه
واسرح كمان فى هواه
وارضى بحكم القدر
*********************************
إمتى تعود ؟!
********
عشقك سقانى المُر كاسات
تقول كفاية أقولك هات
يا اللى فى هواك ما دقت النوم
سايب فى قلبى أنين وأهات
**
وجاى تسلم ع المحبوب
بعد ما دابوا فى حُبه قلوب
جرح الحبيب واللاَّ ضنانى
حُبه كمان دا كله عيوب
**
معيوب حبيبى كمان بطال
والهجر بينى وبينك طال
لما لمحت أنا طيفك جاى
داريت جمالك واللاَّ بشال
**
إمتى حبيبى تروق وتعود
يا اللى هواك دا كله برود
بكالى عينى وقلبى كمان
شمَّتْ فيا حبيب وحسود
****************************
حياتى توهان
********
راضى ومش راضى
وبلف ع الفاضى
ما دام أنا ماضى
ليه تبكى يا عينيا
**
مظلوم كمان ظالم
طول عمرى أنا حالم
عايش ومش سالم
مربوطة يا إيديا
**
فرحان ومش فرحان
عايش حياتى توهان
والظلم بقى انسان
ارحم بقى شويا
**
شاعر ومش شاعر
والكره بقى واعر
احساس ومشاعر
ماتوا خلاص فيا
**
مقلوب ومش معدول
حالى يا ناس على طول
شمَّتْ فيا عـــــــزول
صبحــــى ولياليا
**********************************
الغربة
*****
بصرخ أنا بمــــوال
من بعد ضيق الحال
طريقى صعب رهيب
مليان حيتان ورمال
**
أنا قلت أسافر يومين
دا ولادى مش لاقيين
حتى الرغيف الحاف
دلوقتى مش طايلين
**
آه من سنين الغربة
مدفون كأنى فى تربة
ونسيت كمان نفسى
هــم وغــم وكُــربة
**
أنا هعمل إيه يا زمان
شفت العـــذاب ألوان
دا أنا أكـــــولها بدُقة
وأعيش ف بلدى بأمان
*************************************
معقول تغيرى
*********
معقول تغيرى م الـورد
والورد ســـاكن خدودك
يادفايا فى لحــظة بــرد
إوعى تورينى رعــودك
ياضلة فى وقت الشــرد
يحمينى دايماً وجـــودك
وشــــوقى يطردنى طرد
خايف م لحظة صــدودك
*******************************
هحب
تانى
*******
كل يوم شبه اللى قبله
وإنتَ غايب عن عينينا
آه م الفراق آه من عمايله
لو قلبه مال كان يشترينا
**
يا اللى بُعدك صار مرار
وإحنا إيه بس بإيدينا
يبقى لازم م القرار
ويا تاريخ إكتب ماضينا
**
يا سفينة الحب إمشى
دا الحبيب برضه ناسينا
بكى قلبى وصحى رمشى
وفــــ بعاده انكوينا
**
خلاص حبيبى كله راح
ومين يا قلبى هيواسينا
يمسح دموعنا والجراح
يا شماتة الكل فينا
**
بس أصبر يوم يا قلبى
ع الحبيب اللى معادينا
اللى زارع شوك فـ دربى
وبعمايله كمان أذينا
**
يا قلبى إنسى اللى كان
وسيبك إنت م الأنانى
اللى قاسى من زمان
واختار يا قلبى حُبْ تانى
******************************
سبب تعذيبى
********
حبيبى دا شرانى
وطبعه برضه أنانى
أصرخ أقول الآه
يضحك يقولى تانى
**
حبيبى إمتى تحن
طبعك دا والله يجن
عمال أحايل فيك
وقلبى كمان بيئن
**
حبيبى ليه مسهرنى
طيفك دا بيفكرنى
باللى عملته فيا
يا قلبى ليه محيرنى
**
أناديك وأقول يا حبيبى
وإنت سبب تعذيبى
خلاص أنا هنساك
وبإيدى هطفى لهيبى
*************************************
أطفالك يا مصر
*********
إحنا أطفالك يا مصر
وإنتى لينا أحلى قصر
من يوم ما فتحنا عينينا
شوفنا نصر من بعد نصر
**
شوفنا وياكى السلام
فعل طبعاً مش كلام
حبنا ساكن قلوبنا
ما يهمنا أبداً ملام
**
بلدى دايماً فى عيونى
بنسى وياها شجونى
والأمان وياكى إنتى
يا اللى بددتى ظنونى
**
راح أنادى واسمعينى
إنتى غالية جوه عينى
رب يحميكى حبيبتى
يا اللى نورتى سنينى
***************************
ابن الأصـــول
*********
الأصـــــــــول إنك تقـــولى
ع اللى كـــــان بينها وبينك
الأصــــــــول إنك تصــونى
جــــوه قلبك كمــان وعينك
الأصــــول يا حبيبى تعرف
إن قلـــــــــــبى مِلك ليمينك
مع السلامة يا ابن الأصول
ويـارب أنسى عذاب سنينك
******************************
أنا هنساك
*******
جاى وعامل نفسك ناسى
قلبى أنا طيب وإنت الآسى
بكرة تجرب هجرك ليا
وكمان تعرف قيمتى وناسى
**
يا اللى هواك على طول نسانى
هجرك بُعدك وإنت أنانى
عايزاك تعرف إنى عشانك
بعت الكل كمان وزمانى
**
بعت حبايبى وشاريه هواك
ونفسى يا ظالم يوم أنساك
بعت الغالى بكل رخيص
كنت بايعنى وأنا شارياك
**
إوعىِ يا عينى تدمعى تانى
حُب سنين انتهى فى ثوانى
طبعه غريب وكله آسية
شيلته فـ عينى وهو رمانى
**********************************
ليست هناك تعليقات:
إرسال تعليق